Nehemaya 10:34 - EBƆRƐ BE KAWƆL

³⁴ Anyi alɛ naŋ yili kumo fanɛ kafɛ kikɛ bɔrɛmatapoana na nɛ Livaiebi nɛ basa na to be bebɔlpo na be nnaŋ to be basa beeŋ baa bar ndibi puga edɛ bɔrɛlambu na to nna, saŋɛ na so baaŋ tiŋ a lara esarga bɔrɛsure na so, fanɛ kananɛ Enyɛnpe Ebɔrɛ na yili kumo na.

Nehemaya 10:34 ပူးပေါင်းရင်းမြစ်များ

1 Kronikɛls 24:5

Ŋkpal bɔrɛlambu na to be beshumpo nɛ bɔrɛmatapoana ka daa wɔ Eliaza nɛ Itama kikɛ be kaman to ebi to na so, b daa to beeri nna a fin Ebɔrɛ be nfɛra pɔɛŋ nsaa barga bumo be ashuŋ to.

1 Kronikɛls 24:7

Kananɛ b daŋ barga Bɔrɛmatapoana be ntuŋ adunyɔ nɛ ana na to nɛ b baa shuŋ kebɛso kebɛso nde. Jehowarib naaŋ juŋkpar n shuŋ nseŋ ta Jedaya m bɛso, n ta Harim n ta Seorim n ta Malkija n ta Mijamin n ta Hakkɔz n ta Abija n ta Joshuwa n ta Shekanaya n ta Eliashib n ta Jakim n ta Huupa n ta Jeshibiab n ta Bilga n ta Imma n ta Heziir n ta Hapizɛz n ta Petahiya n ta Jehezkɛl n ta Jakin n ta Gamul nɛ Delaya n ta Mazia.

2 Kronikɛls 2:3

Ewura Sɔlɔmɔn daŋ ta le be kubɔya ere nna n ya sa Tayɛ be Ewura Hiram: “Shin nɛ ma nɛ fo e baa ji yawu fanɛ kananɛ fo nɛ n tuto ewura Deevid daa ji yawu na, nɛ fo baa fa ndibi nɛ baa tre sida na a sa ma fanɛ kananɛ fo daŋ fa amo n sa mo nɛ e pɔr mbe ewura be laŋ na.

Ɛzra 3:5

Kumo be kaman nɛ b lara sarga chɔɔso nɛ k daga na malɛ gba. Bumo alɛ daŋ naŋ lara kufɔl popɔr be esarga nɛ esarga kama nɛ a daga fanɛ b baa lara nchɛgboŋ nɛ Enyɛnpe Ebɔrɛ na yili n sa bumo na kikɛ.

Nehemaya 11:1

Basa na be bejuŋkparpoana na daa wɔ Jerusalɛm to nna nɛ bumo nɛ b ka na malɛ to beri n lara basa kudu kikɛ to be esa koŋwule nɛ e ya chena Jerusalɛm nɛ k la kade cheembi na to nɛ bekpanu nɛ b ka na malɛ a ya chena nde mo nɛ a ka na to. Ŋkpal manɛ so nwu daa maŋ shi Jerusalɛm to.

Nehemaya 13:31

Ma alɛ daŋ naŋ yili kumo nna fanɛ basa na beeŋ baa bar ndibi puga edɛ bɔrɛsure na ase karechɛ kikɛ nseŋ naa bar bumo be adɔjibi nɛ baaŋ teŋi sososo na bɔrɛlambu na to. Mee kule Ebɔrɛ nna fanɛ e nɛfa ma ŋkpal asɔ lela nɛ mee wora ere so.

Aŋasa 18:18

Basa anyɔ baa gberge demu to nɛ k maa nya edesekpa, kesulgeso e naŋ ku demu na to.

Aizaaya 40:16

Nɛ esa ta Lebanɔn be kupo to be asɔbɔya kikɛ n lara sarga n sa anyi be Ebɔrɛ na, a kraŋ maaŋ fo mo; kumo to be ndibi kikɛ gba maaŋ fo m puga sarga be edɛ.

Levitikɔs 24:5

Men ta nyifu fanɛ kurwa ashe n wora ebodobodo kudu anyɔ.

Levitikɔs 24:6

Kumo be kaman nɛ men ta ebodobodo na n ya nase amo egbaŋ anyɔ n deŋi shuwa be teebɔl nɛ k wɔ Ebɔrɛ be wajɛbu na to na so. Menyeeŋ nase ebodobodo ashe gbaŋ kikɛ so.

Nɔmbɛs 28:2

fanɛ e kaŋɛ Israɛlebi na kenishipereso nɛ b baa ta bumo be ajibi be esarga nɛ amo be efɛa bee wora Enyɛnpe Ebɔrɛ ebel ga na m ba ka sa Ebɔrɛ saŋɛ nɛ k daga.

Ashuŋ Shunso 1:26

Kumo be kaman nɛ b to beri nɛ Matayas ji. Ndoŋ nna nɛ b shin nɛ e ti beshuŋipo kudukako na so.

Joshuwa 9:27

Ama e daŋ ta Gibiɔnebi na ŋ ki anya nna nɛ baa kuya ndibi nsaa saŋ nchu a sa Israɛlebi na nɛ Enyɛnpe be bɔrɛsure na ekpa be beshumpo. Loŋ be kushuŋ nɛ b kraa wɔtɔ a shuŋ hale kabre ashi kaplɛkama nɛ Enyɛnpe Ebɔrɛ ŋini fanɛ b baa shuŋ mo na.