Nahum 2:13 - EBƆRƐ BE KAWƆL

¹³ Nɛ Enyɛnpetale Ebɔrɛ na kaŋɛ: “Ninɛveebi, men ki ma doŋana nna na, meeŋ chɔɔ menyi be egbaŋɛturko nseŋ shin nɛ b mɔ menyi be benapo kena to. Ma alɛ beeŋ naŋ shin nɛ b sɔ asɔ nɛ men suge beko kutɔ na, ekama malɛ maaŋ tuge menyi be mbɔ kikɛ.”

Nahum 2:13 ပူးပေါင်းရင်းမြစ်များ

2 Bewura 18:17

Ndoŋ nna nɛ Asiriya be ewura na kaŋɛ mbe benapo be ejuŋkparpo fanɛ e lar kade nɛ baa tre Lackish na nseŋ keta benapo damta n yɔ Jerusalɛm n ya kɔ ewura Hɛzekaya kena. Benapo be bejuŋkparpogboŋ asa na e daŋ yɔ n ya yili ekpa nɛ k mata ewajɛluepoana be eshuŋkpa nɛ k dese ŋ kra kuchubɔr nɛ b kur nɛ nchu bee shi esoso be Kepa na to a bɔla a yɔ kade na to na.

2 Bewura 18:19

Kumo be kaman nɛ Asiriya be benapo be bejuŋkparpo na be eko kaŋɛ bumo fanɛ Asiriya be ewurgboŋ bee sha nɛ e pin kusɔ nɛ k shin nɛ ewura Hɛzekaya kɔ kenyɛn nseŋ yirda mbe kumu loŋ na.

2 Bewura 19:23

Fo daŋ shuŋi fo mbɔ nna nɛ b ba kaa puchi menyi ka daŋ ta menyi be egbaŋɛturko n dii n yɔ Lebanɔn be kebeegboŋ na be esoso n ya kɔ m pɔɔ so nna ashi ma Enyɛnpe Ebɔrɛ na be anishito. Menyee puchi fanɛ men daŋ tiŋ ŋ kuya sida be ndibi tenteŋ nɛ seprɛs be ndibi lelaana n lɛ nna ashi kebee na so hale n ya fo kupo na be nferinto.

2 Bewura 19:9

Loŋ be jemanɛ na gbagba nɛ Asiriya be ewurgboŋ, Sennakerɛb nu fanɛ Itiopia be ewura, Tɛhaka wɔ ekpa to a ba nɛ e ba kɔ mo kena. Ndoŋ nna nɛ ewurgboŋ Sennakerɛb sibɛ kawɔlbi ko n shuŋi mbɔ fanɛ b ta n ya sa Juda be ewura, Hɛzekaya.

2 Kronikɛls 32:19

Kananɛ b daŋ baa malga Jerusalɛm be Ebɔrɛ na be asheŋ du nna fanɛ kananɛ b daa malga basa pɔtɛana be agbir nɛ b ta bumo be enɔana n lɔŋɛ na be asheŋ na.

Nshɛ 46:9

E shin nɛ kena loge durnya to. E buri benapo be atanyembi nɛ akpa to nseŋ chɔɔ bumo be asɔ kuŋso kikɛ.

Jɛremaya 21:13

Menyi Jerusalɛm be basa ka chena kebee so nsaa keni ataŋɛ to so, menyee fɛ fanɛ shɛŋ maaŋ tiŋ n wora menyi nna. Ama ma, Enyɛnpe Ebɔrɛ na nya agbo n wora menyi nna na.

Jɛremaya 46:14

E yɛ: “Ber kebomboŋ ashi Ijipt be ndeana to; fɔŋfɔŋ ashi Migdɔl nɛ Mɛmfis nɛ Taapanes, ŋ kaŋɛ le: ‘Men wora shiriya ŋ kɔ n suge menyi be amu; asɔ kama nɛ men kɔ na kikɛ beeŋ mur kena to!

Jɛremaya 50:31

“Kamoowu e baŋ bɔlɔ Babilɔn be efuli so be basa to, amoso, ma, Enyɛnpetale Ebɔrɛ na maaŋ yige bumo kikɛ. Jemanɛ fo nɛ b nya bumo be kasogberge.

Jɛremaya 51:25

Babilɔn, fo du fanɛ kebee nna a kɔ eleŋ ga a mur durnya kikɛ, ama ma, Enyɛnpe Ebɔrɛ na ki fo doŋ nna na. Meeŋ to m pɛ fo to ŋ gberge fo n lɛ kasawule nɛ fo bure to ŋ ki fanɛ ebirkesi ka bure to n deŋi abar so na.

Ezikɛl 13:8

To, kusɔ nɛ Enyɛnpetale Ebɔrɛ na kaŋɛ bumo nde: “Menyi be mmalga la kafule nna nɛ menyi be ebɔrɛdare malɛ la efɛ. Amoso m maaŋ yige menyi kikɛ.

Ezikɛl 21:3

nseŋ kaŋɛ bumo fanɛ ma, Enyɛnpe Ebɔrɛ na bee kaŋɛ fanɛ b ki ndoŋana nna. Amoso meeŋ pee ma tokobi kumo be efar to m mɔ bumo to be basa lela nɛ belubi kikɛ.

Ezikɛl 26:3

Kusɔ nɛ ma, Enyɛnpetale Ebɔrɛ na bee kaŋɛ e la fanɛ menyi Tayɛ be basa ki n doŋana nna na, nɛ meeŋ shin nɛ efuli damtaana e kre kena m ba kɔ menyi fanɛ kananɛ teku so bee ku atili a ba kaa gbuŋ teku be kɔnɔ na.

Ezikɛl 28:22

Kaŋɛ basa nɛ b wɔ ndoŋ na fanɛ kusɔ nɛ ma, Enyɛnpetale Ebɔrɛ na kaŋɛ a laŋɛ bumo be kaplɛa so e la fanɛ, Sidɔn be basa, ŋ ki menyi doŋ nna na. Basa malɛ beeŋ maŋkura ma ŋkpal kusɔ nɛ meeŋ wora menyi so. Ŋ kaŋ gberge menyi kusoe ŋ ŋini ma kecheembiya na nɛ basa beeŋ pin fanɛ ma, e la Enyɛnpe Ebɔrɛ na.

Ezikɛl 29:10

fo nɛ Nail kikɛ ki n doŋ nna na. Amoso meeŋ shin nɛ Ijipt be efuli na a ki kasawule jiga nɛ shɛŋ maaŋ naa wɔ kumo so, yili kadegboŋ nɛ baa tre Migdɔl nɛ k wɔ kelargato be esoso na n ya fo kumo nɛ baa tre Aswan ashi kelargato be kaseto na, hale ŋ keta m ba choŋ menyi nɛ Kush be efuli so be egbaŋ to.

Ezikɛl 29:3

Kaŋɛ Ijipt be ewura fanɛ Enyɛnpetale Ebɔrɛ na bee kaŋɛ fanɛ, fo ki n doŋ nna ŋkpal fo ka ta fo kumu fanɛ laŋchaŋ nɛ e kɔ eleŋ a wɔ lɔr to na so. Fo alɛ naŋ kaŋɛ fanɛ feeto lɔrgboŋ nɛ baa tre Nail na a ki feya.

Ezikɛl 35:3

Kaŋɛ Edɔmebi kusɔ nɛ ma Enyɛnpetale Ebɔrɛ na bee kaŋɛ. N yɛ ma nɛ menyi Edɔm be basa, maŋ naa kɔ shɛŋ! Meeŋ shin nɛ menyi be efuli e ki kasawule fuloŋ a dese, nɛ esa kikɛ maaŋ naa wɔ kumo so.

Ezikɛl 38:3

nseŋ kaŋɛ mo fanɛ ma, Enyɛnpetale Ebɔrɛ na nɛ mo maŋ naa kɔ shɛŋ.

Ezikɛl 39:1

Ade kikɛ be kaman, nɛ Enyɛnpetale Ebɔrɛ na naŋ kaŋɛ le: “Dimɛdi pibi, Ezikɛl, malga ŋ gbiti Gɔg nɛ e la Meshɛk nɛ Tubal be efuliana be ewurgboŋ na nseŋ kaŋɛ mo fanɛ ma nɛ mo maŋ naa kɔ shɛŋ.

Ezikɛl 5:8

Amoso, ma Enyɛnpetale Ebɔrɛ na e kaŋɛ menyi na fanɛ ŋ ki menyi, Jerusalɛm to be basa, be edoŋ nna na. Meeŋ gberge menyi kusoe nɛ efuliana na kikɛ e wu kumo.

Nahum 2:12

Buluŋ na bee pɛ kusɔbɔya nɛ e nya nna, nseŋ gbeye kumo n ya sa mo barkasa nɛ bibi nɛ b ji m moɛ.

Nahum 3:1

Asheŋ maaŋ nyalɛ n sa kadegboŋ nɛ bemɔpo nɛ befɛpo nɛ kapuni bɔlɔ kumo to na.

Nahum 3:12

Fo mboŋ lempo nɛ a bee kuŋ fo kikɛ beeŋ ki fanɛ figi be ndibi nɛ a kɔ asɔrso nɛ a bel m pere. B baŋ gbaŋgbaŋ ndibi na asɔrso na bee tɔr kɔnɔ kama nɛ k bugi a yil to nna.

Nahum 3:15

Kanaŋkama nɛ men wora, edɛ e naŋ chɔɔ menyi m mɔ ŋko kena to nɛ menyeeŋ wu. Baaŋ mur menyi fanɛ kananɛ elotɔr bee ji asɔduu a mur na. Men salga fanɛ alonte ŋko elotɔr nna!

Nahum 3:5

Ade be kaman nɛ Enyɛnpetale Ebɔrɛ na kaŋɛ: “Ŋ ki fo, Ninɛve, mo doŋ nna na. Meeŋ delge fo so nɛ efuli pɔtɛana na e wu fo kesaria nɛ nyɔmɔ e pɛ fo.

Joshuwa 11:6

Nɛ Enyɛnpe Ebɔrɛ kaŋɛ Joshuwa le: “Men sa maa ŋana bumo ŋkpal manɛ so, echefo saŋɛ ere so, meeŋ ta bumo m bɔɔ menyi Israɛlebi enɔ nɛ men mɔ bumo kikɛ. Men wora m buri bumo be egbaŋɛ na be aya nseŋ chɔ bumo be egbaŋɛturko na.”

Joshuwa 11:9

Kananɛ Enyɛnpe Ebɔrɛ baŋ ŋini Joshuwa na gbagba chap nɛ e daŋ wora. E daŋ buri bumo be egbaŋɛ na be aya nna nseŋ naŋ chɔ bumo be egbaŋɛturko gba.