Nehemaya 12:45 - EBƆRƐ BE KAWƆL

⁴⁵ Bɔrɛmatapoana na nɛ Livaiebi na be kushuŋ daŋ bɔlɔ ekama kenishi jemanɛ nɛ b daŋ wora edaŋkaresheŋ nɛ a shin nɛ basa na nyalɛ so nseŋ tiŋ n nya m bunyaŋ Ebɔrɛ na nna. Beshɛbompoana na nɛ bɔrɛlambu na to be bekumpo na daŋ shuŋ bumo be ashuŋ nɛnɛ nna fanɛ kananɛ ewura Deevid nɛ mo pibinyɛn ewura Sɔlɔmɔn daŋ yili kumo n sa bumo na.

Nehemaya 12:45 ပူးပေါင်းရင်းမြစ်များ

2 Bewura 7:10

Ndoŋ nna nɛ b lar Siriyaebi be benapo na be keeyi to m bɛta n yɔ Samɛria be kade na to n ya ponte ŋ kaŋɛ kumo be mbunakumpoana na le: “An ka yɔ Siriyaebi be benapo na be keeyi to, anyi maŋ wu esa, anyi alɛ maŋ nu esa kama gba be asheŋ ndoŋ. Bumo be egbaŋɛ nɛ ekurma nawule a chɛ a mur ndoŋ ashi bumo be ewajɛbu ase.”

1 Kronikɛls 23:28

Livaiebi na be kushuŋ e daa la kebaachɛ Ɛɛrɔn be kaman to ebi to ashi Enyɛnpe Ebɔrɛ be bɔrɛlambu na be kushuŋ to. Bumo e naŋ baa lɔŋɛ kumo nsaa keni kumo be alɔnɛ nɛ ebuana nɛ asɔ cheembi na so nɛ a saa maa wora eyurpi.

1 Kronikɛls 26:26

Shelomif nɛ mo kurgepoana e daa keni ŋkɛ kama nɛ ewura Deevid nɛ kanaŋ be benimuana nɛ mbuna be bejuŋkparpoana nɛ benapo be benimuana ta m ba sa Ebɔrɛ na so.

2 Kronikɛls 23:6

Ekama maŋ kɔ ekpa nɛ e luri bɔrɛlambu na to ama bɔrɛmatapoana nɛ Livaiebi nɛ baa shuŋ kumo to kamɔnchɛ na nawule. Bumo ere beeŋ tiŋ ŋ luri ŋkpal b ka lara kulubi bumo be ŋgbene to nsaa du cheembi so. Ama menyi nɛ men ka ere bre daga fanɛ men bɛ Enyɛnpe Ebɔrɛ be keŋini so nseŋ yili kowushina.