Nehemaya 13:26 - EBƆRƐ BE KAWƆL

²⁶ Ebɔrɛ daŋ sha Israɛl be ewura Sɔlɔmɔn ga nseŋ daŋ shin nɛ durnya to kikɛ be ewura kikɛ maŋ fo mo so, ama beche pɔtɛ nɛ e ta na daŋ shin nɛ e shuŋ agbir nseŋ tɔr kulubi to nna.

Nehemaya 13:26 ပူးပေါင်းရင်းမြစ်များ

1 Bewura 21:25

Esa kama daa maŋ wɔtɔ loŋ be jemanɛ na nɛ kulubi bee wora mo ebel a chɔ ewura Ahab. Mbe eche Jɛzebel malɛ e daŋ shin nɛ e ki loŋ.

1 Bewura 3:12

Meeŋ sa fo kusɔ nɛ fo kule na. Meeŋ sa fo kanyiasheŋ nɛ nfɛra a chɔ basa kama nɛ b juŋkpar fo m ba durnya ere to nɛ bumo nɛ baaŋ ba kumo to fo kaman kikɛ.

1 Bewura 3:13

Meeŋ ta asɔ nɛ fo maŋ kule ma gba n ti fo so. Meeŋ sa fo kedamaya nɛ amansherbi nseŋ shin nɛ fo ketre e dii a chɔ bewura kama nɛ b juŋkpar fo nɛ bumo nɛ baaŋ ba fo kaman kikɛ.

1 Bewura 4:1

Saŋɛ so nɛ Sɔlɔmɔn daa la Israɛl be ewura na,

2 Kronikɛls 1:12

Meeŋ sa fo kanyiasheŋ nɛ nfɛra nseŋ naŋ ta kedamaya nɛ amansherbi n ti fo so. Ma alɛ beeŋ shin nɛ fo ketre e dii a chɔ bewura kama nɛ b juŋkpar fo nɛ bumo nɛ baaŋ bɛ fo so kikɛ.”

2 Kronikɛls 9:22

Ewura Sɔlɔmɔn daa kɔ kedamaya nɛ kanyiasheŋ a chɔ ewura kikɛ durnya to.

Aŋasa 31:3

Sa maa ta fo eleŋ a jija a bɛ beche so. Beche ko bee da bewura nna a lɛ.

Kaŋinichiŋgeliŋ 7:26

Ade kikɛ be kaman nɛ n naŋ wu fanɛ eche dalubiwura, lubi a chɔ luwu. E du nna fanɛ b ka so kejigbelɛ na. Mbe kasha nɛ e beeŋ sha fo na bee pɛ nna fanɛ kashewu; Nɛ mbe enɔ nɛ e beeŋ ta n deŋi fo so na malɛ du fanɛ ŋgbɛlɛbi. E maaŋ tiŋ n nya esa nɛ e bee wora Ebɔrɛ be aparsheŋ ama alubiworapo bre e bee pɛ mo nna manaŋ.