Nehemaya 13:13 - EBƆRƐ BE KAWƆL

¹³ B ka bar amo n loge nɛ n lara basa asa nɛ bumo be kebaawɔtɔ walɛ nɛ esa beeŋ tiŋ n yirda bumo nseŋ shin nɛ baa keni asɔ nɛ basa na bar na so nsaa chige amo to a sa basa. Basa nɛ n lara na e la Shelemaya nɛ e la bɔrɛmatapo na, nɛ Zadɔk nɛ e la mbra ŋinipo na, nɛ Pedaya nɛ e la Livai be esa na. Esa nɛ e daa chɛ bumo to e la Zakku pibinyɛn Hanan nɛ mo nananyɛn daa la Mataniya na.

Nehemaya 13:13 ပူးပေါင်းရင်းမြစ်များ

2 Bewura 12:15

Basa nɛ kushuŋ na bɔɔ bumo be enɔ na kikɛ daa ji kashenteŋ nna, amoso esa kama daa maa keni bumo be asheŋ to.

2 Bewura 12:16

B daa maa ta amansherbi nɛ b ta n lara alubi be ketampaŋ nɛ kejintɔr be esarga na bre a wɔtɔ bɔrɛlambu be amansherbi be deka na to. B daa ta amo ere nna a sa bɔrɛmatapoana na.

2 Bewura 22:7

Basa nɛ baa keni kushuŋ na so na kikɛ bee ji kashenteŋ nna, amoso anyi maaŋ keni bumo be asheŋ to a laŋɛ amansherbi na be keji be kaplɛa so.”

Nehemaya 10:12

nɛ Zakɔɔ nɛ Sherebia nɛ Shebania

Nehemaya 10:38

A daga bɔrɛmatapo nɛ e shi Ɛɛrɔn be kanaŋ to ka wɔtɔ jemanɛ nɛ Livaiebi na beeŋ sɔ kudukudusopo na ashi nde nɛ baa shuŋ to na kikɛ. Kumo be kaman nɛ Livaiebi na gba e lara bumo be kudukudusopo m ba sa Ebɔrɛ ashi mbe bɔrɛlambu nɛ kumo be ebu nɛ baa yili bumo be ajibi nɛ asɔwurbi na to.

Nehemaya 11:22

Bani pibinyɛn mo nɛ baa tre Uzzi nɛ e la Hashabia mo nanabi na e daa keni bumo so ashi Jerusalɛm. Mo nananyɛnana e la Mataniya nɛ Mika nɛ b shi Asaf be kanaŋ to nsaa la bɔrɛlambu na to be beshɛbompo be enimu.

Nehemaya 12:35

Ndoŋ nna nɛ Zakareya nɛ mo tuto la Jonatan nɛ mo alɛ mo tuto la Shemaya nɛ mo alɛ mo tuto la Mattania nɛ mo alɛ mo tuto la Mikaya nɛ mo alɛ mo tuto la Zakku nɛ mo alɛ mo tuto la Asaf na

Nehemaya 12:44

Loŋ be kamɔnchɛ na b daŋ lara basa ko nna fanɛ b baa keni ebuana nɛ baa yili ajibi nɛ asɔ wurbi ashi bɔrɛlambu na to na so nna. Bumo alɛ e naaŋ baa sɔ adɔjibi nɛ b juŋkpar n teŋi na nɛ adɔjibi nɛ asɔbɔya be kudu kudusopo nɛ b lara m ba sa Ebɔrɛ na. Bumo koŋwule na e naaŋ baa sɔ adɔjibi nɛ Mosis be mbra bee ŋini fanɛ b baa bar m ba kaa sa bɔrɛmatapoana nɛ Livaiebi na gba.

Nehemaya 3:30

Shɛlemaya pibinyɛn Hananaya nɛ Hanun nɛ e la Zalaf pibi shesopo na malɛ e lɔŋɛ m pɔr egbal na be kaba nɛ k bɛ kumo so na. Kumo a ti so bumo be kakpa nyɔsopo nɛ b pɔr. Bɛrekaya pibinyɛn Mɛshulam e lɔŋɛ m pɔr kaba nɛ k bɛ kumo so so nsaa wɔ mo gbagba be laŋ be anishito na.

Nehemaya 7:2

Basa anyɔ nɛ n daŋ lara fanɛ b baa la benimu nsaa keni Jerusalɛm be kadegboŋ na so. Bumo e la n sipo Hanani nɛ Hananiya nɛ e la enapo nimuso nɛ e bee keni kakpa lempo na so na. Ŋkpal manɛ so, Hananiya la esa nɛ feeŋ tiŋ n yirda nna, mo alɛ nseŋ naa kɔ kabɔrɛŋana a chɔ basa damta.

Nehemaya 8:4

B daŋ ta ndibi n yuu kejaŋ nna nɛ Ɛzra yili kumo so loŋ be kachɛ nna. Basa nɛ b daa yil mbe jisoso a la Mattitia nɛ Shema nɛ Anaya nɛ Yuriya nɛ Hilkiya nɛ Maseya. Bumo nɛ bumo alɛ daa yil mbe bena so malɛ e daa la Pedaya nɛ Mishaal nɛ Malkiya nɛ Hashum nɛ Hash Badaana nɛ Zakareya nɛ Mɛshulam.

Luuk 12:42

Nɛ Enyɛnpe na bishi bumo: “Esa mo e la kenya nyiashempo nɛ e maŋ kɔ kebirkɔnshi, emo nɛ mo nyɛnpe na beeŋ shin nɛ e baa keni mbe anya kikɛ so nsaa sa bumo bumo be ajibi saŋɛ nɛ a daga na?

Ashuŋ Shunso 4:35

a ta amo be amansherbi na m ba kaa bɔɔ beshuŋipoana na enɔ nɛ b ta amansherbi na m barga to n sa ekama kanaŋkamaso nɛ a daga ekama ka nya.

Ashuŋ Shunso 6:1

Saŋko kananɛ bebɛsopoana na daŋ baa wora keshi a ti so na nɛ kɔnɔgberge tɔr Juwebi nɛ b daa malga Griik to na nɛ bumo nɛ b daa la ndetobia gbagba na so. Juwebi nɛ b daa malga Griik to na e daa kaŋɛ fanɛ bumo na daa gal bumo be bekulpocheana nna a lɛ a maa sa bumo karechɛ kama be kasɔchige be kechɛto na.

Ashuŋ Shunso 6:3

Amoso, bekurgepoana, men lara menyi to be basa ashunu nɛ ekama nyi Kiyoyu Cheeŋ na nɛ kanyiasheŋ ka bɔlɔ bumo to nɛ an shin nɛ b baa keni le be kushuŋ na so

1 Kɔrintebi 4:2

Kusɔ nɛ k baŋ daga esa nɛ b ta nɛ e baa keni asɔ so e la fanɛ e sa maa lar mo nyɛnpe kaman.

1 Timoti 1:12

Mee chɔrɔ Yesu Kristo an Nyɛnpe ŋkpal e ka sa ma le be kushuŋ ere be eleŋ nseŋ yirda ma n lara ma fanɛ n shuŋ mbe kushuŋ nsaa maŋ ta dra na be mmalga lubi nɛ n daŋ malga ŋ gbiti mo na nɛ kananɛ n tɔrɔ mbe basa nseŋ fɛl mo na n wɔtɔ mbe kagbene to so.

1 Timoti 3:10

Pɔɛŋ nɛ b ki bechɛtopo asɔri to, a daga basa ka keni bumo be kebaawɔtɔana to nɛnɛ ŋ keni ŋko loŋ be kenimu daga bumo a.