Nehemaya 10:35 - EBƆRƐ BE KAWƆL

³⁵ Kafɛ kikɛ anyeeŋ baa bar anyi be ayu nɛ asɔrso nɛ an juŋkpar n teŋi ŋko n chuge, bɔrɛlambu na to.

Nehemaya 10:35 ပူးပေါင်းရင်းမြစ်များ

Nehemaya 13:31

Ma alɛ daŋ naŋ yili kumo nna fanɛ basa na beeŋ baa bar ndibi puga edɛ bɔrɛsure na ase karechɛ kikɛ nseŋ naa bar bumo be adɔjibi nɛ baaŋ teŋi sososo na bɔrɛlambu na to. Mee kule Ebɔrɛ nna fanɛ e nɛfa ma ŋkpal asɔ lela nɛ mee wora ere so.

Ɛksodɔs 23:19

Kafɛ kikɛ men baa ta men be adɔjibi juŋkparso lelaana a bar ma, Enyɛnpe Ebɔrɛ, ashi kakpa nɛ menyee bunyaŋ ma na. Men sa maŋ kaŋ daŋɛ kaboe fɔlbi kumo nio be kenyipochu to.

Ɛksodɔs 34:26

Kafɛ kikɛ men baa ta men be adɔjibi nɛ menyee juŋkpar n teŋi a ba ma, Enyɛnpe men be Ebɔrɛ na be kowu to. Men sa maŋ kaŋ ta kusɔbɔya kikɛ be kenyipochu n daŋɛ kumo pibi.”

Ezikɛl 44:30

Adɔjibi kama nɛ b juŋkpar n teŋi nɛ kusɔ kama nɛ b ta n sa ma beeŋ baa la bɔrɛmatapoana na peya nna. Jemanɛ kikɛ nɛ basa na wora ebodobodo, a daga fanɛ b ta bodobodo nɛ b juŋkpar n wora na n sa bɔrɛmatapoana fanɛ kakɛ nɛ k bee yɔ Ebɔrɛ kutɔ, saŋɛ na so ma nɛfa beeŋ baa wɔ bumo be elaŋana so.

Levitikɔs 6:5

ŋko kusɔ nɛ e ku efɛ m bɔ ntaŋ fanɛ e maŋ wu na n ya sa kusɔwura nseŋ ka kumo be ntuŋ nuso to be katuŋ koŋwule n ti so.

Levitikɔs 6:6

Mo alɛ beeŋ naŋ lara kpakpa nɛ k maŋ kɔ ndulgi nɛ bɔrɛmatapo na beeŋ ŋini mo na.

Nɔmbɛs 18:12

N ta ɔlif be ŋku nɛ yabra belbelso nɛ ayu nɛ a la sososo be ajibi nɛ Israɛlebi bee lara kafɛ kafɛ kikɛ a sa ma na nna n sa menyi.

Nɔmbɛs 18:2

Fo kurgepoana Livaiebi na e naaŋ baa chɛ fo nɛ fo mbinyɛnsobi to a shuŋ wajɛbu na to.

Ditɛronɔmi 26:2

menyi to be ekama daga fanɛ e ta mbe sososo be adɔjibi nɛ e beeŋ teŋi na n wɔtɔ kelantaŋɛ to n yɔ kakpa nɛ Enyɛnpe menyi be Ebɔrɛ na lara n yili fanɛ men baa shuŋ mo na.