Nehemaya 1:1 - EBƆRƐ BE KAWƆL

¹ Ma e la Nehemaya Hakalia pibinyɛn. Asheŋ nɛ n wora nɛ amo nɛ m malga nɛ n sibɛ n wɔtɔ kawɔl ere to na. Ewurgboŋ Atazɛzɛs ka ji kuwura Pɛshiya be efuli so be kafɛ adunyɔ to nɛ ma, Nehemaya daa wɔ kadegboŋ lempo nɛ baa tre Susa nɛ k la efuli na be kadegboŋ na to nna. Juwebi be kufɔl nɛ baa tre Kislɛv na to e daa la.

Nehemaya 1:1 ပူးပေါင်းရင်းမြစ်များ

Ɛzra 10:9

Nchɛ nsa na ka fo, kumo e la fanɛ, kufɔl kpanusopo na be kachɛ kudu anyɔsopo na nɛ Juda nɛ Bɛnjamin be efuliana so ebi kikɛ ba shɛr bɔrɛlambu na ase. Ŋkpal nshɛr na ka la kenishipere n sa bumo so b daŋ kplaŋ bɔrɛ so nna nɛ gboŋgboŋi ko bri bumo hale nɛ baa gbugbo.

Ɛzra 7:7

Ewurgboŋ Atazɛzɛs ka ji kuwura be kafɛ shunusopo to nɛ Israɛlebi na nɛ bɔrɛmatapoana na nɛ Livaiebi na nɛ nshɛbompoana na nɛ mbunagboŋ kenipoana na nɛ bɔrɛlambu to be beshumpo na kikɛ shi Babilɔn be efuli so m bɛta m ba Jerusalɛm to.

Nehemaya 10:1

Basa nɛ b daŋ yisi enɔ nɛ ŋkre na yili e la Hakalia pibinyɛn Nehemaya nɛ e la gomena na nɛ Zɛdikaya nɛ bɔrɛmatapoana

Nehemaya 2:1

Juwebi be kufɔl nɛ baa tre Nisan na to nɛ ewurgboŋ Atazɛzɛs ka ji kuwura be kafɛ adunyɔ na to nɛ n ta yabra nɛ n ya sa mo. Mo alɛ daŋ maŋ naŋ wu ma anishiakpa ka chɛrga n duli esa nɛ mbe kagbenejija mo kikɛ.

Nehemaya 5:14

Atazɛzɛs ka ji kuwura be nfɛ adunyɔ n ya fo nfɛ adesa nɛ anyɔsopo to nɛ ma e la Juda be efuli so be gomena. Nfɛ kuduanyɔ nɛ n la gomena na kikɛ, ma ŋko ŋkurgepoana maŋ sɔ ajibi nɛ a daga ma fanɛ gomena na.

Ɛsta 3:15

Ewura Sɛgsis e daŋ shin nɛ b yili jimaŋ to n wora mbra na manaŋ manaŋ ashi Susa be kade to. Ewura na nɛ Heman daŋ chena nna a nuu nsa, nɛ Susa be kade to ebi malɛ be nfɛra bee baga bumo to ŋkpal mbra na so.

Danɛl 8:2

Ma bɔrɛdare na to nɛ n wu ŋ ka yɔ kade ko nɛ b pɔr egbal ŋ kulti nɛ baa tre kumo Susa nɛ k wɔ Ilam be efuli so na, n ya yili nchu be kubɔr nɛ b kur nɛ k du fanɛ kabombi nɛ baa tre kumo Ulai na ase.

Zakareya 7:1

Ewurgboŋ Dariɔs ka ji Pɛshiya be efuli so be kuwura be kafɛ nasopo to be kufɔl kpanusopo nɛ baa tre Keslɛv na be kachɛ nasopo to nɛ Enyɛnpe Ebɔrɛ na ta kubɔya n sa ma, Zakareya.