Nehemaya 13:2 - EBƆRƐ BE KAWƆL

² Ŋkpal manɛ so b daŋ kini kesa Israɛl be basa ajibi nɛ nchu nna nseŋ naŋ ber Balaam paa fanɛ e shoduu bumo jemanɛ nɛ Ebɔrɛ daŋ lara bumo n shi Ijipt be efuli so a yɔ Keenan be kasawule so nɛ b ya kɔ n sɔ kasawule na. Ama anyi be Ebɔrɛ na daŋ kilgi Balaam be shoduu na nna ŋ ki nɛfa n sa anyi.

Nehemaya 13:2 ပူးပေါင်းရင်းမြစ်များ

Nshɛ 109:28

Bumo ere beeŋ tiŋ n shoduu ma, ama fo ere bee nɛfa ma nna. Nɛ bedoŋ bee kɔ ma gba, fo maaŋ shuli nɛ b pɔɔ ma so; fo alɛ beeŋ shin nɛ ma, nɛ n la fo kayɛrbi na, be kagbene e fuli ma.

Maika 6:5

Ma basa, men baa nyiŋi kusɔ nɛ Mowab be ewura Balak daŋ kre kewora menyi nɛ kusɔ nɛ Biyɔɔ pibinyɛn Balaam daŋ kaŋɛ mo a laŋɛ menyi be kaplɛa so na. Men naŋ nyiŋi asheŋ nɛ e wora saŋɛ nɛ men lar Shitim a yɔ Gilgaal na nseŋ nyiŋi kananɛ ma, Enyɛnpe Ebɔrɛ na mɔlga menyi ale damta.”

Nɔmbɛs 23:18

Nɛ Balaam kaŋɛ: “Ewura Balak kaŋ kusoe n nu nfe! Zippɔ pibi Ewura Balak nu nfe.

Matiu 25:40

Nɛ ma, Ewura na e kaŋɛ le: ‘Ma e kaŋɛ menyi kashenteŋto na fanɛ, kusɔ kama nɛ men daŋ wora n sa ŋ kurgepobi ere be ekama, ma nɛ men daŋ wora n sa na.’

Ditɛronɔmi 23:3

Ammɔn ŋko Mowab be basa ŋko bumo be kamanebi n ya fo bumo be kenana kudusopo kikɛ maŋ ti Enyɛnpe Ebɔrɛ na be basa so.

Ditɛronɔmi 23:4

Ŋkpal manɛ so, b daŋ kini kesa menyi ajibi nɛ nchu jemanɛ nɛ men daŋ lar Ijipt be efuli so a ba na nna. Kumo be kaman nɛ b ya haya kanyɛn nɛ baa tre Balaam nɛ e la Biyɔɔ pibinyɛn na nseŋ shi kadegboŋ nɛ baa tre Peto ashi Mɛsopoteemia be efuli so na fanɛ e ba sho menyi kɔnɔ.

Ditɛronɔmi 23:5

Ama Enyɛnpe menyi be Ebɔrɛ na daŋ maŋ nu n sa Balaam. Kusɔ nɛ e daŋ wora e la fanɛ e kilgi shoduu na nna ŋ ki nɛfa ŋkpal e ka bee sha menyi so.

2 Pita 2:15

B yige ekpa niŋiso na nseŋ foe m bɔla Biyɔɔ pibi Balaam nɛ e daŋ sha kebɔlɔ alubi so n dii dama na be ekpa.