Nahum 3:3 - EBƆRƐ BE KAWƆL

³ Egbaŋɛdiipo beeŋ nyaŋɛto a fili etokobi nɛ akpa to nɛ a baa nyɛkpɛ kaplɛkama. Basa damta beeŋ wu m biti abar so nɛ esa maaŋ tiŋ ŋ karga basa wuso na. Basa beeŋ baa fiti bubuni na a tɔr!

Nahum 3:3 ပူးပေါင်းရင်းမြစ်များ

Jɛnesis 3:24

Ebɔrɛ ka ju Adam nɛ mbe eche ashi kudɔbi na to n loge nɛ e shin nɛ emalaika nɛ baa tre chɛrubim na ba kudɔbi na be epeŋipetekpa m baa kaa keni kumo so, nɛ tokobi nɛ k bee suse edɛ bee filito a yɔ a ba, saŋɛ na so ekama maaŋ tiŋ n yɔ kedibi nɛ k bee sa ŋkpa na ase.

2 Bewura 19:35

Ade be kaman nɛ Enyɛnpe Ebɔrɛ na shin nɛ mbe malaika yɔ Asiriya be basa be keeyi to kanyɛso n ya mɔ benapo ŋgboŋ kalfa nɛ aduburwa nɛ anu. Kare ka chɛ kachipurdidi nɛ bumo kikɛ wu a dese!

Aizaaya 34:3

Baaŋ wu n dese m bɛa a dufɛ nɛ bumo be ŋklaŋ malɛ e shile abee so ŋ gbelge to fanɛ nchu na.

Aizaaya 37:36

Ade kikɛ be kaman nɛ Enyɛnpe Ebɔrɛ na shin nɛ mbe malaika yɔ Asiriya be basa be keeyi to n ya mɔ benapo ŋgboŋ kalfa nɛ aduburwa nɛ anu. Kare ka chɛ kachipurdidi, nɛ bumo kikɛ wu a dese!

Aizaaya 66:16

Edɛ nɛ tokobi nɛ Enyɛnpe Ebɔrɛ na kɔ ba nɛ e ba ji durnya to be basa kikɛ demu nɛ basa damta nɛ baaŋ ji n tɔr na e wu.

Ezikɛl 39:4

Kumo be kaman nɛ Gɔg nɛ mbe benapo nɛ mbe bechɛtopo kikɛ e tɔr n wu ashi Israɛl be abee so nɛ n shin nɛ b ki kusɔ jiso n sa mbuibi nɛ kupuŋ to be asɔbɔya.

Levitikɔs 26:37

Menyeeŋ fiti abar n lar n tɔr jemanɛ nɛ esa kama maŋ ju a buu menyi so. Menyi maaŋ naŋ tiŋ ŋ kɔ edoŋ kikɛ.

Nahum 2:4

Bumo be egbaŋɛturko bee nyɛkpɛ so nna fanɛ edɛ be adondulombi na. Nsaa ji ŋjɔŋ agbembi so, a shile a yɔ a ba ashi kadegboŋ na be alɔnɛ so. A bee nyɛkpɛ so nna fanɛ mbulpi ŋko bɔrɛ ka nyɛkpɛ na.

Habakuk 3:11

Jemanɛ nɛ fo atanyembi nɛ akpaana bee kpa edɛ a firgi a choŋ na, nɛ epeŋi nɛ kufɔl malɛ daa yil diim awɔlto.