Nehemaya 1:4 - EBƆRƐ BE KAWƆL

⁴ Ŋ ka nu loŋ nɛ n chena n shu nchɛ damta ŋkpal kumo so nseŋ kishi ŋ kule Ebɔrɛ ŋ kaŋɛ le:

Nehemaya 1:4 ပူးပေါင်းရင်းမြစ်များ

2 Samuɛl 12:16

Nɛ ewura Deevid kule Ebɔrɛ a fin fanɛ kebia na e nya alenfia. E daa kishi nna a kule Ebɔrɛ nsaa dese kasawule kanyɛso kikɛ.

2 Bewura 22:19

nseŋ chɛrga mbe nfɛra m bar mbe kumu kaseto ŋ kpɛa mbe asɔbuuso to kagbenejijaso a shu ŋkpal ŋ ka kaŋɛ fanɛ meeŋ gberge Jerusalɛm be basa kusoe n shin nɛ k ki kakpa nɛ basa beeŋ baa lɔ kufu keyɔ nɛ kumo be ketre malɛ e ki kɔnɔsho n sa basa so. N nu mo ere be kabɔrɛkule,

2 Kronikɛls 6:13

Sɔlɔmɔn daŋ wora danyaŋ be ketempreŋ nɛ kumo be nteŋ la ayadra ashunu nɛ bargato nɛ kumo be mparto gba la ayadra ashunu nɛ bargato nɛ kumo be jeŋgreŋ la ayadra anu nna n yili kelɔnɛ na be kowushina be nferinto. E daŋ yuu kusɔ jeŋgreŋ ere nna nseŋ gbir kumo so m maŋ mbe enɔana so esoso, kakpa nɛ ekama beeŋ baa wu mo,

Ɛzra 1:2

kusɔ nɛ Pɛshiya be ewura, Sairus, kaŋɛ nde: “Enyɛnpe Ebɔrɛ nɛ e wɔ ebɔrɛso na e ta efuliana nɛ e wɔ durnya ere kikɛ to be kuwura m buu ma, nseŋ kaŋɛ ma fanɛ n ya pɔr bɔrɛlambu n sa mo ashi Jerusalɛm nɛ k wɔ Juda be efuli so na.

Ɛzra 10:1

Anebi Ɛzra ka wɔ nɛ alubi be ketampaŋ be kabɔrɛkule to nsaa shu ŋkpal bumo be alubi damta nɛ b wora na so na, nɛ Israɛlebi be benyɛn nɛ beche nɛ mbia damta ko ba yili ŋ kulti mo ŋ wɔtɔ a shu kenishipereso.

Ɛzra 9:3

Ŋ ka nu loŋ be kubɔya na nɛ kpɛa ma piŋi to nseŋ gberge ma kumu so nɛ katɔl be emin n tia nseŋ chena kagbenejija to.

Ɛzra 9:5

Kaaseso be sarga be kelara be jemanɛ ka fo, nɛ n ta kagbenejija nɛ ma asɔ kpɛatoso na loŋ ŋ koso n ya gbir nseŋ maŋ ma enɔana so kabɔrɛkule to ŋ ŋini Enyɛnpe ma Ebɔrɛ na

Nehemaya 2:20

Nɛ n shuli ŋ kaŋɛ le: “Ebɔrɛ nɛ e wɔ ebɔrɛso na beeŋ chɛ anyi to nɛ an pɔɔ so, ŋkpal manɛ so, an la mbe nyɛrbi nna. Mo e naŋ shin nɛ an tiŋ n shuŋ kushuŋ na n loge nɛ shɛŋ maŋ wora. Amoso anyeeŋ fara Jerusalɛm be egbalana na be kepɔr. Ama menyi ere maŋ kɔ ekpa nɛ men nya kapetɛsɔ kikɛ ashi Jerusalɛm be kadegboŋ na to, ŋkpal manɛ so, menyi maŋ ti kumo be edaŋkaresheŋ so.”

Nehemaya 2:4

Ndoŋ nna nɛ wura na naŋ bishi ma: “Manɛ nɛ fee sha fanɛ n wora n sa fo?” Nɛ ŋ kule Ebɔrɛ ma kagbene to.

Nshɛ 102:15

Efuli pɔtɛana so be basa beeŋ ŋana fo, Enyɛnpe Ebɔrɛ na, be ketre na. Nɛ durnya to be bewuraana kikɛ e ta bunyaŋ gboŋ gboŋi n sa fo.

Nshɛ 136:26

Men baa di Ebɔrɛ nɛ e wɔ ebɔrɛso na epaŋ; mbe kasha nɛ k maa chɛrga na malɛ wɔtɔ nna mbaanaayɔ.

Nshɛ 137:1

An daŋ chena Babilɔn be elɔr na ase nna n nyiŋi Jerusalɛm be asheŋ nseŋ chena n shu ga.

Danɛl 10:2

Kumo be jemanɛ na so nɛ n wɔtɔ a shu keeli bɔkwe asa kikɛ.

Danɛl 2:18

Nseŋ kaŋɛ bumo fanɛ b kule Ebɔrɛ nɛ e wɔ ebɔrɛso na nɛ e wu bumo kuwɔr m bugi alemaŋkarsheŋ na to n sa bumo, saŋɛ na so b maaŋ mɔ bumo nɛ Babilɔn be besoetojipoana na.

Danɛl 9:3

Ndoŋ nna nɛ ŋ kishi nseŋ buu kagbenejijaso be asɔbuuso n chena nsunɔ to ŋ kule Ebɔrɛ kenishipereso.

Jona 1:9

Ndoŋ nna nɛ Jona kaŋɛ le: “N la Hibruw be esa nna. Enyɛnpe Ebɔrɛ nɛ e wɔ ebɔrɛso nseŋ to teku nɛ kasawule kikɛ na nɛ mee shuŋ.”

Zefanaiya 3:18

Kumo be kaman nɛ Enyɛnpe Ebɔrɛ na naŋ kaŋɛ le: ‘Meeŋ lara kagbenejija nɛ k bee kaa ba men be kejigboŋana to na ashi menyi so, ŋkpal manɛ so, k la egbɛ nɛ ŋaba nna a deŋ menyi so.

Romebi 12:15

Men baa tu bumo nɛ bumo be ŋgbene fuli a shin nɛ menyi be ŋgbene e baa fuli nsaa tu bumo nɛ baa shu malɛ a shu.