Nehemaya 10:31 - EBƆRƐ BE KAWƆL

³¹ Anyi alɛ maaŋ tɔ asɔ, hale ajibi jiso gba esa kikɛ kutɔ Kewushiachɛ na ŋko kachɛ cheembi kikɛ. Kafɛ shunusopo kikɛ, anyeeŋ shin nɛ anyi be adɔsawule e dese n wushi. Anyi alɛ beeŋ ta basa be akɔ nɛ b ji anyi ŋ kɛ bumo loŋ be jemanɛ na.

Nehemaya 10:31 ပူးပေါင်းရင်းမြစ်များ

2 Kronikɛls 36:21

Ndoŋ nna nɛ Israɛl be kasawule na dese nfɛ adushunu nɛ esa maŋ wɔ kumo so, nɛ kusɔ nɛ Enyɛnpe Ebɔrɛ daŋ bɔla anebi Jɛremaya so ŋ kaŋɛ fanɛ kasawule na beeŋ ki keshishɛrsawule n dese nfɛ adushunu na, bɔlɔ so.

Nehemaya 13:23

Ma alɛ daŋ naŋ wu fanɛ Juwebi na be benyɛn ko daŋ ta beche ashi Ashdɔd be kadegboŋ to nɛ Ammɔn nɛ Mowab be efuliana so nna.

Nehemaya 13:27

Amoso anyeeŋ nu n sa fo nsaa maaŋ kil befɔ n lar anyi be Ebɔrɛ kaman n wora kulubi ŋ gbiti mo.”

Ɛksodɔs 12:16

Men ta kachɛ sososo na nɛ kachɛ shunusopo na n shɛr n shuŋ Ebɔrɛ. Loŋ be nchɛ na, ekama e sa maŋ kaŋ shuŋ kushuŋ kikɛ, ama menyeeŋ tiŋ n daŋɛ ajibi bre kanaŋkamaso nɛ ekama beeŋ tiŋ n ji.

Ɛksodɔs 20:10

Kachɛ shunusopo na bre la ewushi be kachɛ nna n sa Enyɛnpe Ebɔrɛ men be Ebɔrɛ na. Kumo be kachɛ na bre menyi nɛ men be bibinyɛn nɛ bibiche nɛ anya nyɛnso nɛ becheso nɛ asɔbɔya dɔso nɛ befɔ nɛ b wɔ men be nde to kikɛ, maŋ daga fanɛ b shuŋ kushuŋ kikɛ.

Ɛksodɔs 34:16

Men baŋ ta kasawule na so be mbichesobi n sa men be mbinyɛnsobi loŋ be mbichebi nɛ baa bɛ agbir so na beeŋ shin nɛ men be mbinyɛnsobi na gba e shuŋ bumo be agbir na.

Aizaaya 58:6

Ekishi nɛ k bee par ma a ŋini menyee ka bee shuŋ ma kashenteŋto e la men ka beeŋ lara kanyaŋ nɛ kebaakɔrfɛ basa nɛ b maŋ wora shɛŋ nsaa wɔ kabuti to na nseŋ shin nɛ ekama e nya a wora asheŋ yila yila so.

Levitikɔs 16:29

Mbraana ere daga fanɛ a baa dese nna nɛ b baa bɛ amo so mbaanaayɔ. Kufɔl shunusopo to be kachɛ kudusopo kikɛ, Israɛlebi nɛ befɔ kama nɛ b tu bumo n chena na kikɛ daga b kishi nsaa maŋ shuŋ kushuŋ kikɛ loŋ be kachɛ na.

Levitikɔs 23:21

Men sa maŋ kaŋ shuŋ kushuŋ kikɛ loŋ be kachɛ na, ama keshɛr m bunyaŋ Enyɛnpe Ebɔrɛ na nawule. Kaplɛkama nɛ men wɔ, a daga fanɛ men be kaman to ebi ka bee bɛ mbraana ere so hale mbaanaayɔ.

Levitikɔs 23:3

Nchɛnshe nɛ menyeeŋ ta n shuŋ menyi be ashuŋ, ama men baa nyiŋi fanɛ kachɛ shunusopo na bre la Kewushiachɛ nna. Loŋ be kachɛ nɛ menyeeŋ ta n shɛr abar so m bunyaŋ ma Enyɛnpe Ebɔrɛ na. Kaplɛkama nɛ men wɔ, Kewushiachɛ na la Enyɛnpe Ebɔrɛ na be kachɛ nna.

Matiu 6:12

nseŋ ta anyi be alubi m paŋ anyi fanɛ kananɛ anyi alɛ gba ta m paŋ bumo nɛ b wora n da anyi so na.

Kɔlɔsiebi 2:16

Amoso, men sa maŋ shin nɛ ekama e wu menyi kulubi ŋkpal kusɔ jiso ŋko kusɔnuuso so ŋko ŋkpal men ka maa bunyaŋ nchɛgboŋ ŋko kufɔl popɔr ŋko kewushiachɛ so.

Jeems 2:13

Esa nɛ e maa wu mo braana kuwɔr, kachɛ nɛ Ebɔrɛ bee ji amodoŋwura demu e maaŋ wu mo alɛ gba kuwɔr. Ama esa nɛ e bee wu basa kuwɔr, Ebɔrɛ beeŋ wu amodoŋwura kuwɔr a chɔ loŋ.