Nehemaya 1:3 - EBƆRƐ BE KAWƆL

³ Nɛ b kaŋɛ ma fanɛ basa nɛ b bɛta n yɔ Jerusalɛm na wɔ tɔrɔ nɛ awurfoŋ to nna. B yɛ Jerusalɛm be egbal na bure n tɔr nɛ kumo be mbunagboŋana na malɛ gba ji edɛ.

Nehemaya 1:3 ပူးပေါင်းရင်းမြစ်များ

1 Bewura 9:7

kumo ere meeŋ lara ma basa Israɛlebi ashi kasawule nɛ n ta n sa bumo ere so, nseŋ lar bɔrɛlambu nɛ n nɛfa ŋ kaŋɛ fanɛ meeŋ baa wɔ ndoŋ nɛ b baa bunyaŋ ma na to. Saŋɛ na so basa kikɛ beeŋ ba fɛl Israɛlebi nsaa keni bumo jiga.

2 Bewura 25:10

Kumo be kaman nɛ Nebuzaradan be benapo na da egbalana nɛ a kulti kadegboŋ na n lɛ,

2 Kronikɛls 36:19

Ewura Nebukadneeza daŋ chɔɔ bɔrɛlambu na nɛ ewura be laŋ nɛ kade na kikɛ nna nseŋ da kumo be egbal n lɛ.

Ɛzra 2:1

Basa nɛ ewura Nebukadneeza daŋ pɛ n yɔ kenyaya to ashi Babilɔn be efuli so nɛ bumo be galeŋga daŋ naŋ bɛta m ba bumo ndeana to ashi Juda be efuli so na e daa la.

Ɛzra 5:8

Yiramu, anyee sha nna nɛ fo pin fanɛ an yɔ Juda be efuli so n ya wu fanɛ basa na bee lɔŋɛ a pɔr Ebɔrɛ Ewurgboŋ na be bɔrɛlambu na. Ajembu gbɛgbɛso nɛ ndibi gbɛgbɛso nɛ b kɔ a pɔr kumo. Kenishipereso nɛ baa pɔr kumo, amoso kushuŋ na bee yɔ manaŋ manaŋ nna a sa bumo.

Nehemaya 11:3

Bekama nɛ b wɔ nde nɛ a wɔ Juda be efuli so na daŋ chena bumo gbagba be nsawule so nna ashi bumo be nde to nsaa ji bumo be amu so. Bumo e daa la Israɛlebi na be beko nɛ bɔrɛmatapoana na nɛ Livaiebi na nɛ bɔrɛlambu na to be beshumpo na nɛ ewura Sɔlɔmɔn be nyɛrbi be kaman to ebi.

Nehemaya 2:13

Kabuna nɛ k wɔ epeŋitɔrkpa nɛ baa tre kumo Ketaŋɛ be kabunagboŋ na to nɛ m bɔla to n lar n sɔ kelargato be kaseto be kaba so n ya bɔla kechubu nɛ baa tre Dragɔn na ase n ya fo kabunagboŋ nɛ baa tre Epi be kabuna na ase. Jemanɛ nɛ n dii kurma a choŋ na nɛ mee dara egbalana nɛ e bure n tɔr nɛ mbunagboŋana nɛ e daŋ chɔɔ na kikɛ.

Nehemaya 2:17

Ama ŋ ka bɛta n yɔ na nɛ n ya kaŋɛ bumo le: “Menyi alɛ gba wu tɔrɔ nɛ an wɔ kumo to ŋkpal Jerusalɛm ka bure a dese nɛ kumo be mbunagboŋana kikɛ chɔɔ n tɔr nna na! Men wora ania n shin nɛ an pɔr kadegboŋ ere be egbalana nɛ a tɔr ere, saŋɛ na so anyi maaŋ naŋ ji anishinyɔr.”

Nehemaya 2:3

Nɛ ŋ kaŋɛ mo le: “Yiramu, Ebɔrɛ e teŋi fo efute so! Ma kagbene maŋ fuli ma, ŋkpal manɛ so, kadegboŋ nɛ b puli n nanaana na bure a dese nɛ kumo be mbunagboŋana kikɛ ji edɛ.”

Nehemaya 7:6

Basa nɛ b pɛ n yɔ Babilɔn be efuli so na be galeŋga bɛta m ba Jerusalɛm nɛ Juda be efuli so nna. Ekama daŋ yɔ mbe kade to nna. Jemanɛ nɛ ewurgboŋ Nebukadneeza daŋ pɛ bumo fanɛ anya n yɔ na, bumo be nnaŋ to be basa daa wɔ kadegboŋ nɛ baa tre Babilɔn na nna.

Ɛsta 1:1

Pɛshiya be efuli so be ewura nɛ baa tre Sɛgsis na daa wɔ mbe kadegboŋ nɛ baa tre Susa na nna a ji kuwura efuli na be abonfugboŋ kalfa nɛ adunyɔ nɛ ashunu nɛ a yili Indiya be efuli so ashi epeŋilarkpa n ya fo Etopiya be efuli so ashi epeŋitɔrkpa na so.

Nshɛ 79:4

Efuliana nɛ a kulti anyi na be basa bee mushe nsaa wora anyi eyurto nna.

Aŋasa 25:28

Esa nɛ e maŋ kɔ kanyiti du nna fanɛ kade nɛ kumo egbal bure nɛ basa beeŋ tiŋ n luri kumo to ŋ kɔ kumo na.

Aizaaya 43:28

Amoso nɛ n daa maŋ shin nɛ menyi be bɔrɛmatapoana shuŋ ma ashi ma bɔrɛlambu to na. Ma alɛ e daŋ shin nɛ Israɛl be efuli mur nɛ menyi be basa ji anishinyɔr na.”

Aizaaya 5:5

Kusɔ nɛ meeŋ wora ma ndibi sɔrso be kudɔ na e la fanɛ, meeŋ lara kunji nɛ k kulti kumo na nseŋ bure egbal nɛ k bee kuŋ kumo na nna, nɛ kupuŋ to be asɔbɔya e ba ji ndibi sɔrso na nseŋ chichi amo so m mata kasawule.

Jɛremaya 24:9

Meeŋ shin nɛ jɛrbi gboŋgboŋi e ba bumo so nɛ kufugboŋ e tɔr durnya to be efuli pɔtɛana be basa so nɛ b baa chicha. Basa beeŋ baa mushe nsaa wora bumo eyurto nseŋ naa ta bumo be ketre a shoduu ashi kaplɛkama nɛ baaŋ pesaŋ to n yɔ na.

Jɛremaya 29:18

Meeŋ ta kena nɛ akoŋgboŋ nɛ alɔ m bɛ bumo so nɛ efuli pɔtɛana be basa e wu loŋ nɛ k chinchiŋ bumo n ta kufu n lɛ bumo so. Kusɔ nɛ k beeŋ nya bumo kaplɛkama nɛ meeŋ pesaŋ bumo to n yɔ na beeŋ chinchiŋ ndoŋebi n ta kufu n lɛ bumo so. Kumo be kaman basa beeŋ wora bumo eyurto nseŋ ta Juda nɛ Jerusalɛm be atre a shoduu basa.

Jɛremaya 39:8

Pɔɛŋ nɛ le ere kikɛ wora na nɛ Babilɔnebi na teŋ nya edɛ n wɔtɔ Jerusalɛm to be ewurkpa nɛ basa na be nwu kikɛ to a chɔɔ nsaa da amo be egbalana a lɛ.

Jɛremaya 42:18

Ade be kaman nɛ Enyɛnpetale, Israɛl be Ebɔrɛ na naŋ kaŋɛ le: ‘Nɛ men kaŋ kini n yɔ Ijipt, kananɛ n daŋ nya agbo ga n wɔtɔ Jerusalɛm be basa nseŋ gberge bumo kusoe na nɛ meeŋ nya agbo n wɔtɔ menyi alɛ gba nseŋ gberge menyi kusoe. Menyi be asheŋ beeŋ baa chinchiŋ basa nɛ b baa ta menyi kadegboŋ na be ketre a shoduu basa. Menyi alɛ maaŋ naŋ wu kakpa ere kenishiso kikɛ.’ ”

Jɛremaya 5:10

Meeŋ shin nɛ bedoŋ e ba ku ma basa be ndibi sɔrso n lɛ, ama b maaŋ mur ndibi sɔrso be adɔ na bre cheche. Meeŋ kaŋɛ bumo fanɛ b kpele ayabiana na n lɛ; ŋkpal manɛ so, loŋ be basa na maa sha kebaanyi ma.

Jɛremaya 52:14

Kumo be kaman nɛ Nebuzaradan be benapo na da egbalana nɛ e kulti kadegboŋ na n lɛ.

Nfabel 1:7

Jerusalɛm be basa bee nyiŋi dra na be kebaawɔtɔ lela nɛ b daa kɔ be asheŋ. Jemanɛ nɛ bumo doŋana ba kɔ m pɔɔ bumo so na, esa kikɛ daa maŋ chɛ bumo to. Ŋkpal b ka kɔ n tɔr so, bumo doŋana daŋ mushe nseŋ wora bumo eyur to nna.

Nfabel 2:9

Jerusalɛm be mbunagboŋana tɔr a pul eshishɛr to nɛ ndibi nɛ baa ta a ber amo so na kikɛ buri to burburbi a dese. Ewura nɛ bewurbi nɛ b daa wɔ ndoŋ na kikɛ ki anya efuli wɔfɔ so nna. Bɔrɛmatapoana na maŋ naa ŋini mbraana na, anebiana na malɛ maŋ naa nu kubɔya kikɛ ashi Enyɛnpe Ebɔrɛ kutɔ.

Nfabel 3:61

“O Enyɛnpe Ebɔrɛ, fo nu katege nɛ baa tege ma; fo alɛ naa nyi bumo be ŋkre lubi kikɛ.

Nfabel 5:1

Ndoŋ nna nɛ Jerusalɛm to be basa kule Ebɔrɛ ŋ kaŋɛ: “O Enyɛnpe Ebɔrɛ, nyiŋi kusɔ nɛ k wora anyi ere. To kenishi ŋ keni ŋaba nɛ an wɔ kumo to.

Levitikɔs 26:31

Meeŋ shin nɛ menyi be ndegboŋana e ki alambure nɛ m mur mboŋ nɛ menyee shuŋ agbirana na. Menyi be esarga be efɛa maaŋ naa par ma.

Levitikɔs 26:33

Meeŋ bar kena menyi so n shin nɛ men pesaŋ to n yɔ efuli pɔtɛana so. Menyi be kasawule beeŋ dese fuloŋ nɛ menyi be ndegboŋ a ki alambure.