Nehemaya 10:37 - EBƆRƐ BE KAWƆL

³⁷ Anyi alɛ beeŋ naŋ bar aboyu nyifu nɛ an fara ŋ kɔr m ba sa bɔrɛmatapoana na ashi bɔrɛlambu na to. Amo nɛ asɔrso nɛ a walɛ ga na nɛ yabra popɔr nɛ ɔlif be ŋku. Anyeeŋ bar anyi be ayu teŋiso be kudu kudusopo m ba sa Livaiebi nɛ baa nite a sɔ asɔ ashi ndeana na to na.

Nehemaya 10:37 ပူးပေါင်းရင်းမြစ်များ

2 Kronikɛls 31:6

Basa nɛ b daa wɔ Juda be nde nɛ a ka na to gba daŋ ta bumo be ana nɛ mbolpɔ be kudukudusopo nɛ ŋkɛ damta ko nna m ba sa Enyɛnpe bumo be Ebɔrɛ na.

Nehemaya 13:10

Ma alɛ naŋ nu fanɛ bɔrɛlambu na to be beshɛbompo nɛ Livaiebi na be galeŋga lar Jerusalɛm to nna m bɛta n yɔ bumo be adɔana to, ŋkpal manɛ so, basa na daa maŋ naa sa bumo ajibi nɛ a bee fo bumo.

Nehemaya 13:12

Kede be kaman nɛ ekama ashi Juda be efuli so bar ayu nɛ yabra nɛ ɔlif be ŋku be kudu kudusopo m ba wɔtɔ bɔrɛlambu na be ebuana nɛ baa yili ajibi amo to na to.

Nehemaya 13:5

E daŋ shin nna nɛ Tobaya daa wɔ ebuana na be kegboŋgboŋi nɛ baa yili asɔ be yiri yiri fanɛ esarga be aboyu nɛ duwu nɛ bɔrɛlambu na to be asɔ daŋɛso nɛ ashuŋsɔ nɛ ayu nɛ yabra nɛ ɔlif be ŋku be kudu kudusopo nɛ b bar m ba sa Livaiebi nɛ beshɛbompo na nɛ bɔrɛlambu na to be bekumpo na nɛ ŋkɛ nɛ b bar m ba sa bɔrɛmatapoana na kikɛ na to.

Nehemaya 13:9

Kumo be kaman nɛ ŋ kaŋɛ fanɛ b fɔr ebu na daŋkare be ekpa so nɛ k ki cheembi n sa Enyɛnpe Ebɔrɛ na pɔɛŋ nseŋ bɛta bɔrɛlambu na be asɔ daŋɛso na kikɛ nɛ esarga be ayu na nɛ duwu na n ya wɔtɔ kumo to.

Ɛksodɔs 13:12

men ta men be ewurkoŋnyɛn nɛ men be asɔbɔya be bibinyɛn nɛ baaŋ fara ŋ kurge ashi ndoŋ na kikɛ n sa ma, Enyɛnpe Ebɔrɛ na.

Ɛksodɔs 13:2

“Lara wurkoŋnyɛn kikɛ ashi Israɛlebi ere to nɛ e baa du cheembi a la meya. Dimɛdi ŋko kusɔbɔya be wurkoŋnyɛn, la meya nna.”

Levitikɔs 23:17

Kanaŋ kikɛ beeŋ bar ebodobodo anyɔ m ba sa bɔrɛmatapo na nɛ e ta amo m ba sa Enyɛnpe Ebɔrɛ na fanɛ kakɛgboŋ. A daga b ta nyifu kurwa koŋwule nna n wɔtɔ yiisi n wora bodobodo koŋwule kama nɛ a baa la asɔ nɛ b juŋkpar n teŋi na be sarga n sa Enyɛnpe Ebɔrɛ na.

Malakai 3:10

Men ta menyi be kudukudusopo kikɛ m ba Enyɛnpe Ebɔrɛ be lambu to, saŋɛ na so ajibi damta beeŋ baa wɔ ndoŋ. Men wora ma ŋ keni, nɛ m bugi Ebɔrɛso be etokuro n chulgi enɛfa be yiri yiri alegaiso n sa menyi nɛ menyi maaŋ nya kakpa gba n yili amo.

Malakai 3:8

Kusɔ nɛ mee bishi menyi e la fanɛ, k daga dimɛdi ka bee yuri Ebɔrɛ a? Ayai, loŋ maŋ daga, ama menyi alɛ bee yuri ma. Men yɛ: ‘Nuso nɛ anyee yuri fo?’ Menyi be esarga nɛ men be kudukudusopo nɛ a la meya na to nɛ menyee yuri ma.

Nɔmbɛs 18:15

Dimɛdi ŋko kusɔbɔya be wurkoŋ kama nɛ Israɛlebi na baaŋ ta n sa ma, la menyeya nna. Ama a daga men ka shuli nɛ b ka wurkoŋ kama nɛ kusɔbɔya be wurkoŋ kama nɛ k maŋ walɛ so daŋkare be ekpa so be kukɔ.

Nɔmbɛs 18:18

Amo be eblaŋ na bre kikɛ la menyeya nna fanɛ kananɛ sarga nɛ baa maŋ so a ŋini Ebɔrɛ na be ŋgbene na nɛ jiso be ebɛaŋana la menyeya na.

Nɔmbɛs 18:21

Nɛ Enyɛnpe Ebɔrɛ naŋ kaŋɛ le: “N ta Israɛlebi na be kudukudusopo kikɛ nɛ baa bar ma nna a sa Livaiebi na. Amo e la Enyɛnpe be wajɛbu na to na be kushuŋ nɛ baa shuŋ be kakɔka.

Romebi 11:16

Nɛ esa baŋ ta bodobodo be kaba n lara kanya popɔr be sarga n sa Ebɔrɛ, kumo ere bodobodo na gba kikɛ la Ebɔrɛ peya nna na. Nɛ esa malɛ naŋ kaŋɛ fanɛ Ebɔrɛ e wɔ kedibi be nliŋi, kumo ere mo koŋwule na e kraa wɔ kedibi na kikɛ gba.

Ditɛronɔmi 14:22

Israɛlebi, kafɛ kikɛ men baa lara menyi be adɔjibi to be kudu kudusopo a yili.

Ditɛronɔmi 18:4

Kede be kaman, menyeeŋ baa sa bumo ayu nɛ menyeeŋ juŋkpar n teŋi, nɛ yabra belbelso nɛ ɔlif be ŋku nɛ menyeeŋ juŋkpar n wora, nɛ mbolpɔ be afuibi nɛ menyeeŋ juŋkpar n she na kikɛ.

Ditɛronɔmi 26:2

menyi to be ekama daga fanɛ e ta mbe sososo be adɔjibi nɛ e beeŋ teŋi na n wɔtɔ kelantaŋɛ to n yɔ kakpa nɛ Enyɛnpe menyi be Ebɔrɛ na lara n yili fanɛ men baa shuŋ mo na.