Nehemaya 1:11 - EBƆRƐ BE KAWƆL

¹¹ O Enyɛnpe Ebɔrɛ, nu ma nɛ fo nyɛrbi nɛ b kɔ kasha n sa fo nsaa ŋana fo ketre na be kabɔrɛkule. Chɛ ma to nɛ n nya kusɔ nɛ mee tama kabre ere nseŋ shin nɛ ewura malɛ gba e wu ma kuwɔr.” Loŋ be jemanɛ nɛ ma e daa duga ewurgboŋ Atazɛzɛs be yabra a sa mo nɛ e bee nuu.

Nehemaya 1:11 ပူးပေါင်းရင်းမြစ်များ

Jɛnesis 24:42

Ma alɛ ka ba menyi be ketirbu na ase kabre, le nɛ ŋ kule: ‘O Enyɛnpe, n nyɛnpe Eebraham be Ebɔrɛ, nɛ k par fo, fo shin nɛ n nya kumulela ashi ma enite ere to.

Jɛnesis 32:11

Amoso mee kule fo nna fanɛ fo mɔlga ma ashi n da Isɔɔ be enɔ to, ŋkpal manɛ so, mee lɔ kufu nna fanɛ e bee ba nna nɛ e ba kɔ ma nɛ ma beche nɛ mbia kena.

Jɛnesis 32:28

Ndoŋ nna nɛ kanyɛn na kaŋɛ Jeekɔb le: “Yili kabre mbaanaayɔ fo ketre maaŋ naŋ ji Jeekɔb, k ki Israɛl, ŋkpal fo nɛ Ebɔrɛ nɛ edimɛdi ka kɔ nɛ fo pɔɔ so so.”

Jɛnesis 40:1

Asheŋ ere be kaman be kachako nɛ esa nɛ e bee sa Ijipt be ewura Fɛɛro asɔnuuso nɛ e bee nuu nɛ mbe bodobodo worapo nimuso wora n da bumo nyɛnpe Ijipt be Ewura so.

Jɛnesis 40:2

Ndoŋ nna nɛ Fɛɛro nya agbo n wɔtɔ mbe asɔnuuso kenipo nimuso nɛ mbe bodobodo worapo nimuso na.

Jɛnesis 40:21

E ka lara bumo na nɛ e bɛta asɔnuuso kenipo nimuso na n yili mbe eyilikpa, saŋɛ na so e beeŋ naa ta mo ere Fɛɛro be kusɔnuuasɔ na nɛ kumo be asɔ a sa mo.

Jɛnesis 40:23

Asheŋ nɛ a wora ere kikɛ be kaman, Fɛɛro be asɔnuuso kenipo nimuso na daŋ maŋ naŋ nyiŋi Josɛf be asheŋ, e daŋ teŋ mo so nna.

Jɛnesis 41:9

Kede be kaman nɛ Fɛɛro be asɔnuuso kenipo nimuso na kaŋɛ mo le: “Kabre nɛ n nyiŋi ŋ ka wora kusɔ ko n da so.

Jɛnesis 43:14

Enyɛnpetale Ebɔrɛ na malɛ e ya shin nɛ kanyɛn na e wu menyi kuwɔr n shin nɛ men da nɛ e ka ndoŋ na nɛ Bɛnjamin e tu menyi m ba. Nɛ k ba fanɛ meeŋ paŋ ma mbia gba nna meeŋ paŋ bumo nna.”

2 Kronikɛls 6:40

O Ebɔrɛ, keni anyi so nseŋ nu anyi be kabɔrɛkule nɛ anyee kule nfe ere.

Ɛzra 1:1

Sairus ka ji Pɛshiya be kuwura be kafɛ juŋkparso to nɛ Enyɛnpe Ebɔrɛ na shin nɛ mbe kamalga nɛ e bɔla anebi Jɛremaya so m malga n nase na bɔlɔ so. E daŋ shin nna nɛ Pɛshiya be ewura Sairus sa ebɔl fanɛ b sibɛ n sa efuli na so ebi kikɛ ŋ kaŋɛ bumo fanɛ

Ɛzra 7:6

Ɛzra daŋ shi Babilɔn be efuli so nna m ba Jerusalɛm. E daa la eŋinipo nɛ e daa nyi Israɛl be Ebɔrɛ na be mbra nɛ e ta m bɔla Mosis so n sa mbe basa na ga nna. Ewura na daŋ sa Ɛzra kusɔ kama nɛ e daŋ kule mo na nna ŋkpal Ebɔrɛ be nɛfa ka daa wɔ mo so so.

Nehemaya 1:6

Enyɛnpe Ebɔrɛ, keni ma so nseŋ nu ma kekule ŋkpal kananɛ mee kule fo kapa nɛ kanyɛ ere a sa fo nyɛrbi Israɛlebi na so. N shuli fanɛ anyi Israɛlebi nɛ an nanaana kikɛ wora alubi ŋ gbiti fo.

Nehemaya 2:1

Juwebi be kufɔl nɛ baa tre Nisan na to nɛ ewurgboŋ Atazɛzɛs ka ji kuwura be kafɛ adunyɔ na to nɛ n ta yabra nɛ n ya sa mo. Mo alɛ daŋ maŋ naŋ wu ma anishiakpa ka chɛrga n duli esa nɛ mbe kagbenejija mo kikɛ.

Nehemaya 2:8

Ma alɛ daa beeŋ baa sha kawɔl nɛ meeŋ ta n ya sa kanyɛn nɛ baa tre Asaf nɛ e bee keni ewura be kupo so na, saŋɛ na so Asaf beeŋ sa ma ekpa nɛ ŋ ku ndibi be kupo na to n lɔŋɛ mbuna n wɔtɔ ebu lempo jeŋgreŋ nɛ a yil m mata bɔrɛlambu na nɛ kadegboŋ na gba to be egbalana na nɛ laŋ nɛ ŋ gbagba beeŋ ya kaa wɔtɔ to na. Ebɔrɛ ka daa wɔ ŋ kutɔ so, ewura na daŋ shuli nna n sa ma kusɔ kama nɛ n daŋ kule mo.

Nshɛ 106:46

E daŋ shin nɛ bumo doŋana shu bumo so nna.

Nshɛ 130:2

Nu ma kekule, nseŋ wu ma kuwɔr n chɛ ma to!

Nshɛ 61:5

Enyɛnpe Ebɔrɛ, fo nu ma kɔnɔ naseso na nseŋ nɛfa ma fanɛ kananɛ fo nɛfa bumo nɛ baa bunyaŋ fo na.

Nshɛ 86:6

O Enyɛnpe Ebɔrɛ, kaŋ kusoe n nu ma kabɔrɛkule, nseŋ wu ma kuwɔr n chɛ ma to.

Aŋasa 1:29

Fo yɛ kenyi maŋ la shɛŋ nseŋ kini kewora Enyɛnpe Ebɔrɛ kasonu.

Aŋasa 21:1

Enyɛnpe Ebɔrɛ e naa ŋini Ewura be kagbene ekpa, fanɛ nchu be kubɔr na.

Jɛremaya 42:12

Ŋkpal ŋ ka bee wu kuwɔr so, meeŋ shin nɛ e wu menyi kuwɔr nseŋ shin nɛ men bɛta n yɔ epe. Ma, Enyɛnpe Ebɔrɛ e kaŋɛ na.’

Malakai 3:16

Ndoŋ nna nɛ bekama nɛ baa ŋana Enyɛnpe Ebɔrɛ na bee malga kumo be asheŋ nɛ Enyɛnpe na nu kusɔ nɛ b kaŋɛ na kikɛ nseŋ shin nɛ b sibɛ bumo nɛ baa ŋana mo nsaa sa mo bunyaŋ na be atre n wɔtɔ kawɔl to n nase kanyiŋi so.

Hibruwebi 13:18

Men baa kule Ebɔrɛ a sa anyi. An baa nyi geeŋ fanɛ anyi be nfɛra ka niŋi, anyi alɛ be kasha e la fanɛ, saŋkikɛ an baa wora asɔ nɛ a bɔla ekpa.