Nahum 3:10 - EBƆRƐ BE KAWƆL

¹⁰ Ama bedoŋ daŋ ba kɔ Tebes nseŋ pɛ kumo be basa n yɔ efuli pɔtɛ so. B daŋ mɔ bumo be mbia nna n nase agbembi so be kukɔlɔ kama so. B daŋ to beri nna m barga bumo be benimugboŋ nɛ b ta ŋgbɛlɛbi ŋ kre na to n sa abar.

Nahum 3:10 ပူးပေါင်းရင်းမြစ်များ

2 Bewura 8:12

Nɛ Haziɛl bishi mo: “Manɛ nna nɛ fee shu n nyɛnpe?” Nɛ Elaisha kaŋɛ: “Ŋkpal ŋ ka wu asheŋ lubi nɛ feeŋ wora Israɛlebi so. Feeŋ chɔɔ bumo be kumɔlga be mboŋ lempo nseŋ mɔ bumo be mbrantiɛ, m bure bumo be mbi popɔrbi be amu to nseŋ baŋɛ bumo be bedampoche be epunana to.”

Job be kawɔl 6:27

Menyi ere beeŋ tiŋ m barga amunibi to n sa abar ŋko n fa men nekpaana gba n nya amansherbi!

Nshɛ 137:8

Babilɔnebi, menyeeŋ mur cheche! Ebɔrɛ e nɛfa basa nɛ baaŋ ka menyi kusɔ nɛ men wora anyi ere be kukɔ.

Nshɛ 137:9

Mo e naŋ nɛfa bekama nɛ baaŋ pɛ menyi be mbiwurbi ŋ ŋmɛa afalta so m mɔ!.”

Nshɛ 149:8

nseŋ naa kpaŋ mo jemanɛ nɛ baŋ pɛ efuli pɔtɛana na be bewuraana nɛ bumo be benimuana nseŋ wɔtɔ bumo ŋgbɛlɛbiana na.

Aizaaya 13:16

Basa beeŋ baa yil a keni nɛ bedoŋ a pɛ bumo be mbia n ta bumo ŋ ŋmɛa afalta so m mɔ nseŋ luri bumo be elaŋana to n ta bumo be asɔ eleŋ so nseŋ pur bumo be beche gba n ti so.”

Aizaaya 13:6

Men baa boŋ to a shu awɔrso! Ŋkpal manɛ so, Enyɛnpe Ebɔrɛ na be demuji be kachɛ na taga to. K la kachɛ nɛ Enyɛnpetale Ebɔrɛ na beeŋ shin nɛ basa e mur nna.

Aizaaya 19:4

Ma alɛ kraa beeŋ shin nɛ ewura nɛ e maa wu kuwɔr nsaa kute a wɔtɔ basa ebesa to na e ji kuwura bumo so. Ma, Enyɛnpetale Ebɔrɛ na e kaŋɛ na.”

Aizaaya 20:4

Asiriya be ewurgboŋ na beeŋ delge basa nɛ e beeŋ pɛ kena to ashi efuli anyɔ na so n shin nɛ b nite aya fuloŋ n yɔ kenyaya to. Mbifɔlbi nɛ benimu kikɛ nɛ e beeŋ delge so n shin nɛ bumo be aperbi e baa dese, nɛ Ijiptebi e ŋaba.

Nfabel 2:19

Men koso n shu kanyɛ lelemu kikɛ ŋ ŋini Enyɛnpe Ebɔrɛ na nseŋ bugi ŋgbene ŋ kule mo nɛ e wu menyi be mbia nɛ akoŋ bee mɔ agbembi so be akɔlɔbi to kikɛ na kuwɔr!

Nfabel 4:1

Anyi be shuwa nɛ k bee nyɛkpɛ ga na kreŋ so nɛ ajembu nɛ b ta m pɔr bɔrɛlambu na pesaŋ to a dese agbembi so.

Ezikɛl 29:7

B ka yirgi menyi so nɛ men bu n da bumo be aba to m bɔl n shin nɛ bumo be ketetowibi shege ŋko ŋ kpekpel.

Hoziya 13:16

A daga fanɛ Samɛriaebi ka nya kasogberge ŋkpal b ka kini k nu n sa ma so. Kumo be basa beeŋ wu kena to nɛ b ta bumo be mbi popɔrbi malɛ ŋ ŋmɛa kasawule m mɔ, nseŋ baŋɛ bumo be bedampoche malɛ to.”

Jowɛl 3:3

B daŋ to beri nna n fin bumo nɛ baaŋ ta Israɛlebi be basa nɛ b pɛ kena to na ŋ ki anya. B daŋ fa n fa bumo be mbinyɛnsobi nɛ mbichesobi fanɛ anya nseŋ ta loŋ be amansherbi na a sha esakaleche ŋko a nuu nsa.

Eemɔs 1:13

Enyɛnpe Ebɔrɛ yɛ: “Ammɔn be basa wora alubi n ya baŋ so. Amoso abaanaaworashɛŋ meeŋ gberge bumo kusoe. M maaŋ yige bumo kikɛ. B ka daa kɔ a fin kasawule na, b daŋ baŋɛ bedampoche nɛ b daa wɔ Giliad na be epunana to nna.

Obadaya 1:11

Kachɛ nɛ bedoŋ nɛ b la befɔ daŋ ba bɔla Jeekɔb be kanaŋ to ebi be mbuna to n luri Jerusalɛm to m muu bumo be asɔ kikɛ nseŋ to beri m barga amo to n sa abar na men daa yil jiga a keni bumo. Amoso menyi alɛ gba daa du fanɛ bedoŋ na nna na.