Nehemaya 12:30 - EBƆRƐ BE KAWƆL

³⁰ Bɔrɛmatapoana na nɛ Livaiebi na daŋ fɔrso daŋkare be ekpa so nna ŋ ki cheembi. Kumo be kaman nɛ b wora loŋ n sa basa nɛ b ka na nɛ mbunaana na nɛ kadegboŋ na be egbalana, nɛ amo alɛ gba ki cheembi.

Nehemaya 12:30 ပူးပေါင်းရင်းမြစ်များ

Jɛnesis 35:2

Jeekɔb ka nu loŋ nɛ e kaŋɛ mbe laŋ to ebi nɛ bumo nɛ b daa wɔ mo kutɔ na kikɛ le: “Men lara agbirana ere kikɛ ashi menyi to n fɔr menyi be amu ashi eyurpi kama to n chɛrga menyi be asɔbuuso

1 Kronikɛls 15:14

Ndoŋ nna nɛ bɔrɛmatapoana nɛ Livaiebi na lara alubi bumo be ŋgbene to nseŋ ki cheembi, saŋɛ na so baaŋ tiŋ n sulɔ Enyɛnpe Israɛl be Ebɔrɛ na be ŋkre be deka na.

2 Kronikɛls 29:34

Ŋkpal bɔrɛmatapoana ka daa maŋ shibi nɛ b bɛ asɔbɔya na so, Livaiebi na e daŋ chɛ bumo to m bɛ asɔbɔya na kikɛ. Loŋ be jemanɛ na, nɛ Livaiebi damta tiŋ n fɔr bumo be amu so daŋkare be ekpa so nɛ bɔrɛmatapoana na bre be damta daa maŋ naŋ wora loŋ.

2 Kronikɛls 29:5

nɛ e malga bumo kutɔ ndoŋ ŋ kaŋɛ le: “Livaiebi, men lara alubi men be ŋgbene to a du cheembi nseŋ luri Enyɛnpe nɛ e la men nananyɛnana be Ebɔrɛ na be bɔrɛlambu na to n lara kusɔ kama nɛ k wora eyurpi daŋkare be ekpa so ashi kumo to.

Ɛzra 6:21

Basa nɛ b chena m mata Israɛlebi na nseŋ lara bumo be amu ashi nnyamase nɛ bumo be agbirsheŋ to nseŋ ta bumo be amu n sa Israɛl be Ebɔrɛ na e tu Israɛlebi na n ji kejigboŋ na.

Nehemaya 13:22

Kumo be kaman nɛ ŋ kaŋɛ Livaiebi na fanɛ b baa wora bumo be amu cheembi nsaa kuŋ Jerusalɛm be kadegboŋ na be mbuna na Kewushiachɛ kikɛ, saŋɛ na so basa beeŋ ta kumo ŋ ki kachɛ cheembi nsaa sa kumo bunyaŋ. Ebɔrɛ la ewɔrwupo nna, mee kule mo fanɛ e wu ma kuwɔr nseŋ nɛfa ma ŋkpal kusɔ nɛ mee wora ere so.

Nehemaya 13:30

Kumo be kaman nɛ n wora ania fanɛ befɔ maaŋ naŋ nya ekpa a leŋ basa na to a wɔtɔ asheŋ lubi to nseŋ naŋ sa bɔrɛmatapoana na nɛ Livaiebi na ashuŋ nɛ baaŋ baa shuŋ jemanɛ kikɛ.

Job be kawɔl 1:5

Mbia na baŋ ji kejigboŋ ŋklade kachipurso kikɛ, Job beeŋ shuŋi n tre bumo m ba lara esarga chɔɔso n sa Ebɔrɛ ŋ kule alubi be ketampaŋ n sa mbia na, a fɛ fanɛ ashere b kaa bee ji nsaa nuu na b wora kulubi ko n da Ebɔrɛ so nɛ b maŋ nyi.

Ɛksodɔs 19:10

Nɛ Enyɛnpe Ebɔrɛ kaŋɛ Mosis: “Bɛta n yɔ basa na kutɔ n ya kaŋɛ bumo nɛ b ta kabre nɛ echefo n lara alubi ashi bumo be ŋgbene to nseŋ ki cheembi. K daga fanɛ b fɔr bumo be asɔbuuso gba

Ɛksodɔs 19:15

Kumo be kaman nɛ Mosis kaŋɛ bumo: “Men wora shiriya a jo eklade. Men sa maŋ kaŋ di keche nɛ kenyɛn hale n ya fo kumo be kachɛ na.”

Hibruwebi 5:1

Bɔrɛmatapo nimuso kikɛ, mo braana edimɛdi to nɛ baa lara mo nɛ e bee yili bumo be katelamu to a shuŋ Ebɔrɛ nsaa bar Ebɔrɛ ŋkɛana nɛ esarga ŋkpal alubiana so.

Hibruwebi 5:3

Ŋkpal loŋ so Ebɔrɛ nase kumo nna fanɛ e lara sarga. Mannɛ ŋkpal basa pɔtɛ be alubi nawule so, ama ŋkpal mo alɛ gbagba peya gba so.