Nehemaya 2:19 - EBƆRƐ BE KAWƆL

¹⁹ Sanballat nɛ Tobaya nɛ kalɔrbunyɛn ko nɛ baa tre mo Gɛshem ka nu kusɔ nɛ an kre kewora na be asheŋ nɛ b mushe anyi ga nseŋ kaŋɛ: “Manɛ nɛ menyee fɛ fanɛ menyee wora ere? Menyee sha kelɔŋɛ kadegboŋ na be egbalana nna m pɔr nseŋ lar ewura kaman ŋ kɔ mo kena, ŋko?”

Nehemaya 2:19 ပူးပေါင်းရင်းမြစ်များ

Nehemaya 13:28

Joida nɛ mo tuto la bɔrɛmatapo nimuso Eliashib na pibinyɛn ko daŋ ta Sanballat nɛ e shi Bɛf Hɔrɔn na pibiche nna nɛ n ju mo pibinyɛn na n lar Jerusalɛm to.

Nehemaya 2:10

Ama kanyɛn nɛ baa tre Sanballat nɛ e shi kade nɛ baa tre Horɔn na nɛ Tobaya nɛ e la Ammɔn be efuli so be krachigboŋ ko na ka nu fanɛ m ba na, nɛ b nya agbo ga. Ŋkpal manɛ so, b maa sha fanɛ esa kikɛ e chɛ Israɛlebi to.”

Nehemaya 4:1

Sanballat, nɛ e la Samɛria be efuli so be gomena na, ka nu fanɛ anyi Juwebi na fara a pɔr Jerusalɛm be egbalana na, nɛ e nya agbo nseŋ fara a wora anyi be basa eyurto.

Nehemaya 6:6

Le nɛ kawɔl na bee kaŋɛ: “Geshɛm kaŋɛ ma fanɛ basa bee kuli a malga asheŋ ko a kaŋɛ fanɛ fo nɛ fo basa bee kre anyi nia nna nɛ men lar Pɛshiya be efuli so be ewurgboŋ na kaman. Aloŋ malɛ so nɛ fee lɔŋɛ a pɔr egbal na. Mo alɛ naa kaŋɛ gba fanɛ fee sha keta fo kumu nna ŋ ki Jerusalɛm be ewura.

Nehemaya 6:9

B daa sha fanɛ b funti anyi nna nɛ an sa maŋ tiŋ n loge kushuŋ na. Nɛ ŋ kule Ebɔrɛ ŋ kaŋɛ le: “Ebɔrɛ sa ma eleŋ naniere!”

Job be kawɔl 30:1

Naniere mbifɔlbi bee tege ma nna, ama bumo tutoana daa maŋ la basa nɛ meeŋ shin nɛ b ti ma njɔnɔ so a keni ma mbolpɔ so gba.

Nshɛ 123:4

Kamoowuwuraana wora anyi eyurto, nseŋ fɛl anyi n chɛr nɛ an wora ania n ji kumo be kanyiti.

Nshɛ 79:4

Efuliana nɛ a kulti anyi na be basa bee mushe nsaa wora anyi eyurto nna.

Nshɛ 80:6

Fo shin nɛ efuli pɔtɛana nɛ a kulti anyi na bee kɔ abar kena ŋkpal anyi be kasawule so, nseŋ shin nɛ an doŋana bee tege anyi nsaa mushe anyi.

Nshɛ 80:7

O Enyɛnpetale Ebɔrɛ, naŋ mushe n wɔtɔ anyi, nɛ an naŋ nya kumɔlga.

Aizaaya 36:5

E bee fɛ fanɛ e beeŋ tiŋ n yili kɔnɔ to be mmalga nawule so ŋ kre kena nseŋ tiŋ ŋ kɔ m pɔɔ so a? Naniere e ka lar Asiriya be ewura kaman ere, wanɛ e naaŋ chɛ mo to?

Jɛremaya 20:8

Jemanɛ kikɛ nɛ k daga fanɛ m malga, kemur nɛ luwu be asheŋ nɛ mee malga. Enyɛnpe Ebɔrɛ, fo kubɔya nɛ mee bɔ na bee bar ma katege nɛ etɔrɔ nawule nna.

Jɛremaya 41:10

Kumo be kaman, nɛ e pɛ ewura Zɛdikaya be mbichesobi nɛ basa nɛ Nebuzaradan, nɛ e la benapo nɛ baa kuŋ Babilɔn be ewura na be enimu na, daŋ yige n sa Gɛdaliya fanɛ e baa keni so na ŋ keta bumo a yɔ Ammɔn be efuli so ashi Lɔr nɛ baa tre Jɔɔdan na be kaba ndoŋ.”

Matiu 9:24

“Ekama e lar! Kebichebi na maŋ wu nna, e bee di nna.” E ka kaŋɛ loŋ na nɛ basa na fara a mushe mo.

Maak 5:40

Nɛ basa na fara a mushe mo. Nɛ e shin nɛ bumo kikɛ lar laŋ na to ŋ ka kebia na mo tuto nɛ mo nio nɛ mbe bebɛsopo asa na n ya luri ebu nɛ kebia na daa dese to na to.

Luuk 23:2

n ya kaŋɛ mo fanɛ le be alubi nɛ Yesu wora. B yɛ: “An wu fanɛ kanyɛn ere wɔtɔ nna a wul anyi be efuli ere so ebi to nsaa kaŋɛ anyi fanɛ an sa maa ka lampo a sa Romebi be ewurgboŋ Siza nseŋ naa wɔtɔ a tre mo gbagba be kumu Kristo nɛ e la ewura na.”

Baru lela nɛ Jɔn kute na 19:12

Pailat ka nu kesheŋ na nɛ e wora ania nɛ e shin nɛ Yesu e nya mbe kumu a yɔ, ama Juwebi na daa maŋ shuli nsaa ponte a kaŋɛ le: “Fo baŋ shin nɛ kanyɛn ere nya mbe kumu n yɔ jiga, kumo ere mannɛ fo teri e la Ewurgboŋ Siza, ŋkpal manɛ so, esa kama nɛ e bee tre mbe kumu ewura bee kɔ Ewurgboŋ Siza be eleŋ nna na.”

Ashuŋ Shunso 24:5

An wu fanɛ kanyɛn ere la esa lubi nɛ kabɔlarwura nna. E wɔtɔ nna a yɔ kaplɛkama n ya kaa ta Juwebi a wɔtɔ kebagato to nseŋ naa la basa nɛ baa tre bumo be amu Nazarinebi be katuŋ na to be enimu.

Hibruwebi 11:36

Ŋkpal yirda so b daŋ wora beko eyurto nna nseŋ kuya bumo so nseŋ daŋ pɛ bede malɛ ŋ kre n ta bumo n ti ebuana.