Nehemaya 2:20 - EBƆRƐ BE KAWƆL

²⁰ Nɛ n shuli ŋ kaŋɛ le: “Ebɔrɛ nɛ e wɔ ebɔrɛso na beeŋ chɛ anyi to nɛ an pɔɔ so, ŋkpal manɛ so, an la mbe nyɛrbi nna. Mo e naŋ shin nɛ an tiŋ n shuŋ kushuŋ na n loge nɛ shɛŋ maŋ wora. Amoso anyeeŋ fara Jerusalɛm be egbalana na be kepɔr. Ama menyi ere maŋ kɔ ekpa nɛ men nya kapetɛsɔ kikɛ ashi Jerusalɛm be kadegboŋ na to, ŋkpal manɛ so, menyi maŋ ti kumo be edaŋkaresheŋ so.”

Nehemaya 2:20 ပူးပေါင်းရင်းမြစ်များ

2 Kronikɛls 26:5

Ewura Uziya be asoetojipo e daa la Zakareya. Saŋɛ so nɛ Zakareya daa wɔ ŋkpa to na ewura Uziya daa ji kashenteŋ nna a sa Ebɔrɛ, nɛ Ebɔrɛ malɛ daa nɛfa mo.

Ɛzra 4:3

Nɛ Zerubabel nɛ Joshuwa nɛ Israɛl be mbunaana na be benimuana na malɛ kaŋɛ bumo: “Anyi maa sha menyi be kechɛto ashi bɔrɛlambu na be kepɔr n sa Enyɛnpe anyi be Ebɔrɛ na to. Anyi nawule beeŋ tiŋ m pɔr kumo fanɛ kananɛ Pɛshiya be ewura, Sairus yili na.”

Nehemaya 1:4

Ŋ ka nu loŋ nɛ n chena n shu nchɛ damta ŋkpal kumo so nseŋ kishi ŋ kule Ebɔrɛ ŋ kaŋɛ le:

Nehemaya 2:4

Ndoŋ nna nɛ wura na naŋ bishi ma: “Manɛ nɛ fee sha fanɛ n wora n sa fo?” Nɛ ŋ kule Ebɔrɛ ma kagbene to.

Ɛsta 4:11

“Ewurkpa be mbra bee ŋini fanɛ esa kama nɛ e luri ewura kutɔ nɛ e maŋ tre mo, daga luwu. Ewura na be asoetojipoana nɛ mbe kasawule so be kaba kikɛ so ebi gba nyi kumo be loŋ. Ama ewura na baaŋ teŋi mbe shuwa be kuwurkpabi na nna ŋ shoŋi esa na. Loŋ bre, b maaŋ mɔ mo. Amoso k beeŋ baa du kpakpa n sa ma nɛ n wu ewura na ŋkpal manɛ so kufɔl lelemu nna na e ka maŋ shuŋi n tre ma.”

Nshɛ 102:17

E beeŋ wu betentaŋasepo kuwɔr nseŋ nu bumo be kabɔrɛkule.

Nshɛ 122:6

Men kule kayurwushi n sa Jerusalɛm; saŋɛ na so, asheŋ beeŋ nite nɛnɛ n sa bekama nɛ b kɔ kasha n sa kumo na.

Nshɛ 20:5

Nɛ asheŋ nite nɛnɛ n sa fo, anyeeŋ cha awɔr kagbenefuliso; nseŋ maŋ anyi be etuta so ashi anyi be Ebɔrɛ be ketre to. Enyɛnpetale Ebɔrɛ na e wora asɔ nɛ fee bishi na n sa fo.

Nshɛ 35:27

Shin nɛ bumo nɛ baa fin fanɛ n ji n lar na e cha awɔr kagbenefuliso ŋ kaŋɛ le: “Kemaŋkura e baa la Enyɛnpe na peya, Mbe kagbene e naa fuli ŋkpal mbe kenya be nɛnɛ so na.”

Nshɛ 51:18

Enyɛnpe Ebɔrɛ, jande, shin nɛ asheŋ e nyalɛ Zayɔn to, nɛ b pɔr Jerusalɛm be egbal na.

Ɛksodɔs 28:29

Saŋɛ na so, saŋkikɛ nɛ Ɛɛrɔn buu demuji be kɔlgu nɛ Israɛlebi be nnaŋ kuduanyɔ na be atre deŋ so n luri wajɛbu cheembi na to, kumo ere e bee bar bumo Enyɛnpe Ebɔrɛ be anishito kanyiŋiso nna na.

Kaŋinichiŋgeliŋ 7:18

Baa nite teteri a yɔ. Fo baa kɔ bunyaŋ a sa Ebɔrɛ asheŋ beeŋ nyalɛ n sa fo.

Aizaaya 56:5

kumo ere baaŋ baa nyiŋi fo ketre ma bɔrɛlambu to nɛ ma basa to n chɛr a chɔ fo ka beeŋ baa kɔ mbia gba. Basa maaŋ teŋ fo so kikɛ.”

Levitikɔs 2:2

m ba sa Ɛɛrɔn be mbinyɛnsobi nɛ b la bɔrɛmatapoana na. Nɛ bumo be ekoŋwule e jɔ nyifu nɛ ɔlif be ŋku be wea to na enɔ be bɔlɔ nseŋ ta duwu na n ti so n chɔɔ bɔrɛsure na so a ŋini fanɛ amo kikɛ la sarga chɔɔso nɛ amo be efɛa bee par Enyɛnpe Ebɔrɛ na nna.

Levitikɔs 24:7

Men ta duwu lela n nase ebodobodo na be egbaŋ be kekama to nseŋ chɔɔ duwu na n lara sarga n sa Enyɛnpe Ebɔrɛ na.

Zakareya 6:14

Kuwurwuro na beeŋ baa la kanyiŋi be kusɔ bɔrɛlambu na to n sa Heldai nɛ Tobija nɛ Jedaya nɛ Josaya nɛ e la Zefanaiya pibinyɛn na.”

Nɔmbɛs 10:10

Nɛ men baa ji menyi be kufɔl popɔr be kejigboŋ nɛ kabɔrɛshuŋ be kejigboŋana ko, k daga men baa foŋ mbel na saŋɛ nɛ menyee lara sarga chɔɔso nɛ kɔnɔkoŋwuleso be esarga na nɛ ma nɛ n la men Nyɛnpe nɛ men be Ebɔrɛ na e chɛ menyi to.”

Ashuŋ Shunso 10:31

‘Kɔɔnilias, Ebɔrɛ nu fo kabɔrɛkule na nseŋ naŋ wu fo alelasheŋ na.

Ashuŋ Shunso 10:4

Nɛ e ta mbe anishi n yuu malaika na so kufuso nseŋ bishi mo: “Manɛ nna, n nyɛnpe?” Nɛ malaika na kaŋɛ: “Ebɔrɛ nu fo kabɔrɛkuleana nseŋ naŋ wu fo kelela be kewora na nsaa shin nɛ e wora asɔ nɛ fee kule na.

Ashuŋ Shunso 8:21

Fo maŋ kɔ shɛŋ anyi be kushuŋ ere to, ŋkpal manɛ so, fo kagbene maŋ bɔla ekpa ashi Ebɔrɛ kutɔ.