Nehemaya 2:3 - EBƆRƐ BE KAWƆL

³ Nɛ ŋ kaŋɛ mo le: “Yiramu, Ebɔrɛ e teŋi fo efute so! Ma kagbene maŋ fuli ma, ŋkpal manɛ so, kadegboŋ nɛ b puli n nanaana na bure a dese nɛ kumo be mbunagboŋana kikɛ ji edɛ.”

Nehemaya 2:3 ပူးပေါင်းရင်းမြစ်များ

1 Bewura 1:31

Nɛ Bɛshiba jɔŋɛ mo ase ŋ kaŋɛ: “Ebɔrɛ e teŋi fo ŋkpa so Yiramu!”

2 Bewura 25:8

Ewura Nebukadneeza ka ji Babilɔn be efuli so be kuwura be kafɛ kudu akpanusopo to be kufɔl nusopo to be kachɛ shunusopo na nɛ Nebuzaradan nɛ e la ewura be asoetojipo nɛ benapo nɛ baa kuŋ ewura na be enimu na ba Jerusalɛm to,

2 Kronikɛls 21:20

Nfɛ adesa nɛ anyɔ nɛ Jehoram daŋ ji pɔɛŋ nseŋ ki ewura, ama e daŋ ji kuwura Jerusalɛm to nfɛ aburwa nna. E ka daŋ wu, k daa maŋ jija ekama be kagbene. Jerusalɛm nɛ k la ewura Deevid be kade to na nɛ b daŋ puli mo, ama b daa maŋ puli mo kakpa nɛ baa puli bewura na.

2 Kronikɛls 28:27

Ewura Ahaz ka wu nɛ b puli mo Jerusalɛm to ama b daa maŋ puli mo kakpa nɛ baa puli bewura na. Mo pibinyɛn Hɛzekaya e daŋ sɔ mo so n ji kuwura.

2 Kronikɛls 32:33

Ewura Hɛzekaya ka wu, kakpa nɛ baa puli bewura nɛ b kɔ bunyaŋ ga na nɛ b ya puli mo. Juda nɛ Jerusalɛm be basa kikɛ daŋ sa mbe keeliwora kemaŋkura ga. Mo pibinyɛn Manase e daŋ sɔ mo so n ji kuwura.

2 Kronikɛls 36:19

Ewura Nebukadneeza daŋ chɔɔ bɔrɛlambu na nɛ ewura be laŋ nɛ kade na kikɛ nna nseŋ da kumo be egbal n lɛ.

Nehemaya 1:3

Nɛ b kaŋɛ ma fanɛ basa nɛ b bɛta n yɔ Jerusalɛm na wɔ tɔrɔ nɛ awurfoŋ to nna. B yɛ Jerusalɛm be egbal na bure n tɔr nɛ kumo be mbunagboŋana na malɛ gba ji edɛ.

Nehemaya 2:13

Kabuna nɛ k wɔ epeŋitɔrkpa nɛ baa tre kumo Ketaŋɛ be kabunagboŋ na to nɛ m bɔla to n lar n sɔ kelargato be kaseto be kaba so n ya bɔla kechubu nɛ baa tre Dragɔn na ase n ya fo kabunagboŋ nɛ baa tre Epi be kabuna na ase. Jemanɛ nɛ n dii kurma a choŋ na nɛ mee dara egbalana nɛ e bure n tɔr nɛ mbunagboŋana nɛ e daŋ chɔɔ na kikɛ.

Ɛsta 8:6

M maaŋ tiŋ n chena a keni nɛ ma basa e mur.”

Nshɛ 102:14

Anyi fo anya bee sha kejembu kama nɛ k wɔ kadegboŋ na to nna; amoso kumo be kebure a dese loŋ na shin nɛ kagbenejija tɔr anyi so ga.

Nshɛ 102:15

Efuli pɔtɛana so be basa beeŋ ŋana fo, Enyɛnpe Ebɔrɛ na, be ketre na. Nɛ durnya to be bewuraana kikɛ e ta bunyaŋ gboŋ gboŋi n sa fo.

Nshɛ 137:6

Nɛ ŋ ka maŋ naŋ nyiŋi fo, ŋko n ta Jerusalɛm fanɛ kakpa nɛ ma kagbene bee fuli so ga, Ebɔrɛ e shin nɛ ma kudonduloŋ e cha m mata ma kɔnɔ to nɛ nsaa maŋ naŋ tiŋ m malga ŋko m boŋ nshɛ.

Nshɛ 38:7

Ma kaman bel edɛ nna a besa ma pelpelpel. Ma eyur kikɛ maŋ kɔ alenfia.

Jɛremaya 52:12

Ewura Nebukadneeza ka ji Babilɔn be efuli so be kuwura be kafɛ kudu akpanu to be kufɔl nusopo to be kachɛ kudusopo na nɛ Nebuzaradan nɛ e la ewura be asoetojipo nɛ benapo nɛ baa kuŋ mo na be enimu na ba Jerusalɛm to,

Nfabel 2:9

Jerusalɛm be mbunagboŋana tɔr a pul eshishɛr to nɛ ndibi nɛ baa ta a ber amo so na kikɛ buri to burburbi a dese. Ewura nɛ bewurbi nɛ b daa wɔ ndoŋ na kikɛ ki anya efuli wɔfɔ so nna. Bɔrɛmatapoana na maŋ naa ŋini mbraana na, anebiana na malɛ maŋ naa nu kubɔya kikɛ ashi Enyɛnpe Ebɔrɛ kutɔ.

Danɛl 2:4

Nɛ b malga Aramaik be ŋgbarto ŋ kaŋɛ ewura na le: “Yiramu! Ebɔrɛ e sa fo ŋkpa tenteŋ mbaanaayɔ. Kaŋɛ anyi fo edare na nɛ anyi alɛ e kaŋɛ fo kumo be kifito.”

Danɛl 3:9

Le nɛ b daŋ kaŋɛ ewura Nebukadneeza: “Yiramu, baa kɔ ŋkpa tenteŋ!

Danɛl 5:10

Ewurche na ka nu ewura nɛ mbe beyaasepo ka bee cha awɔr nɛ e yɔ kakpa nɛ baa wora kejigboŋ na n ya kaŋɛ ewura na le: “Yiramu, Ebɔrɛ e teŋi fo kuwurji ere so! Jande sa maŋ shin nɛ fo kagbene a jija fo nɛ fo baa foleeto loŋ.

Danɛl 6:21

Nɛ Danɛl kaŋɛ le: “Yiramu, Ebɔrɛ e shin nɛ fo ji kuwura ere n chɛr.

Danɛl 6:6

Amoso bumo kikɛ daŋ ya wu ewura na nna ŋ kaŋɛ mo le: “Ewura Dairus, Ebɔrɛ e teŋi fo kuwurji so!

Levitikɔs 26:31

Meeŋ shin nɛ menyi be ndegboŋana e ki alambure nɛ m mur mboŋ nɛ menyee shuŋ agbirana na. Menyi be esarga be efɛa maaŋ naa par ma.