Nehemaya 1:7 - EBƆRƐ BE KAWƆL

⁷ Anyi alɛ maŋ naŋ wora fo mbra nɛ fo ta n sa an nananyɛn Mosis fanɛ e ta n sa anyi na gba kasonu.

Nehemaya 1:7 ပူးပေါင်းရင်းမြစ်များ

1 Bewura 2:3

n wora kusɔ kama nɛ Enyɛnpe Ebɔrɛ kaŋɛ fanɛ fo wora na, nsaa bɛ mbe keŋini nɛ mbra kama nɛ an nananyɛn Mosis sibɛ n nase na so, saŋɛ na so, kusɔ kama nɛ fee wora nɛ kaplɛkama nɛ fo yɔ, asheŋ beeŋ nyalɛ n sa fo.

2 Kronikɛls 25:4

E daa maŋ mɔ bumo be mbia bre, ŋkpal manɛ so e daŋ bɛ kusɔ nɛ Enyɛnpe Ebɔrɛ kaŋɛ ashi Mosis be mbra to na so nna. E yɛ: “B sa maŋ kaŋ mɔ ekurgepo ŋkpal kulubi nɛ bumo be mbia wora so. Loŋ koŋwule nɛ a maŋ daga b ka mɔ mbia ŋkpal kulubi nɛ bumo kurgepoana wora so. Ekama nɛ e wora kulubi, mo e daga kumo be kasogberge.”

2 Kronikɛls 27:2

Kananɛ mo tuto ewura Uziya daŋ wora Enyɛnpe Ebɔrɛ be aparsheŋ na, gbagba na chap nɛ mo alɛ gba daŋ wora; ama mo ere daa maŋ wora kulubi n chɔɔ duwu bɔrɛlambu to. Basa na bre daa wɔtɔ nna a wora alubi a ti so saŋkama.

Ɛzra 7:6

Ɛzra daŋ shi Babilɔn be efuli so nna m ba Jerusalɛm. E daa la eŋinipo nɛ e daa nyi Israɛl be Ebɔrɛ na be mbra nɛ e ta m bɔla Mosis so n sa mbe basa na ga nna. Ewura na daŋ sa Ɛzra kusɔ kama nɛ e daŋ kule mo na nna ŋkpal Ebɔrɛ be nɛfa ka daa wɔ mo so so.

Nshɛ 106:6

Anyi nɛ an nanaana kikɛ wora asheŋ lubi ga.

Nshɛ 89:31

ŋko nɛ b kplaŋ ma keŋini so nsaa maŋ bɛ ma mbraana so,

Nshɛ 89:32

kumo ere meeŋ gberge bumo kusoe ŋkpal bumo be alubi so. Meeŋ shin nɛ b ji awurfoŋ ŋkpal bumo be kewora n jija so.

Aizaaya 1:4

Asheŋ maaŋ nyalɛ n sa fo efuli lubi nɛ fo basa wora alubi damta nsaa nyi fanɛ b wora n da so ere. Men kini Enyɛnpe Ebɔrɛ nɛ e la Israɛl be Ebɔrɛ cheembi na nseŋ pal kaman n sa mo.

Danɛl 9:11

Israɛlebi kikɛ kini kenu n sa fo. B maŋ bɛ fo mbra na so. Amoso nɛ fo shin nɛ nnɔsho nɛ b sibɛ n nase fo kayɛrbi Mosis be mbra be kawɔl na to na, ba anyi so na.

Danɛl 9:13

Kasogberge nɛ k dese Mosis be mbra na to na ba anyi kikɛ so. Ama amo nɛ amo kikɛ an kraa maa wora fo aparsheŋ. Kumo e la fanɛ an maŋ yige alubi be kewora, anyi alɛ maa bɛ fo kashenteŋ na so.

Hoziya 9:9

Men wora alubi alegaiso nsaa puni fanɛ basa nɛ b daa wɔ Gibia na. Ebɔrɛ yɛ e beeŋ nyiŋi bumo be alubi nseŋ gberge bumo kusoe.”

Levitikɔs 27:34

Mbraana nɛ Enyɛnpe Ebɔrɛ na yili n sa Mosis ashi Sainai be kebee na so fanɛ e ta n sa Israɛlebi na nna na.

Zefanaiya 3:7

N daa nyi fanɛ kumo be loŋ beeŋ shin nɛ ma basa e ta bunyaŋ n sa ma nseŋ sɔ kasogberge nɛ n sa bumo na nna, ama k maŋ chɛr ko nɛ b naŋ bɛta a wora alubi nɛ a chɔ amo nɛ b daa wora dra na gba.

Malakai 4:4

Men baa nyiŋi men nananyɛn ma kayɛrbi Mosis be keŋini na, nɛ mbra nɛ n ta n sa mo ashi kebeegboŋ nɛ baa tre Sainai na so fanɛ e ta n sa Israɛl be basa kikɛ nɛ b bɛ amo so na.

Ditɛronɔmi 4:1

Ade kikɛ be kaman, nɛ Mosis kaŋɛ basa na le: “Nɛ menyee wora mbraana nɛ mee ŋini menyi ere kikɛ kasonu, menyeeŋ baa wɔtɔ nseŋ tiŋ n ya chena kasawule nɛ Enyɛnpe Ebɔrɛ nɛ men nananyɛnana shuŋ na, bee ta a sa menyi na so.

Ditɛronɔmi 4:5

Mbraana nɛ Enyɛnpe, ma Ebɔrɛ na ta n sa ma na kikɛ nɛ ŋ ŋini menyi na. Men wora amo kasonu ashi kasawule nɛ menyee yɔ nɛ men ya kɔ n sɔ n chena so na so.

Ditɛronɔmi 5:1

Mosis daŋ tre Israɛl be basa na kikɛ nna m ba kaŋɛ bumo le: “Israɛlebi, men kaŋ asoe n nu mbraana nɛ mee ta a sa menyi kabre ere. Men koya amo nseŋ wora amo kasonu.

Ditɛronɔmi 6:1

“Mbraana nɛ Enyɛnpe menyi be Ebɔrɛ na ta n sa ma fanɛ ŋ ŋini menyi nna na. Men ya kaa wora amo kasonu ashi kasawule nɛ menyee dii Jɔɔdan be lɔr na a yɔ nɛ men ya sɔ n chena so na.

Kelaraŋŋini 19:2

Mo alɛ be demuji kɔ kashenteŋ nna nseŋ niŋi. E gberge sakalechegboŋ mo nɛ e ta mbe kesakaleasheŋ n jija kasawule ere na kusoe. E bishi mo kuwule ŋkpal mbe anya be ŋklaŋ so.”