Nehemaya 10:39 - EBƆRƐ BE KAWƆL

³⁹ Israɛl be basa nɛ Livaiebi na daga fanɛ b bar bumo be nyifu nɛ asɔnuuso, nɛ ɔlif be ŋku kakpa nɛ baa yili bɔrɛlambu na to be asɔ nɛ b kɔ a daŋɛ nɛ asɔ jito na. Bɔrɛlambu na be kakpa nɛ bekenipo nɛ beshɛbompoana nɛ bɔrɛmatapoana na wɔ na. Anyi maaŋ kplaŋ anyi be Ebɔrɛ na be bɔrɛlambu so kikɛ.

Nehemaya 10:39 ပူးပေါင်းရင်းမြစ်များ

2 Bewura 7:10

Ndoŋ nna nɛ b lar Siriyaebi be benapo na be keeyi to m bɛta n yɔ Samɛria be kade na to n ya ponte ŋ kaŋɛ kumo be mbunakumpoana na le: “An ka yɔ Siriyaebi be benapo na be keeyi to, anyi maŋ wu esa, anyi alɛ maŋ nu esa kama gba be asheŋ ndoŋ. Bumo be egbaŋɛ nɛ ekurma nawule a chɛ a mur ndoŋ ashi bumo be ewajɛbu ase.”

2 Kronikɛls 31:11

Nɛ ewura na shin nɛ b pɔr ebuana nɛ baaŋ ba ta asɔ a yili to ashi bɔrɛlambu na be kelɔnɛ na be ekarso,

2 Kronikɛls 31:12

nsaa ta ŋkɛ na nɛ kudukudusopo na n yili ndoŋ, saŋɛ na so shɛŋ shɛŋ maaŋ tiŋ n ta amo. B daŋ ta Livainyɛn nɛ baa tre Konaniya na nna fanɛ e baa keni amo so nseŋ ta mo sipo Shimei malɛ m bɛ mo so.

Nehemaya 12:47

Jemanɛ nɛ Zerubabel daa la bɔrɛmatapo nimuso nɛ ma, Nehemaya, malɛ daa la gomena ashi Juda be efuli so na, ekama ashi Israɛl be efuli so daa sa kusɔ nɛ k daga fanɛ e sa nɛ beshɛbompo na nɛ bɔrɛlambu na to be bekumpo nɛ b shi Livaiebi be yiri to na e baa nya bumo be karechɛ kikɛ be kusɔ jiso nna. Basa na daa lara ŋkɛ cheembi nna a sa Livaiebi na nɛ bumo alɛ bee lara amo to be amo nɛ a daga na a sa bɔrɛmatapoana nɛ b la Ɛɛrɔn be kaman to ebi na.

Nshɛ 122:9

Ŋkpal Enyɛnpe anyi be Ebɔrɛ be lambu na so, nɛ mee kule Ebɔrɛ a fin kadegboŋ na be nɛnɛ na.

Nɔmbɛs 18:26

e kaŋɛ Livaiebi na le: “Men baŋ sɔ Israɛlebi be kudukudusopo nɛ mee ta a sa menyi fanɛ men be kapetɛ na, menyi alɛ gba e lara amo be kudukudusopo n sa Enyɛnpe Ebɔrɛ,

Nɔmbɛs 18:30

Men baŋ lara amo to be alela n sa Enyɛnpe Ebɔrɛ na, menyeeŋ tiŋ n ta amo nɛ a ka na fanɛ kananɛ edɔpo bee lara mbe adɔjibi be kudukudusopo nsaa ta amo nɛ a ka na.

Ditɛronɔmi 12:17

Kumo be kaman, men sa maŋ kaa ji ayu ŋko ɔlif be ŋku be kudu kudusopo ŋko menyi be ana nɛ mbolpɔ be ewurkoŋ nɛ ŋkɛ nɛ menyeeŋ nase nnɔ n sa Enyɛnpe Ebɔrɛ na nɛ menyi be keparso be ŋkɛ kama nɛ menyeeŋ ta n sa Enyɛnpe Ebɔrɛ na ashi menyi be echenakpaana.

Hibruwebi 10:25

Men sa maŋ shin nɛ an baa kini kebaatu abar a shɛr fanɛ kananɛ basa ko bee kaa wora na. Ama men shin nɛ an baa leŋ abar to, fɔnfɔŋ kananɛ men wu lalaloge be kachɛ na ka bee fo le ere so.