Nehemaya 13:15 - EBƆRƐ BE KAWƆL

¹⁵ Ma alɛ daŋ naŋ dara m pin kusɔ nɛ Juda be basa na bee wora Kewushiachɛ na. Mannɛ kebaachichi asɔrso nɛ baa tre greep na so a wora yabra nawule nɛ b daa wora ama b daa teŋi ayu, nsaa chuge egreep nɛ figi be asɔrso nɛ adɔjibi pɔtɛana kikɛ n ti so nna Kewushiachɛ na. Bumo alɛ daa naa ta ekurma a sulɔ amo nna a yɔ Jerusalɛm n ya ka fa. Amoso n daŋ kpele bumo kusoe nna fanɛ b sa maŋ naa fa ajibi Kewushiachɛ.

Nehemaya 13:15 ပူးပေါင်းရင်းမြစ်များ

2 Kronikɛls 24:19

Amo nɛ amo kikɛ Enyɛnpe Ebɔrɛ na daŋ shuŋi anebiana nna fanɛ b ya kpele bumo kusoe n shin nɛ b bɛta m ba mo kutɔ nɛ b kini kenu.

Nehemaya 10:31

Anyi alɛ maaŋ tɔ asɔ, hale ajibi jiso gba esa kikɛ kutɔ Kewushiachɛ na ŋko kachɛ cheembi kikɛ. Kafɛ shunusopo kikɛ, anyeeŋ shin nɛ anyi be adɔsawule e dese n wushi. Anyi alɛ beeŋ ta basa be akɔ nɛ b ji anyi ŋ kɛ bumo loŋ be jemanɛ na.

Nehemaya 10:32

An yili kumo nna fanɛ kafɛ kikɛ anyeeŋ sa gbiti be ndarbi gbrɛbi n chɛ Ebɔrɛ be lambu to be kushuŋ to.

Nehemaya 13:16

Basa nɛ b daŋ shi kadegboŋ nɛ baa tre Tayɛ nɛ b daa wɔ Jerusalɛm to na daa bar ekɔrɔtɔ nɛ asɔ pɔtɛana ko nna m ba ka fa ndoŋ Kewushiachɛ na.

Nehemaya 13:21

Ama n daŋ fɛa bumo so nna ŋ kaŋɛ le: “Nɛ men naŋ wora loŋ, meeŋ shin nɛ b pɛ menyi n ti ebu. Yili loŋ be kachɛ na a yɔ, b maŋ naŋ ba Jerusalɛm to Kewushiachɛ kikɛ.

Nehemaya 9:29

Fo kpele bumo kusoe fanɛ b bɛ fo keŋini so ama ŋkpal bumo be kamoowuso, b kini kebɛ fo mbra na so amo nɛ esa beeŋ bɛ so nseŋ nya kebaawɔtɔ lela, ama ŋkpal bumo be ŋgbene kpakpaso so b kini kewora fo kasonu.

Job be kawɔl 39:12

Feeŋ shuli n yirda kumo nɛ k sulɔ fo ayu teŋiso m bar fo nɛ fo wɔtɔ mpuro to a?

Nshɛ 50:7

Ma basa, men nu. Israɛlebi, menyi be Ebɔrɛ na bee ji demu nna a gbiti menyi.

Ɛksodɔs 31:12

Ade kikɛ be kaman nɛ Enyɛnpe Ebɔrɛ naŋ kaŋɛ Mosis le:

Ɛksodɔs 31:16

Amoso a daga fanɛ Israɛlebi nɛ bumo nɛ bumo be kaman to ebi kikɛ ka bɛ ma kewushiachɛ be daŋkare na so nsaa ji kumo fanɛ ma nɛ bumo be kɔnɔkoŋwule be ŋkre be kanyiŋi be kachɛ.

Ɛksodɔs 34:21

Nchɛnshe e daga fanɛ men ta n shuŋ menyi be ashuŋ nseŋ wushi kachɛ shunusopo na. Hale k la kudɔ ŋko kasɔteŋi be saŋɛ gba, a daga fanɛ men wushi kumo be kamɔnchɛ.

Ɛksodɔs 35:2

Nchɛnshe e daga fanɛ men shuŋ menyi be ashuŋ. Kachɛ shunusopo na bre la Enyɛnpe Ebɔrɛ be Kewushiachɛ cheembi nna. Esa kama nɛ e shuŋ kushuŋ kama kamɔnchɛ, daga fanɛ b mɔ mo.

Aŋasa 28:4

Basa nɛ baa wora a da mbra so e naa ji a chɛ belubiworapo to. Basa nɛ baa bɛ mbra so bre maa sha belubiworapo be asheŋ.

Aizaaya 58:13

Ade kikɛ be kaman nɛ Enyɛnpe Ebɔrɛ na naaŋ kaŋɛ le: “Nɛ men ta kewushiachɛ na fanɛ kachɛ cheembi a maa wora menyi gbagba be aparsheŋ fanɛ kebaayɔ nde ŋko a shuŋ kushuŋ be yiri kikɛ ŋko a malga mmalga jiga loŋ be kachɛ na,

Jɛremaya 17:24

To, kaŋɛ basa na fanɛ a daga fanɛ b baa wora ma mmalga naseso kikɛ kasonu. A maŋ daga b baa sulɔ esulɔ kikɛ a bɔla mbunagboŋ na to a luri kadegboŋ na to kewushiachɛ kikɛ. A daga fanɛ b baa ta kewushiachɛ na fanɛ kachɛ cheembi nsaa maa shuŋ kushuŋ kikɛ kuraa.

Jɛremaya 17:27

Ama a daga fanɛ b baa wora ma kasonu nsaa ta ma kewushiachɛ na fanɛ kachɛ cheembi nsaa maa sulɔ asɔ a bɔla Jerusalɛm be mbunagboŋana na to a luri a lar loŋ be kachɛ na. Nɛ b kini nseŋ wora loŋ, meeŋ shin nɛ Jerusalɛm be mbunagboŋana na e ji edɛ. Jerusalɛm to be ewurkpaana beeŋ ji edɛ n tɔr nɛ esa kikɛ maaŋ tiŋ n duŋ edɛ na.”

Jɛremaya 42:19

Ndoŋ nna nɛ n naŋ kaŋɛ le: “Enyɛnpe Ebɔrɛ na teŋ ŋ kaŋɛ menyi basa nɛ men ka a wɔ Juda be efuli so na fanɛ men sa maŋ yɔ Ijipt be efuli so. Ŋkpal loŋ so mee kpele menyi kusoe naniere nna

Ezikɛl 20:13

Ama Israɛl be basa na lar ma kaman keshishɛrsawule na so ndoŋ, nseŋ kini kebɛ ma mbraana nɛ keŋini nɛ a bee shin nɛ esa bee bii kebaawɔtɔ lela na so. Bumo alɛ nseŋ keni ma Kewushiachɛ na jiga. Amoso nɛ n daŋ kaŋɛ fanɛ meeŋ shin nɛ ma agbo e ba bumo so nɛ m mur bumo ashi keshishɛrsawule na so na.

Eemɔs 8:5

Menyi e naa kaŋɛ men be amu le na: “Saŋɛ mo nɛ kufɔl popɔr ere beeŋ wu nɛ an ya fa anyi be ayu. Saŋɛ mo nɛ kewushiachɛ na beeŋ choŋ nɛ an naaŋ fara a fa asɔ yawu kpakpaso nsaa puni a ta ekurwawurbi a karga asɔ?

Maika 6:3

E yɛ “Ma basa, manɛ nɛ n wora menyi? Men kaŋɛ ma, n la esulɔ nna n sa menyi a?

Ashuŋ Shunso 2:40

Kesheŋ ere nɛ Pita daŋ kaŋɛ bumo nseŋ ta le be mmalga ŋ kaŋɛ bumo kenishipereso: “Men mɔlga menyi be amu ashi kasogberge nɛ k bee ba le be basa lubi ere so na to.”

Ashuŋ Shunso 20:21

Juwebi nɛ nnyamase kikɛ nɛ n daŋ fiɛ so kpakpa fanɛ b lar bumo be alubi to a bɛ Ebɔrɛ so nseŋ yirda an Nyɛnpe Yesu.

Galeeshaebi 5:3

Men shin nɛ n naŋ laŋɛ ŋ kaŋɛ menyi kenishipereso, ekama nɛ e shin nɛ b ku mo kututu, kumo ere a daga fanɛ amodoŋwura ka bɛ mbra na so kikɛ nyam.

Ɛfesesebi 4:17

Amoso, ma kamalga mo nɛ ŋ kɔ a sa menyi nsaa fiɛ menyi so ashi Enyɛnpe na be ketre to e la fanɛ men sa maŋ naa wɔtɔ fanɛ basa nɛ b maŋ nyi Ebɔrɛ nɛ b kɔ nfɛra fuloŋ a wɔtɔ na.

Ditɛronɔmi 8:19

Mee kpele menyi kusoe kabre nna, fanɛ men sa maŋ kaŋ teŋ Enyɛnpe menyi be Ebɔrɛ na so ŋko n ya shuŋ agbir. Nɛ men kaŋ wora loŋ Enyɛnpe Ebɔrɛ na beeŋ mur menyi fanɛ kananɛ e beeŋ mur efuliana nɛ menyeeŋ kɔ kena na.”

1 Tɛsalɔnikaebi 4:6

Amoso, ekama e sa maŋ kaŋ wora kulubi kikɛ ŋ gbiti mo barkasa ŋko m puni mo. An chɛr m malga le be kamalga kenishipereso n sa menyi fanɛ ekama nɛ e wora le be asheŋ, Enyɛnpe na beeŋ gberge mo kusoe.