Nahum 3:11 - EBƆRƐ BE KAWƆL

¹¹ Ninɛve, fo alɛ gba beeŋ nuu nsa m boo m baŋ so nseŋ shile fo doŋana so n ya ŋana m mɔlga fo kumu.

Nahum 3:11 ပူးပေါင်းရင်းမြစ်များ

Nshɛ 75:8

K du fanɛ Enyɛnpe Ebɔrɛ na ka kɔ kawiebi mbe enɔ to nna, nɛ mbe agbo du fanɛ yabra kpakpaso a wɔ kawiebi na to. E bee duga mbe agbo na nna a sa durnya to be amukpakpasowuraana, nɛ baa chise amo kikɛ nyam a nuu.

Aizaaya 2:10

Bumo kikɛ beeŋ shile n ya ŋana abeelaŋ to ŋko n ya kur kasawule n luri to a fin keshile ŋ ŋana Enyɛnpe Ebɔrɛ na be agbo nɛ mbe eleŋgboŋ nɛ kemaŋkura so.

Aizaaya 2:19

Jemanɛ nɛ Enyɛnpe Ebɔrɛ na beeŋ shin nɛ durnya e gbuŋgbuŋ na, basa beeŋ shile n ya ŋana abeelaŋ to, ŋko n ya kur kasawule n luri to ŋ ŋana, a fin keshile ŋ ŋana Enyɛnpe Ebɔrɛ na be agbo nɛ mbe eleŋgboŋ nɛ kemaŋkura so.

Aizaaya 29:9

Asheŋ beeŋ chinchiŋ menyi anebiana na nseŋ mɔ menyi kɔnɔ! Menyeeŋ buu anishi so fanɛ etanpo a wɔtɔ! Menyeeŋ boo a jante nɛ menyi maŋ nuu nsa!

Aizaaya 49:26

Mo alɛ beeŋ shin nɛ bumo nɛ baa mɛaŋ menyi na gbagba e mɔ abar nsaa wora asheŋ fanɛ b ka boo na. Saŋɛ na so ekama beeŋ pin fanɛ Enyɛnpe Ebɔrɛ na e la anyi be emɔlgapo. Bumo alɛ beeŋ naŋ pin fanɛ Israɛl be Ebɔrɛ lempo na e kɔ n sɔ mbe basa n yige.”

Aizaaya 63:6

Agbo so nɛ n daŋ chichi efuli pɔtɛana na so m mata kasawule nseŋ farnyaŋ bumo to n lɛ nɛ bumo be ŋklaŋ lar n wurge kasawule.”

Jɛremaya 4:5

Men foŋ kabel ashi kasawule na kikɛ so! Men ponte awɔrso nɛ k baa nu to nɛnɛ! Men kaŋɛ Juda nɛ Jerusalɛm be basa fanɛ b shile n yɔ ndegboŋ nɛ b pɔr egbal ŋ kulti amo na to.

Jɛremaya 51:57

Ma, Enyɛnpetale Ebɔrɛ nɛ n la Ewura kashenteŋto na, bee nase kɔnɔ fanɛ meeŋ shin nɛ Babilɔn be benimuana nɛ benyiashempo nɛ bejuŋkparpo nɛ benapo kikɛ e boo, nseŋ dese n di a maaŋ naaŋ tiŋ ŋ koso kikɛ.

Jɛremaya 8:14

Kede ba kama nɛ Ebɔrɛ be basa na kaŋɛ le: “Manɛ nna nɛ an chena shruum loŋ? Men shin nɛ an shile n yɔ ndegboŋ nɛ b pɔr egbalana ŋ kulti amo na to n ya wu n dese ndoŋ. Enyɛnpe anyi be Ebɔrɛ na teŋ n yili kumo fanɛ anyeeŋ wu. Mo alɛ teŋ n sa anyi kɔrtɔ fanɛ an nu n wu, ŋkpal an ka wora alubi n da mo so so.

Hoziya 10:8

Avɛn be kebee be esoso be kakpa nɛ Israɛl be basa bee shuŋ agbir na kikɛ beeŋ mur, nɛ ewi nɛ afeelebi a kɔr n daŋ m buu bumo be ebɔrɛsureana na so. Ndoŋ nna nɛ b kaŋɛ le: “Abeegboŋ, men ta anyi ŋ ŋana! Abeebi, men bure m buu anyi so!”

Eemɔs 9:3

Hale b ŋana kebeegboŋ nɛ baa tre Kamɛl na be esoso gba, meeŋ fin bumo nseŋ pɛ bumo. Nɛ b ŋana tekugboŋ na be kaseto gba, meeŋ shin nɛ ebontojewu e duŋ bumo.

Maika 7:17

Kumo be kaman nɛ b dese kasawule a gbeye fanɛ awɔ nsaa chicha kufuso a lar mboŋ lempoana nɛ b daa wɔtɔ to na. Bumo alɛ beeŋ kilgi kufuso m bɛta m ba Enyɛnpe Ebɔrɛ na kutɔ.

Nahum 1:10

Baaŋ baa du fanɛ besanuupo nɛ b nuu nsa ga nɛ a pɔɔ bumo so nna; ŋko ajinjɛ nɛ atuweklaŋ nɛ a mel abar to nɛ edɛ chɔɔ amo m mur na nna.

Nahum 2:1

Ninɛveebi, kena bee ba menyi so! Eleŋ nɛ k beeŋ pesaŋ menyi to na teŋ fo m ba. Men baa kuŋ menyi be mboŋ lempoana na, nsaa de menyi be agbembi so nɛnɛ. Men bela ase nɛnɛ a jo kena be kekɔ!

Luuk 23:30

Saŋɛ na so baaŋ fara a kule abeegboŋ nɛ abeebi fanɛ a ka la enyiŋgbasa na ŋ kaŋɛ abeegboŋ le: ‘Men tɔr anyi so’, nseŋ kaŋɛ abeebi malɛ: ‘Men buu anyi so.’

1 Samuɛl 13:6

Ndoŋ nɛ b yili ŋ kre kena m ba kɔ Israɛlebi na n shin nɛ ebɔl lar bumo. Nɛ Israɛl be benapo ko shile n ya ŋana abeelaŋ to nɛ beko malɛ ya ŋana amaŋ to nɛ abee to nɛ ajanmaŋ to nɛ atirbu nɛ a maŋ kɔ nchu to;

1 Samuɛl 14:11

Ndoŋ nna nɛ b shin nɛ Filistiebi na wu bumo nseŋ kaŋɛ le: “Men keni Israɛlebi na ka lar amaŋ nɛ b daŋ ŋana amo to na a ba.”