Nahum 3:15 - EBƆRƐ BE KAWƆL

¹⁵ Kanaŋkama nɛ men wora, edɛ e naŋ chɔɔ menyi m mɔ ŋko kena to nɛ menyeeŋ wu. Baaŋ mur menyi fanɛ kananɛ elotɔr bee ji asɔduu a mur na. Men salga fanɛ alonte ŋko elotɔr nna!

Nahum 3:15 ပူးပေါင်းရင်းမြစ်များ

Aizaaya 66:15

Keni, Enyɛnpe Ebɔrɛ na kɔ edɛ nna a ba. E beeŋ ta mbe gbaŋɛturko nɛ k bee kpa edɛ na m bɔla kawuliwuli so m ba. E nya agbo nna ga a ba nɛ e ba ta edɛ ŋ gberge mo doŋana kusoe.

Aizaaya 66:16

Edɛ nɛ tokobi nɛ Enyɛnpe Ebɔrɛ na kɔ ba nɛ e ba ji durnya to be basa kikɛ demu nɛ basa damta nɛ baaŋ ji n tɔr na e wu.

Jɛremaya 51:14

Enyɛnpetale Ebɔrɛ na daŋ ta mbe ŋkpa nna m bɔ ntaŋ fanɛ e beeŋ bar bedoŋ be benapo damta fanɛ elotɔr nɛ b ba kɔ Babilɔn be efuli so be basa kena m pɔɔ bumo so. Kumo be kaman nɛ b boŋ kekɔmpɔɔso be nshɛ.

Jowɛl 1:4

Elotɔr be ntuŋgboŋ nɛ ntuŋwurbi bɛ m bɛ abar so m ba ji adɔjibi kikɛ nyam.

Jowɛl 2:25

Meeŋ bɛta asɔ kama nɛ benapo nɛ b du fanɛ elotɔr damta na daŋ jija na kikɛ n sa menyi. Ma Enyɛnpe Ebɔrɛ na e daŋ shuŋi elotɔr na.

Eemɔs 7:1

Enyɛnpetale e daŋ lara bɔrɛdare ere ŋ ŋini ma nseŋ kaŋɛ fanɛ e beeŋ shin nɛ elotɔr damta e ba ji menyi be adɔjibi. E yɛ saŋɛ nɛ menyee ta menyi be ayu be kachige n sa ewura na nɛ saŋɛ nɛ baa shin nɛ b teŋi ayu nɛ a ka na nɛ loŋ a wora.

Nahum 2:13

Nɛ Enyɛnpetale Ebɔrɛ na kaŋɛ: “Ninɛveebi, men ki ma doŋana nna na, meeŋ chɔɔ menyi be egbaŋɛturko nseŋ shin nɛ b mɔ menyi be benapo kena to. Ma alɛ beeŋ naŋ shin nɛ b sɔ asɔ nɛ men suge beko kutɔ na, ekama malɛ maaŋ tuge menyi be mbɔ kikɛ.”

Nahum 3:13

Fo benapo du fanɛ beche nna nɛ shɛŋ malɛ maa kuŋ fo kasawule na ashi fo doŋana be enɔ to. Edɛ beeŋ chɔɔ ndibi nɛ baa ta a ber fo mbunagboŋ so na.

Zefanaiya 2:13

Enyɛnpe Ebɔrɛ na beeŋ ta mbe eleŋgboŋ m mur Asiriya be efuli nseŋ shin nɛ kadegboŋ nɛ baa tre Ninɛve na e bure n dese fanɛ keshishɛrsawule nɛ k maŋ kɔ nchu na.