Nahum 2:3 - EBƆRƐ BE KAWƆL

³ Ninɛveebi, bedoŋ be benapo keta abɛlso be asɔkuŋso peper nna, nseŋ buu asɔbuuso peper. Baa bela ase nɛ b ba kɔ kena nna! Bumo be egbaŋɛturko bee nyɛkpɛ fanɛ edɛ, ŋko fanɛ bɔrɛ ka nyɛkpɛ na nna, amo alɛ nsaa shile kenishipereso a yɔ a ba ashi kadegboŋ na be alɔnɛ so!

Nahum 2:3 ပူးပေါင်းရင်းမြစ်များ

Job be kawɔl 39:23

Amo be bediipo be akɔsɔ bee kpla abar nna nsaa nyɛkpɛ epeŋi so.

Nshɛ 80:13

Kupuŋ to be asɔbɔya alubi gba bee nya amo be asɔrso a ji.

Aizaaya 14:8

Ndibi kpakpaso fanɛ seprɛs nɛ Lebanɔn be efuli so be ndibi nɛ baa tre sida na, e ji eyur ŋkpal Babilɔn be ewura ka tɔr nɛ esa kama maŋ naa wɔtɔ nɛ e naa ku amo a lɛ na so.

Ezikɛl 23:24

Kumo be kaman nɛ b ta egbaŋɛturko wurbi nɛ agboŋi kikɛ n sulɔ akɔsɔ nɛ benapo damta n shi kelargato be esoso m ba kulti fo n wɔtɔ ŋ kɔ fo kena. Baaŋ keta abɛlso be asɔ kuŋamuso wurbi nɛ agboŋi kikɛ nseŋ buu abɛlso be akpaŋwuro bumo be amu so nna m ba. Ma alɛ beeŋ ta fo m bɔɔ bumo enɔ nɛ b gberge fo kusoe kananɛ bumo be mbraana bee ŋini.

Ezikɛl 26:7

Kumo be kaman, nɛ Enyɛnpetale Ebɔrɛ na naŋ kaŋɛ: “Meeŋ shin nɛ Babilɔn be ewura Nebukadneeza, nɛ e la bewura to be ewura na, e shi kelargato be esoso be kaba so m ba kɔ Tayɛ be basa. E beeŋ keta benapo damta nɛ b kɔ egbaŋɛ nɛ egbaŋɛturko nɛ egbaŋɛ diipoana nna m ba.

Nahum 3:2

Kusɔ nɛ k beeŋ ba kumo so nde: Achuchɔ beeŋ gbelge kumo basa so, nɛ ekama e nu egbaŋɛ nɛ egbaŋɛturko be eshile be egbri nɛ a beeŋ sɔ kumo kikɛ to na.

Zakareya 1:8

Ashi edare na to n daŋ wu esa ko ka dii gbaŋɛ peper nna m ba yili ndibi ko be afito ashi ketaŋɛ ko to, nɛ egbaŋɛ peper kpaw nɛ bepeper kunɔkunɔ nɛ befuful ko malɛ yil mbe kaman.

Zakareya 11:2

Seprɛs be ndibi, men baa shu nsaa boŋ to ŋkpal manɛ so, sida be ndibi tɔr; kemaŋkura be ndibi na kikɛ mur! Bashan be ndibigboŋ, men baa shu nsaa boŋ to; ŋkpal b ka ku kupogboŋ na to be ndibi damta na kikɛ n lɛ so!

Zakareya 6:2

Gbaŋɛ peper e daa gberge sososo be gbaŋɛturko na nɛ gbaŋɛ lembir malɛ daa gberge kenyɔsopo na.

Kelaraŋŋini 12:3

Ndoŋ nna nɛ tɔɔnɛ be kusɔ ko malɛ naŋ lar ebɔrɛso. Kusɔ gbeyeso peper gboŋgboŋi ko nna nɛ k daa du fanɛ laŋchaŋ n daa kɔ amu ashunu nɛ alambɛ kudu nɛ nwurwuro ashunu malɛ wɔ mbe amu so.

Kelaraŋŋini 6:4

Ndoŋ nna nɛ gbaŋɛ ko malɛ naŋ lar m ba m pere le kpaw. B daŋ sa kumo be ediipo eleŋ nna fanɛ e lara kagbenewushi ashi kasawule so nɛ basa e baa mɔ abar. B daŋ ta tokobi gboŋgboŋi ko nna n sa mo.