Nahum 2:10 - EBƆRƐ BE KAWƆL

¹⁰ Ninɛve bure nɛ kumo to be basa shile n lar kumo to; nɛ ki kade bureso a dese fuloŋ, nɛ shɛŋ maŋ naa wɔ kumo to! Nɛ kufugboŋ tɔr basa so nɛ baa chicha. Bumo be eleŋ kikɛ loge; nɛ bumo be anishiakpa ki foleebi.

Nahum 2:10 ပူးပေါင်းရင်းမြစ်များ

Jɛnesis 1:2

Loŋ be saŋɛ na shɛŋ shɛŋ daa maŋ wɔ kasawule so, amoso k daa du nna le muntuluŋ. Kumo be jemanɛ na so nchu e daa la kaplɛkama nɛ tentembiri daŋ sɔ kakpa kikɛ le mina nɛ Ebɔrɛ be Kiyoyu daa lɛa a lɛa nchuana na so.

Nshɛ 22:14

Ma eleŋ kikɛ loge nna fanɛ nchu ka feeto na, nɛ ma echɛkpaana du fanɛ ma awibi ka maŋ naa chɔ abar so na. Ma kagbene malɛ ki fanɛ ŋku bumbuŋ ka ŋalga na nna.

Aizaaya 14:23

Meeŋ shin nɛ Babilɔn be efuli e ki ketaŋɛsawule a pete nchu nɛ egbuŋgbula e baa wɔ ndoŋ. Meeŋ lara kumo be basa ashi kumo so fanɛ b ka ta pese n fuge bumo na. Ma, Enyɛnpetale Ebɔrɛ na e kaŋɛ na.”

Aizaaya 21:3

Kusɔ nɛ n daŋ wu nseŋ nu bɔrɛdare na to na shin nna nɛ kufugboŋ ko nɛ ebesa fanɛ kakurge be ebesa luri ma to.

Aizaaya 24:1

Enyɛnpe Ebɔrɛ na bee sha kejija durnya kikɛ nna nɛ k dese fuloŋ fanɛ kiyitokpaŋ na. E beeŋ melgi durnya na m buu nseŋ pesaŋ kumo be basa to.

Jɛremaya 30:6

To, men yige kusɔ kama nseŋ fɛ nfɛra! Enyɛn beeŋ tiŋ n di kedampo ŋ kurge ebi a? Nɛ manɛ nna nɛ n wu enyɛn kama ka biti epun so nseŋ wora anishiakpa fanɛ eche nɛ kakurge ta mo?

Jɛremaya 49:23

Kusɔ nɛ Enyɛnpe Ebɔrɛ na kaŋɛ a laŋɛ Damaskɔs be kaplɛa so nde: “Kagbenejija nɛ kabɔlar daŋ tɔr basa nɛ b daa wɔ ndegboŋ nɛ baa tre Hamaf nɛ Apad na so nna ŋkpal b ka daŋ nu baru lubi so. Kafɔŋ damta daŋ luri bumo to nna fanɛ kananɛ teku be nchu bee ku a ba kaa buu kumo be ekarso so na nna.

Jɛremaya 51:62

Kumo be kaman nɛ fo kule Ebɔrɛ ŋ kaŋɛ: ‘O Enyɛnpe Ebɔrɛ, fo e nase kɔnɔ fanɛ feeŋ mur efuli ere nseŋ shin nɛ k ki keshishɛrsawule nɛ edimɛdi ŋko asɔbɔya maaŋ naa wɔ kumo so kikɛ.’

Jɛremaya 8:21

Ma basa ka bee wu etɔrɔ so k bee tɔrɔ ma alɛ gba be kagbene to nna. K shin nna nɛ ma kagbene jija ma ga, nɛ mee shu a sa bumo.

Ezikɛl 21:7

B kaŋ bishi fo kusɔ nɛ k ba nɛ fee shu fo kaŋɛ bumo le: ‘Baru nɛ k bee ba na so nɛ mee shu.’ Kumo jemanɛ kaŋ fo ekama be kagbene beeŋ jija mo nɛ kufu e tɔr ekama so nɛ bumo be aba e pɔ bumo nɛ b baa chicha a maaŋ naŋ tiŋ n wora shɛŋ. Kachɛ na bee ba! K maaŋ naŋ chɛr nseŋ ba. Ma, Enyɛnpetale Ebɔrɛ na e kaŋɛ na.”

Ezikɛl 31:15

To, kusɔ nɛ Enyɛnpe Ebɔrɛ na kaŋɛ nde: “Kachɛ nɛ kedibi na beeŋ wu n yɔ bubuni to na, meeŋ shin nɛ elɔr nɛ mbombiana e bɔlɔ m buu kumo so a ŋini fanɛ a bee shu kumo be keeli nna. Meeŋ shin nɛ elɔr nɛ mbombiana kikɛ e sa maŋ naŋ shile. Kumo be kaman nɛ tentembiri e buu Lebanɔn be efuli so be abee so nɛ kiyi to be ndibi kikɛ e gbaŋgbaŋ amo be afantaŋ.

Danɛl 5:6

Nɛ kufu pɛ mo alegaiso nɛ mbe anishito ki foleebi nɛ mbe amuli kikɛ fara a chicha nɛ e niŋi to ŋ gben.

Jowɛl 2:6

Bumo alɛ baa ba, kufu bee pɛ ekama nna nyam nɛ ekama e baa chicha kufuso.

Nahum 2:2

Enyɛnpe Ebɔrɛ naa sha kelaŋɛ Israɛlebi be kemaŋkura nɛ b daa kɔ pɔɛŋ nɛ bumo doŋana ba kɔ n suge bumo be asɔ na n sa bumo.

Nahum 3:7

Bekama nɛ baaŋ wu fo beeŋ shile fo nseŋ kaŋɛ le: ‘Ninɛve e bure a dese na, wanɛ e naŋ shu n sa mo? Nnɛ nɛ meeŋ nya esa nɛ e lolo mo?’ ”

Zefanaiya 3:6

Le nɛ Enyɛnpe Ebɔrɛ kaŋɛ: “M mur efuli damtaana nseŋ bure amo be ndegboŋana be egbalana nɛ ebulempo jeŋgreŋana kikɛ. Esa kama maŋ naa wɔ ndegboŋ na to. Basa malɛ gba maŋ naa nite amo be abɔrbi so nɛ kakpa kikɛ wora shruum.

Joshuwa 2:11

An ka nu loŋ nɛ anyi be ŋgbene jija anyi ga nɛ ekama malɛ gba be aba pɔ mo ŋkpal menyi so. Enyɛnpe menyi be Ebɔrɛ na e naa ji kuwura esoso nɛ kasawule so kikɛ.

Joshuwa 7:5

nseŋ mɔ Israɛlebi na be basa adesa nɛ ashe kikɛ. Aiebi na daŋ yili kade na be kabunagboŋ na ase nna n ju Israɛlebi na hale n ya fo kakpa nɛ baa bure ajembu to a pɔr na. Ndoŋ nɛ Israɛlebi na be aba pɔ bumo nɛ kufu pɛ bumo ga.