Nehemaya 2:15 - EBƆRƐ BE KAWƆL

¹⁵ Amoso nɛ ŋ kilgi n sɔ ketaŋɛ nɛ baa tre Kidrɔn na be kaba so n ya bɔla ndoŋ a choŋ nsaa maŋ kumu so a keni kadegboŋ na be egbal na. Kumo be kaman nɛ m bɛta m bɔla Ketaŋɛ be kabunagboŋ na to n luri kadegboŋ na to pɔɛŋ nɛ kakpa bugi to.

Nehemaya 2:15 ပူးပေါင်းရင်းမြစ်များ

2 Samuɛl 15:23

Deevid nɛ mbe basa ka bee yɔ na nɛ Jerusalɛmebi na shu ga. Ewura na nɛ mbe basa daŋ ya dii ketaŋɛ nɛ baa tre Kidrɔn na nna n sɔ kiyitokpɛato a yɔ.

2 Kronikɛls 26:9

Ewura Uziya daŋ naŋ shin nna nɛ b pɔr atempreŋ jeŋgreŋ n yili Jerusalɛm be egbal na be kukɔlɔ to be kabuna na so nɛ Ketaŋɛ be kabuna na so nɛ egbal na be kebonfu ko so, n shin nɛ a naŋ wora eleŋ n ti so.

Nehemaya 2:16

Kadegboŋ na to be ekrachigboŋana na be ekama daa maŋ nyi kakpa nɛ n yɔ ŋko kusɔ nɛ mee wora. Le be jemanɛ ere kikɛ nɛ m maŋ naŋ kaŋɛ m braana Juwebi na shɛŋ, hale Bɔrɛmatapoana nɛ bejuŋkparpoana na nɛ ekrachigboŋana na nɛ Juwebi nɛ bumo alɛ gba bee chɛ to a shuŋ kushuŋ na kikɛ maŋ nu shɛŋ ŋ kutɔ.

Nehemaya 3:13

Hanuun nɛ basa nɛ b wɔ Zanua be kade to e lɔŋɛ m pɔr Ketaŋɛ be kabuna na akpa. B daŋ wɔtɔ akuloŋ mbunagboŋ na to nna nseŋ ta abersobi n wɔtɔ amo to nseŋ ta ndibi gbɛgbɛso ŋ kɔl amo to m ber so. B daŋ lɔŋɛ egbal na m pɔr n fo fanɛ ayadra alfa ana nɛ adena nna hale n ya fo Epi be kabuna na ase.

Baru lela nɛ Jɔn kute na 18:1

Yesu ka kule mbe kabɔrɛkule na n loge nɛ mo nɛ mbe bebɛsopo na lar ndoŋ n yɔ Kidrɔn be ketaŋɛ be kaba ndoŋ. Ketaŋɛ na be kaba ndoŋ malɛ daa kɔ kupo ko nɛ Yesu nɛ mbe bebɛsopo na ya luri kupo na to.