Nahum 2:9 - EBƆRƐ BE KAWƆL

⁹ Nɛ bedoŋ be benapo na bee ponte a kaŋɛ: “Men baa muu eshuwa nɛ egbiti na! Ŋkpal manɛ so, kadegboŋ na to kɔ asɔ lela ga!”

Nahum 2:9 ပူးပေါင်းရင်းမြစ်များ

2 Kronikɛls 36:10

Dɔchubɔrɛ be jemanɛ ka fo nɛ ewura Nebukadneeza pɛ Jehowachin nseŋ ta bɔrɛlambu na to be asɔ lela n ti mo so n yɔ Babilɔn nseŋ ta Jehowachin mo wɔpa Zɛdikaya ŋ ki Jerusalɛm be ewura.

Aizaaya 33:1

Asheŋ maaŋ nyalɛ n sa an doŋana! B suge anyi be asɔ nseŋ naŋ debɔr anyi, ama esa kama maŋ naŋ suge bumo ere be asɔ ŋko debɔr bumo. Bumo be kasuge nɛ kedebɔr be jemanɛ beeŋ fo ekar nɛ beko malɛ e suge bumo be asɔ nseŋ debɔr bumo.

Aizaaya 33:4

Saŋɛ na so anyeeŋ mel abar so fanɛ elotɔr n fuu bumo be asɔ n shile.

Jɛremaya 25:34

Enyɛnpe Ebɔrɛ na be basa du fanɛ mbe mbolpɔ nna nɛ menyi bejuŋkparpoana na malɛ du fanɛ mbolpɔkpapoana. Ama naniere saŋɛ fo nɛ b mɔ menyi fanɛ ekpakpa, amoso men baa shu awɔrso nsaa dese shishɛr to a melti. Ŋkpal manɛ so, baaŋ kpla menyi to fanɛ kapuya ka bure to a dese na.

Jɛremaya 46:5

Nɛ Enyɛnpe Ebɔrɛ na bishi le: “Manɛ nɛ mee wu ere? Kufugboŋ e tɔr bumo so nɛ b bɛta a shile. Bedoŋ pɔɔ bumo be benapo so nna nɛ b bɛta n ta kufu a shile bumo be eshile kikɛ nsaa maŋ naa gbɛ a keni kaman gba.

Jɛremaya 51:56

Bedoŋ na beeŋ ba kɔ Babilɔn be basa m mur bumo. Bedoŋ na beeŋ pɛ Babilɔnebi be benapo anya, nseŋ buri m buri bumo be akɔsɔ kikɛ to. Ŋkpal manɛ so, n la Ebɔrɛ nɛ mee gberge efuliana kusoe nna ŋkpal alubi nɛ b wora so.

Ezikɛl 26:12

Ade kikɛ be kaman, baaŋ suge menyi be kedama nɛ menyi be asɔ faso. Bumo alɛ beeŋ bure menyi be egbalana nɛ menyi be nwu lela kikɛ nseŋ gbare ajembu na nɛ ndibi na nɛ eshishɛr na n ya lɛ teku to.

Danɛl 11:8

E beeŋ ta bumo be agbirana nɛ asɔ lela nɛ b ta shuwa nɛ gbiti n lɔŋɛ na kikɛ n yɔ Ijipt be kasawule so. Kede be kaman, baaŋ chena kagbenewushi so nfɛ damta pɔɛŋ,

Nahum 3:17

Menyi be bekumpo nɛ ekrachi kikɛ du fanɛ elotɔr nɛ a mel abar so egbal so awo be kachɛ nna. Ama epeŋi baŋ lar, nɛ b firgi n choŋ. Esa kikɛ malɛ maa pin kakpa nɛ e bee firgi a yɔ.

Kelaraŋŋini 18:12

B nyi esa kikɛ ka maaŋ naŋ tɔ bumo be eshuwa nɛ egbiti nɛ ajembubi lela nɛ amo be yawu du kpakpa na nɛ abitasɔ nɛ ewajɛ fuful lela nɛ jilmaso be ewajɛ peper kpaw nɛ ago be ewajɛ nɛ ewajɛ peper kunɔkunɔ nɛ ndibi be nnaŋ to nɛ amo be efɛa wɔ ebel nɛ asɔ nɛ b ta ejebotenyi n lɔŋɛ nɛ asɔwurbi kikɛ nɛ b ta yawu kpakpaso be ndibi ŋko ntishaŋ peper ŋko abɛlsoana ŋko awarabi lelaana n lɔŋɛ.

Kelaraŋŋini 18:16

Baaŋ boŋ to ŋ kaŋɛ le: “O kadegboŋ, asheŋ nya fo, asheŋ nya fo, fo nɛ fo daa buu asɔ fuful lela nɛ jilmaso be ewajɛ peper kpaw nɛ ewajɛ peper kunɔkunɔ nseŋ daŋ ta eshuwa nɛ ajembubi lela nɛ amo be yawu du kpakpa na nɛ abitasɔ a mea fo eyur kikɛ so na, ama keni, awa koŋwule to nɛ loŋ be dama damta na kikɛ mur na.”