Nehemaya 13:25 - EBƆRƐ BE KAWƆL

²⁵ Amoso n daŋ shoduu loŋ be benyɛn agbo so nna nseŋ naŋ shin nɛ b bri beko nseŋ gberge bumo be emin gba n tia. Kumo be kaman nɛ n shin nɛ b nase kɔnɔ ŋ kaŋɛ: ‘An bɔ ntaŋ a nase kɔnɔ Ebɔrɛ be ketre to fanɛ anyi maaŋ shin nɛ anyi be mbinyɛnso ŋko mbicheso e ta ŋko ŋ kil befɔ.’

Nehemaya 13:25 ပူးပေါင်းရင်းမြစ်များ

2 Bewura 2:24

Elaisha ka gbɛ ŋ keni n wu bumo nɛ e gbɛlɛ bumo nseŋ sho bumo kɔnɔ ashi Enyɛnpe Ebɔrɛ be ketre to. Epul to nɛ eshishiri cheso anyɔ lar kupuŋ to ŋ kpɛa mbia na be adena nɛ anyɔ to chɛbarchɛbarbi.

Ɛzra 10:5

Ndoŋ nna nɛ anebi Ɛzra koso n shin nɛ bɔrɛmatapoana be bejuŋkparpo nɛ Livaiebi be bejuŋkparpo kikɛ nase nnɔ fanɛ baaŋ wora kusɔ nɛ Shekanaya kaŋɛ na.

Ɛzra 7:26

Esa kama nɛ e kini kewora m bɛ fo Ebɔrɛ na be mbra so ŋko ewura be mbra so daga luwu ŋko keju n lar efuli na so ŋko kesuge mbe kapetɛ kikɛ ŋko n ti amodoŋwura ebu be kasogberge nna.”

Nehemaya 13:11

Ndoŋ nna nɛ n tre bejuŋkparpoana na nseŋ malga agbo so m bishi bumo: “Manɛ nna nɛ men kplaŋ bɔrɛlambu na so?” Kumo be kaman nɛ ŋ kaŋɛ bumo fanɛ b fara a shuŋ bumo be ashuŋ.

Nehemaya 13:17

Ndoŋ nna nɛ n nya agbo n fɛa Juda be bejuŋkparpoana so ŋ kaŋɛ: “Kulubi nɛ menyee wora ere, Kewushiachɛ na nɛ menyee keni jiga na!

Nehemaya 13:24

Bumo be mbia be bargato daa maa tiŋ a malga Hibruw be ŋgbar. Ashdɔd be ŋgbar nɛ ŋgbar pɔtɛana ko nɛ b daa gbar.

Nehemaya 5:13

Kumo be kaman nɛ n saŋɛ kreso nɛ n ta n chɛ ma kashɛr to na nseŋ gbaŋgbaŋ kumo to a ŋini fanɛ loŋ nɛ Ebɔrɛ beeŋ gbaŋgbaŋ bekama nɛ b maa bɛ bumo be nnɔ nase so so na. Kumo alɛ be kaman nɛ ŋ kaŋɛ le: “Ebɔrɛ beeŋ sɔ men be ebuana nɛ kusɔ kama nɛ men kɔ, saŋɛ na so, men maa naa kɔ shɛŋ.” Ndoŋ nna nɛ bekama nɛ b daa wɔ ndoŋ na shuli so ŋ kaŋɛ: “Amɛn!” Kumo be kaman nɛ b di Enyɛnpe Ebɔrɛ na epaŋ. Ade kikɛ be kaman nɛ bejuŋkparpoana na bɛ bumo be nnɔ naseso so.

Nehemaya 5:6

Ŋ ka nu b kaa bee fubel a bile asheŋ na nɛ agbo pɛ ma ga.

Nshɛ 119:53

M baŋ wu kumukpakpasowura ka bee wora a da fo mbra so, k bee kaa ma kagbene nna.

Nshɛ 15:4

nɛ bumo nɛ bumo nɛ alubiworapoana maŋ kɔ shɛŋ na. Bumo e naa sa basa nɛ baa ŋana Ebɔrɛ bunyaŋ nsaa wora a bɔlɔ bumo be nnɔ naseso so, hale k du kpakpa gba na.

Ɛksodɔs 34:16

Men baŋ ta kasawule na so be mbichesobi n sa men be mbinyɛnsobi loŋ be mbichebi nɛ baa bɛ agbir so na beeŋ shin nɛ men be mbinyɛnsobi na gba e shuŋ bumo be agbir na.

Aŋasa 28:4

Basa nɛ baa wora a da mbra so e naa ji a chɛ belubiworapo to. Basa nɛ baa bɛ mbra so bre maa sha belubiworapo be asheŋ.

Aizaaya 50:6

Ŋ kilgi ma kaman nna n sa basa, nɛ baa beri, nseŋ kilgi ma ketaya n sa bumo, nɛ baa tia ma katɔl be afuibi. Ma alɛ maŋ kaŋɛ basa nɛ baa tege ma nsaa tu echɔl a wɔtɔ ma anishi to na fanɛ b yige.

Ditɛronɔmi 6:13

Amoso men baa bunyaŋ Enyɛnpe menyi be Ebɔrɛ na nsaa shuŋ mo nawule nseŋ naa nase nnɔ mo nawule be ketre to.

Ditɛronɔmi 7:3

Menyi nɛ menyi be mbia nɛ bumo be ekama e sa maŋ kaa luri kakil to.

Joshuwa 23:12

Men baŋ pal kaman n sa mo nseŋ tu basa nɛ b ka a wɔ menyi to na a wora asheŋ nsaa ta abar be beche bre,