Nehemaya 2:1 - EBƆRƐ BE KAWƆL

¹ Juwebi be kufɔl nɛ baa tre Nisan na to nɛ ewurgboŋ Atazɛzɛs ka ji kuwura be kafɛ adunyɔ na to nɛ n ta yabra nɛ n ya sa mo. Mo alɛ daŋ maŋ naŋ wu ma anishiakpa ka chɛrga n duli esa nɛ mbe kagbenejija mo kikɛ.

Nehemaya 2:1 ပူးပေါင်းရင်းမြစ်များ

Jɛnesis 40:11

Jemanɛ na so nɛ ewura Fɛɛro be kusɔnuuasɔ wɔ ma enɔ to nɛ n ya chuge egreep na n nyaŋ amo be nchu n wɔtɔ kumo to n ya sa mo.”

Jɛnesis 40:21

E ka lara bumo na nɛ e bɛta asɔnuuso kenipo nimuso na n yili mbe eyilikpa, saŋɛ na so e beeŋ naa ta mo ere Fɛɛro be kusɔnuuasɔ na nɛ kumo be asɔ a sa mo.

Ɛzra 4:7

Pɛshiya be ewurgboŋ Atazɛzɛs be jemanɛ to gba, Bishlam nɛ Mitrɛdat nɛ Tabil nɛ bumo braana sibɛ kawɔl nna n sa ewurgboŋ Atazɛzɛs. Aramaik be ŋgbar to nɛ b daŋ sibɛ kumo.

Ɛzra 7:1

Asheŋ ere kikɛ be kaman nɛ anebi Ɛzra shi Babilɔn be efuli so m bɛta m ba Jerusalɛm Pɛshiya be ewurgboŋ Atazɛzɛs be jemanɛ to. Kananɛ anebi Ɛzra be kanaŋ to lar nde: Ɛzra mo tuto e daa la Seraya, nɛ Seraya malɛ mo tuto daa laa Azariya nɛ mo alɛ daa la Hilkiya pibinyɛn.

Ɛzra 7:7

Ewurgboŋ Atazɛzɛs ka ji kuwura be kafɛ shunusopo to nɛ Israɛlebi na nɛ bɔrɛmatapoana na nɛ Livaiebi na nɛ nshɛbompoana na nɛ mbunagboŋ kenipoana na nɛ bɔrɛlambu to be beshumpo na kikɛ shi Babilɔn be efuli so m bɛta m ba Jerusalɛm to.

Nehemaya 1:1

Ma e la Nehemaya Hakalia pibinyɛn. Asheŋ nɛ n wora nɛ amo nɛ m malga nɛ n sibɛ n wɔtɔ kawɔl ere to na. Ewurgboŋ Atazɛzɛs ka ji kuwura Pɛshiya be efuli so be kafɛ adunyɔ to nɛ ma, Nehemaya daa wɔ kadegboŋ lempo nɛ baa tre Susa nɛ k la efuli na be kadegboŋ na to nna. Juwebi be kufɔl nɛ baa tre Kislɛv na to e daa la.

Nehemaya 1:11

O Enyɛnpe Ebɔrɛ, nu ma nɛ fo nyɛrbi nɛ b kɔ kasha n sa fo nsaa ŋana fo ketre na be kabɔrɛkule. Chɛ ma to nɛ n nya kusɔ nɛ mee tama kabre ere nseŋ shin nɛ ewura malɛ gba e wu ma kuwɔr.” Loŋ be jemanɛ nɛ ma e daa duga ewurgboŋ Atazɛzɛs be yabra a sa mo nɛ e bee nuu.

Ɛsta 3:7

Ewura Sɛgsis ka ji kuwura be kafɛ kuduanyɔsopo be kufɔl sososo nɛ baa tre Nisan na to, nɛ Heman shin nɛ b to beri a fin kachɛ nɛ k daga fanɛ e wora kusɔ nɛ e bee kre na. Nɛ beri na ya tɔr kufɔl kuduanyɔsopo nɛ baa tre Ada na be nchɛ kuduasa.

Danɛl 9:25

A daga fo ka pin fanɛ yili saŋɛ nɛ ebɔl beeŋ ba kenishipereso fanɛ b naŋ lɔŋɛ Jerusalɛm m pɔr na, n ya fo saŋɛ nɛ ejuŋkparpo nɛ Ebɔrɛ lara na beeŋ ba na beeŋ baa la nfɛ adushunu be ntuŋ ashunu nna. Kumo be saŋɛ so baaŋ lɔŋɛ abɔrbi ashi Jerusalɛm to nseŋ kur kemaŋ ŋ kulti kumo a kuŋ kumo nɛ k yili n ya fo nfɛ shunu be ntuŋ adeshe nɛ anyɔ. Ama etɔrɔsheŋ damta beeŋ baa wɔ kumo to.