Nehemaya 10:32 - EBƆRƐ BE KAWƆL

³² An yili kumo nna fanɛ kafɛ kikɛ anyeeŋ sa gbiti be ndarbi gbrɛbi n chɛ Ebɔrɛ be lambu to be kushuŋ to.

Nehemaya 10:32 ပူးပေါင်းရင်းမြစ်များ

Jɛnesis 28:22

Amoso nɛ n yuu kejembu ere n dulgi ndoŋ nɛ k baa la fo Ebɔrɛ pe na. Kusɔ kama malɛ nɛ fo sa ma, meeŋ lara kumo be kudusopo n sa fo.”

1 Kronikɛls 26:27

Saŋkama nɛ b kɔ kena n sɔ asɔ, baa ta amo be alela nna m ba bɔrɛlambu na to m ba bɔɔ Ebɔrɛ enɔ.

Nehemaya 13:15

Ma alɛ daŋ naŋ dara m pin kusɔ nɛ Juda be basa na bee wora Kewushiachɛ na. Mannɛ kebaachichi asɔrso nɛ baa tre greep na so a wora yabra nawule nɛ b daa wora ama b daa teŋi ayu, nsaa chuge egreep nɛ figi be asɔrso nɛ adɔjibi pɔtɛana kikɛ n ti so nna Kewushiachɛ na. Bumo alɛ daa naa ta ekurma a sulɔ amo nna a yɔ Jerusalɛm n ya ka fa. Amoso n daŋ kpele bumo kusoe nna fanɛ b sa maŋ naa fa ajibi Kewushiachɛ.

Nehemaya 13:18

Ebɔrɛ daa maŋ gberge anyi nɛ Jerusalɛm be kadegboŋ be basa ere kusoe nna ŋkpal an nanaana ka daŋ wora asheŋ nɛ anyee wora ere so a? To menyee sha keŋaba Kewushiachɛ na nɛ Ebɔrɛ be agbo e koso, ŋko?”

Nehemaya 13:21

Ama n daŋ fɛa bumo so nna ŋ kaŋɛ le: “Nɛ men naŋ wora loŋ, meeŋ shin nɛ b pɛ menyi n ti ebu. Yili loŋ be kachɛ na a yɔ, b maŋ naŋ ba Jerusalɛm to Kewushiachɛ kikɛ.

Nehemaya 5:10

Naniere n shin nɛ basa na paŋ amansherbi nɛ aboyu ma kutɔ nna. Nteriana nɛ basa nɛ baa shuŋ a sa ma na gba ti so. Naniere men shin nɛ an kikɛ e ta asɔ nɛ b paŋ anyi na ŋ kɛ bumo.

Nehemaya 9:14

Fo yili kumo n sa bumo fanɛ b baa ta fo kewushiachɛ na fanɛ kachɛ cheembi. Fo daŋ kaŋɛ fo kayɛrbi Mosis nna fanɛ e ŋini bumo fo mbraana na.

Ɛksodɔs 23:11

nseŋ yige kumo nɛ k wushi kafɛ shunusopo na bre to. Menyi alɛ e sa maŋ teŋi kumo so be akɔrbua kafɛ shunusopo na to, saŋɛ na so betirpo nɛ kupuŋ to be asɔbɔya gba beeŋ shishi amo nɛ a ka na n ji. Loŋ koŋwule na e daga fanɛ men wora men be afeelebi sɔrso nɛ ɔlif be ndibi be adɔ gba.

Aŋasa 3:9

Baa ta fo kanya nɛ fo sososo be adɔjibi a bunyaŋ Enyɛnpe Ebɔrɛ na.

2 Kɔrintebi 8:12

Ŋkpal manɛ so, nɛ esa baŋ bugi kagbene n yili kumo fanɛ e beeŋ sa, kumo ere kusɔ nɛ amodoŋwura kɔ so nɛ Ebɔrɛ beeŋ yili n sɔ loŋ be kakɛ na, mannɛ kusɔ nɛ e maŋ kɔ so.