Nehemaya 12:27 - EBƆRƐ BE KAWƆL

²⁷ Jemanɛ nɛ b daa ta Jerusalɛm be egbal nɛ b lɔŋɛ m pɔr na a bɔɔ Ebɔrɛ enɔ na, b daŋ kela n tre Livaiebi nɛ b wɔ Juda be efuli kikɛ so nna nɛ b ba ta alaŋsɔ be yiri yiri m boŋ kapandi be nshɛ m maŋkura Ebɔrɛ.

Nehemaya 12:27 ပူးပေါင်းရင်းမြစ်များ

2 Samuɛl 6:12

Ewura Deevid ka nu fanɛ ŋkpal ŋkre be deka na ka wɔ Obɛd Edɔm be laŋ to so, nɛ mo nɛ mbe kanaŋ kikɛ nya nɛfa na nɛ e lara kumo laŋ na to n yɔ Jerusalɛm nɛ kagbenefuli.

1 Bewura 8:63

Ewura Sɔlɔmɔn daŋ mɔ ana ŋgboŋ adunyɔ nɛ anyɔ nɛ mbolpɔ nɛ mboe malɛ ŋgboŋ kalfa nɛ adunyɔ nna n lara kɔnɔkoŋwuleso be esarga pɔɛŋ nɛ mo nɛ basa na kikɛ ta bɔrɛlambu na m bɔɔ Ebɔrɛ enɔ.

1 Kronikɛls 13:8

Nɛ Deevid nɛ Israɛlebi na ta bumo be eleŋ kikɛ a cha nsaa boŋ nshɛ a maŋkura Enyɛnpe Ebɔrɛ. B daa laŋ ejaŋjilaŋ nɛ ŋkure nɛ echakachaka nna nsaa foŋ mbel.

1 Kronikɛls 15:12

Le nɛ e daŋ kaŋɛ Livaiebi na: “Menyi e la Livaiebi na be kabuna be bejuŋkparpoana. Amoso menyi nɛ men braana Livaiebi na e lara alubi ashi menyi be ŋgbene to nseŋ ki cheembi, saŋɛ na so menyeeŋ tiŋ n ta Enyɛnpe Israɛl be Ebɔrɛ na be ŋkre be deka na n yɔ kakpa nɛ n lɔŋɛ fanɛ b ta kumo m ba yili na.

1 Kronikɛls 15:16

Ewura Deevid daŋ kaŋɛ Livaiebi be bejuŋkparpo na kenishipereso nna fanɛ b lara Livaiebi na be beko nɛ b baa boŋ nshɛ nsaa laŋ ejaŋjilaŋ nɛ echakachaka kagbenefuliso

1 Kronikɛls 15:28

B ka ta ŋkre be deka na a ba na, Israɛlebi na kikɛ daa boŋ nshɛ kagbenefuliso nna nsaa foŋ mbel a laŋ echakachaka nɛ ejaŋjilaŋ hale m ba luri Jerusalɛm to.

1 Kronikɛls 15:4

Kede be kaman nɛ e tre Ɛɛrɔn malɛ be kaman to ebi nɛ Livaiebi na.

1 Kronikɛls 16:42

Heman nɛ Jedutum malɛ gba e daŋ naa foŋ mbel nsaa laŋ echakachaka nɛ alaŋsɔ nɛ baa laŋ nsaa boŋ nshɛ a di Ebɔrɛ epaŋ jemanɛ kikɛ. Basa nɛ b shi Jedutum be kabuna na e daa keni bumo be mbunaana so.

1 Kronikɛls 16:5

Asaf e daa la bumo be ejuŋkparpo nɛ Zakareya bɛso. Jeɛl nɛ Shemiramɔf nɛ Jehiɛl nɛ Matitiya nɛ Eliab nɛ Benaya nɛ Obɛd Edɔm nɛ Jeɛl e daa laŋ ejaŋjilaŋ. Asaf malɛ e daa laŋ echakachaka

1 Kronikɛls 23:5

nɛ basa ŋgboŋ ana malɛ bee kuŋ bɔrɛlambu na nɛ ŋgboŋ ana malɛ bee ta alaŋsɔ nɛ ewura sa bumo na a laŋ a maŋkura Enyɛnpe Ebɔrɛ.

1 Kronikɛls 26:31

Jeriya e daa la Hibrɔn be kaman to ebi be ejuŋkparpo. Deevid ka daŋ ji kuwura na be kafɛ adenasopo to nɛ b keni Hibrɔn be kaman to ebi to nɛnɛ n wu fanɛ benapo lempo ko shi kanaŋ na to a wɔ Jaza ashi Giliad be kasawule so.

2 Kronikɛls 29:25

Ewura na daŋ bɛ keŋini nɛ Enyɛnpe Ebɔrɛ daŋ bɔla anebi Gad nɛ nɛ anebi Neetan so ŋ kaŋɛ ewura Deevid na so nna n shin nɛ Livaiebi na ta ejaŋjilaŋ nɛ echakachaka a wɔ bɔrɛlambu na to.

2 Kronikɛls 29:30

Ewura na nɛ efuli na so be bejuŋkparpoana na daŋ kaŋɛ Livaiebi na nna fanɛ b baa boŋ nshɛ nɛ ewura Deevid nɛ anebi Asaf daŋ sibɛ n nase na. B ka bee boŋ amo nɛ ekama be kagbene fuli nɛ b gbir m bunyaŋ Ebɔrɛ.

2 Kronikɛls 7:6

Israɛlebi na kikɛ daŋ niŋi to a yil nna. Bɔrɛmatapoana na daa yil kakpa nɛ b sa bumo na nna. Nɛ Livaiebi na malɛ yili ŋ kilgi anishito n shoŋi bumo nsaa laŋ alaŋsɔ nɛ ewura Deevid sa bumo na a maŋkura Enyɛnpe Ebɔrɛ a boŋ nshɛ a kaŋɛ: “Mbe kasha wɔtɔ nna mbaanaayɔ!” Bɔrɛmatapoana na malɛ daa foŋ mbel nna.

Ɛzra 6:16

Kumo be kaman nɛ Israɛlebi na, bɔrɛmatapoana nɛ Livaiebi nɛ bekama nɛ b bɛta m ba na kikɛ, be ŋgbene fuli bumo ga nɛ b ta bɔrɛlambu na m bɔɔ Ebɔrɛ enɔ.

Nehemaya 11:20

Israɛlebi be basa nɛ b ka na nɛ bɔrɛmatapoana nɛ Livaiebi na kikɛ da chena bumo be amu so nna ashi Juda be efuli so be nde to.

Nehemaya 12:43

Ebɔrɛ daŋ shin nɛ basa na be ŋgbene fuli bumo nna ga, amoso b daŋ ji bumo be amu nna nseŋ lara esarga damta n sa Ebɔrɛ. Beche nɛ mbia kikɛ daŋ ti kayurji na so nna. Esa daa wɔ kufɔ nɛ Jerusalɛm be kadegboŋ na gba e daa beeŋ nu awɔr nɛ basa na daa wora kagbene fuli so na.

Nehemaya 8:17

Bekama nɛ b shi Babilɔn be kadegboŋ na to m bɛta m ba daŋ yuu abuu nna a wɔ amo to a ji Abuu to be Kachɛgboŋ na kagbenefuliso nna. Ŋkpal manɛ so, yili Nun pibinyɛn Joshuwa, nɛ e fara n juŋkpar Israɛlebi na ŋ kɔ n sɔ kasawule na be jemanɛ na kikɛ b maŋ daŋ naŋ ji kachɛgboŋ na kikɛ ama loŋ be kachɛ na.

Nshɛ 149:3

Men ta echakachaka nɛ ejaŋjilaŋ a boŋ nshɛ nsaa cha a dele Enyɛnpe Ebɔrɛ na be ketre.

Nshɛ 30:1

Enyɛnpe Ebɔrɛ, meeŋ fur fo; ŋkpal fo ka mɔlga ma nsaa maŋ shin nɛ ma doŋana ji eyur ŋkpal b ka pɔɔ ma so so.

Ditɛronɔmi 16:11

Menyi nɛ menyi be mbia nɛ nyɛrbi nɛ Livaiebi nɛ befɔ nɛ amunibi nɛ bekulpoche nɛ b wɔ kade na to na beeŋ ji menyi be amu ashi Enyɛnpe Ebɔrɛ na be anishito ashi kakpa nɛ menyee shuŋ Ebɔrɛ na.

Ditɛronɔmi 20:5

Kumo be kaman nɛ benapo na be bejuŋkparpoana malɛ e malga n sa benapo na ŋ kaŋɛ bumo le: “Esa ko wɔ nfe nɛ e pɔr kowu popɔr, ama mo alɛ maŋ naŋ ta kumo m bɔɔ Ebɔrɛ enɔ nseŋ bela n luri kumo to a? Kumo ere e bɛta a yɔ epe. Nɛ mannɛ aloŋ e kaŋ ya wu kena to, esa pɔtɛ e naaŋ ta mbe kowu na m bɔɔ Ebɔrɛ enɔ nseŋ bela n luri kumo to.

Filipaiebi 4:4

Men shin nɛ men be ŋgbene e baa fuli menyi ashi Enyɛnpe to saŋkikɛ. Kashenteŋto, meeŋ naŋ lɔŋɛ ŋ kaŋɛ loŋ fanɛ: Men shin nɛ men be ŋgbene e baa fuli menyi.

Kelaraŋŋini 5:8

E ka sɔ kawɔl sibɛso na nɛ asɔbɔya ana na nɛ bejuŋkparpo adunyɔ nɛ ana na gbir Kpakpafɔlbi na be anishito. Bumo be ekama daa kɔ goji nɛ shuwa be ntishaŋ mo nɛ duwu bɔlɔ m bɔlɔ amo to a la Ebɔrɛ be basa be kabɔrɛkuleana nna.