Nehemaya 11:1 - EBƆRƐ BE KAWƆL

¹ Basa na be bejuŋkparpoana na daa wɔ Jerusalɛm to nna nɛ bumo nɛ b ka na malɛ to beri n lara basa kudu kikɛ to be esa koŋwule nɛ e ya chena Jerusalɛm nɛ k la kade cheembi na to nɛ bekpanu nɛ b ka na malɛ a ya chena nde mo nɛ a ka na to. Ŋkpal manɛ so nwu daa maŋ shi Jerusalɛm to.

Nehemaya 11:1 ပူးပေါင်းရင်းမြစ်များ

1 Kronikɛls 26:13

Kanaŋ kama daa to beri nna a pin kabuna nɛ baaŋ baa keni so. K maŋ tir kananɛ kanaŋ na sa.

1 Kronikɛls 8:28

Bumo kikɛ daa la kanaŋ to be benimu nna nɛ bumo nananyɛnana daŋ chena Jerusalɛm.

1 Kronikɛls 9:1

B daŋ sibɛ Israɛlebi na kikɛ be atre kanaŋ kanaŋ so nna n wɔtɔ Israɛl be bewura be nwɔl to. Judaebi na ka daŋ wora alubi ŋ gbiti Ebɔrɛ na so nɛ b daŋ pɛ bumo nseŋ tintiŋ bumo n yɔ Babilɔn be efuli wɔfɔ na so na.

1 Kronikɛls 9:2

B ka bɛta a ba na be bumo nɛ b juŋkpar m ba bumo be nde to e daa la Israɛl be ndetobia na nɛ bɔrɛmatapoana na nɛ Livaiebi na nɛ bɔrɛlambu na to be beshumpo na.

1 Kronikɛls 9:3

Bumo be basa nɛ b shi Juda nɛ Bɛnjamin nɛ Efrayim nɛ Manase be yiri to na daŋ ya chena Jerusalɛm nna.

Nehemaya 10:34

Anyi alɛ naŋ yili kumo fanɛ kafɛ kikɛ bɔrɛmatapoana na nɛ Livaiebi nɛ basa na to be bebɔlpo na be nnaŋ to be basa beeŋ baa bar ndibi puga edɛ bɔrɛlambu na to nna, saŋɛ na so baaŋ tiŋ a lara esarga bɔrɛsure na so, fanɛ kananɛ Enyɛnpe Ebɔrɛ na yili kumo na.

Nehemaya 11:18

Livaiebi nɛ b daa wɔ Jerusalɛm to na kikɛ daa la basa alfa anyɔ nɛ aduburwa nɛ ana nna.

Nehemaya 4:22

Loŋ be jemanɛ nɛ ŋ kaŋɛ basa nɛ baa keni beshumpo na so na nɛ bumo be beshumpo kikɛ fanɛ baa b wɔ Jerusalɛm be kadegboŋ na to kanyɛso kikɛ nsaa keni so a kuŋ kade na. Amoso b daa shuŋ kapaso nna nsaa keni kade na so a kuŋ kumo kanyɛso malɛ.

Nshɛ 122:5

Ndoŋ nɛ Israɛl be bewura bee chena a ji bumo be basa demu.

Nshɛ 122:6

Men kule kayurwushi n sa Jerusalɛm; saŋɛ na so, asheŋ beeŋ nite nɛnɛ n sa bekama nɛ b kɔ kasha n sa kumo na.

Aŋasa 16:33

Basa bee kaa bishiso nna a fin kananɛ baaŋ wora asheŋ, ama Enyɛnpe Ebɔrɛ nawule e naa yili kusɔ kikɛ.

Aizaaya 48:2

Menyee puchi a kaŋɛ fanɛ men la Jerusalɛm, kadegboŋ cheembi na to be basa nsaa ta menyi be amu a to Israɛl be Ebɔrɛ nɛ e la Enyɛnpetale Ebɔrɛ na so nna.

Aizaaya 52:1

Jerusalɛm to ebi, men tiŋi edi to! Men koso n yili ŋ kpeŋ menyi be eyur to! Ebɔrɛ be kade cheembi to ebi, men ta menyi be asɔbuuso lela m buu! Nnyamase nɛ b shi efuli pɔtɛana so na maaŋ naŋ luri menyi be kadegboŋ to n tɔrɔ menyi kikɛ.

Matiu 27:53

Amoso, Yesu be ketiŋi luwu to na be kaman nɛ b lar bumo be nchaŋana na to n yɔ kadegboŋ cheembi na to nɛ basa damta ya wu bumo ndoŋ.

Matiu 4:5

Ndoŋ nna nɛ alubipo na naŋ shin nɛ b yɔ kadegboŋ cheembi na to n ya shin nɛ Yesu yili bɔrɛlambu na be kakpa jeŋgreŋ ko so nseŋ kaŋɛ mo le:

Ashuŋ Shunso 1:24

Nɛ b kule Ebɔrɛ ŋ kaŋɛ: “Enyɛnpe, fo nyi basa kikɛ be ŋgbene to, amoso, ŋini anyi basa anyɔ ere be emo nɛ feeŋ lara

Ashuŋ Shunso 1:26

Kumo be kaman nɛ b to beri nɛ Matayas ji. Ndoŋ nna nɛ b shin nɛ e ti beshuŋipo kudukako na so.

Joshuwa 18:10

Nɛ Joshuwa to beri m bishi Enyɛnpe Ebɔrɛ kusɔ nɛ k wɔtɔ nseŋ chige kasawule na to n sa Israɛl be eyiri nɛ a ka na.