Nahum 1:6 - EBƆRƐ BE KAWƆL

⁶ E baŋ nya agbo, esa kikɛ maaŋ pete. Esa kikɛ maaŋ tiŋ ŋ gelge mbe agbogboŋ na. Mbe agbo du fanɛ edɛ nna a pante afalta nɛ a bee bure to a ki eshishɛr.

Nahum 1:6 ပူးပေါင်းရင်းမြစ်များ

1 Bewura 19:11

Nɛ Enyɛnpe Ebɔrɛ kaŋɛ mo le: “Lar n ya yili kebee na be esoso a jo ma, meeŋ ba choŋ.” Ndoŋ nna nɛ Enyɛnpe Ebɔrɛ shin nɛ afu lempo ko ba ber kebee na nseŋ bu kumo n lɛ m bure afalta nɛ a wɔ ndoŋ na to, ama Enyɛnpe na daa maŋ wɔ afu na to. Afu na ka yige nɛ kasawule be kegbuŋgbuŋ malɛ bɛ so ama Enyɛnpe na daa maŋ wɔ kumo alɛ gba to.

Job be kawɔl 26:11

Mo e naa ponte to nɛ awɔlpa be eshabɔrɛ bee gbuŋgbuŋ to na.

Job be kawɔl 40:11

Keni basa nɛ baa maŋ bumo be amu so, nseŋ shin nɛ fo kanya agbogboŋ e bar bumo kaseto nɛ ŋ keni!

Job be kawɔl 9:5

Nɛ Ebɔrɛ baŋ nya agbo, e beeŋ tiŋ m pulgi abee nseŋ melgi amo m buu, nɛ k purgi basa.

Nshɛ 130:3

Nɛ fo Enyɛnpe Ebɔrɛ na daa sibɛ alubi a nase nna, esa kikɛ daa maaŋ ji n lar fo demuji to.

Nshɛ 2:12

Men baa jɔŋɛ a bunyaŋ mo pibi na, nɛ mannɛ aloŋ e beeŋ nya agbo epul to m mur menyi. E bee nɛfa nsaa kuŋ bekama nɛ baa shile a yɔ mo kutɔ na nna.”

Nshɛ 76:7

Fo Enyɛnpe Ebɔrɛ na e daga fanɛ ekama e baa ŋana fo. Fo baŋ nya agbo, esa kikɛ maaŋ tiŋ n yili fo anishito.

Nshɛ 76:8

Ebɔrɛso nɛ fo wɔ nseŋ bɔ fo demuji be kubɔya; nɛ kufu tɔr durnya so, nɛ kakpa kikɛ wora shruum.

Nshɛ 90:11

Esa kikɛ maŋ nyi kananɛ fo agbo be eleŋ sa. Ŋkpal manɛ so, k shi alegaiso, nseŋ daga fanɛ an baa ŋana fo ŋkpal kumo so.

Aizaaya 10:16

Enyɛnpetale Ebɔrɛ na beeŋ shin nɛ kulɔ lubi e tɔr fo nɛ fo benapo so nseŋ shin nɛ fo eyur e bel edɛ fanɛ k ka bee suse ashi fo kuwurpiŋi to na.

Aizaaya 13:13

Kachɛ nɛ ma, Enyɛnpetale Ebɔrɛ na beeŋ ŋini kananɛ ma agbo du na, meeŋ shin nɛ esoso e baga to nɛ kasawule e gbuŋgbuŋ m pulgi ashi kumo be epul to.

Aizaaya 27:4

Kumo be kaman, m maŋ naŋ nya agbo n wɔtɔ ndibi sɔrso be kudɔ na. Nɛ fanɛ ewi be yiri yiri kɔr kumo to gba, meeŋ tia amo kikɛ n chɔɔ m mur cheche.

Aizaaya 33:14

Kufugboŋ beeŋ tɔr Jerusalɛm be basa lubi nɛ b maa ŋana Ebɔrɛ na so nɛ b baa chicha. B yɛ: “Ebɔrɛ be demuji du fanɛ edɛ nɛ k bee chɔ a maa duŋ nna. Anyi to be beko beeŋ tiŋ n luri edɛ ere to n lar nɛ anyi maaŋ wu a?”

Aizaaya 66:15

Keni, Enyɛnpe Ebɔrɛ na kɔ edɛ nna a ba. E beeŋ ta mbe gbaŋɛturko nɛ k bee kpa edɛ na m bɔla kawuliwuli so m ba. E nya agbo nna ga a ba nɛ e ba ta edɛ ŋ gberge mo doŋana kusoe.

Jɛremaya 10:10

Ama fo, Enyɛnpe Ebɔrɛ na, e la Ebɔrɛ kashenteŋto. Fo e naa sa ŋkpa nsaa wɔ ŋkpa to na; fo alɛ e la ewura nɛ e wɔtɔ mbaanaayɔ na. Fo baŋ nya agbo, durnya kikɛ bee gbuŋgbuŋ to nna, nɛ efuliana bee mur.

Nfabel 2:3

Enyɛnpe Ebɔrɛ na daŋ nya agbo nna ga, nseŋ daŋ shin nɛ Israɛl be basa paŋ bumo be eleŋ kikɛ. An doŋana ka ba anyi so, e daŋ kini kechɛ anyi to nna. Mbe agbo daŋ koso anyi so fanɛ edɛ nna a mur kusɔ kikɛ.

Nfabel 2:4

E daa to anyi mbe atanyembi nna fanɛ edoŋ na. Nseŋ daŋ mɔ basa kama nɛ b daa bar anyi kagbenewushi nɛ kagbenefuli na. E daŋ shin nɛ mbe agbo ba fanɛ edɛ nna m ba chɔɔ anyi be nwu nɛ a wɔ Jerusalɛm to na n lɛ kasawule.

Nfabel 4:11

Enyɛnpe Ebɔrɛ ka daŋ nya agbo ga so, e daŋ shin nɛ Jerusalɛm be kadegboŋ na ji edɛ nna m mur cheche.

Ezikɛl 21:31

Meeŋ shin nɛ ma agbo e ba menyi so fanɛ edɛ na n chɔɔ menyi. Meeŋ ta menyi m bɔɔ basa nyaŋnyaŋso enɔ, basa nɛ b nyi kamɔ to.

Ezikɛl 30:16

Meeŋ shin nɛ edɛ e ji Ijipt nɛ kagbenejija e tɔr basa nɛ b wɔ Pɛlusium na so. Egbal nɛ b pɔr ŋ kulti Tɛɛbis n wɔtɔ na beeŋ bure n tɔr nɛ nchu e ji kadegboŋ na; nɛ kufu a tɔr basa nɛ b wɔ Mɛmfis na so.

Ezikɛl 39:6

Ade be kaman, nɛ n shin nɛ edɛ e chɔɔ Magɔg be kasawule nɛ teku ase be nsawule nɛ basa chena amo so kayurwushi so na, nɛ ekama e pin fanɛ ma e la Enyɛnpe Ebɔrɛ na.

Ezikɛl 7:8

Meeŋ shin nɛ ma agbogboŋ e ba menyi so nɛ n ji menyi demu ŋkpal menyi be eda lubi so nseŋ gberge menyi kusoe ŋkpal menyi be aworbi lubi nɛ ŋ kishi na so.

Nahum 1:2

Enyɛnpe Ebɔrɛ na kishi kechamana ga, nsaa beeŋ gberge mo doŋana kusoe. E beeŋ bishi bumo kuwule agbo so.

Zefanaiya 2:2

pɔɛŋ nɛ afu e foŋ menyi n ya lɛ fanɛ afɔfɔ ŋko pɔɛŋ nɛ Enyɛnpe Ebɔrɛ na be agbogboŋ na e kaa alegaiso m ba menyi so.

Malakai 3:2

Kachɛ nɛ e beeŋ ba na wanɛ e naŋ tiŋ m ba mbe anishito? E kaŋ lar a ba, wanɛ bre e naŋ pete? E beeŋ baa du fanɛ kɔya nɛ b kɔ a fɔr asɔ nna ŋko edɛ nɛ baa ta a ŋalga abɛlso a lara eyurpi nna.

Malakai 4:1

Enyɛnpetale na yɛ: “Kachako bee ba nɛ basa nɛ b kpeŋ nɛ belubiworapoana kikɛ e chɔɔ fanɛ atuweklaŋ. Kumo be kachɛ na baaŋ chɔɔ m mur cheche nɛ bumo be kusɔ kama maaŋ ka.

Kelaraŋŋini 16:1

Ndoŋ nna nɛ n nu ebɔl ko ka shi ebɔrɛso be bɔrɛlambu na to m ba malga awɔrso a kaŋɛ a kaŋɛ emalaika ashunu na le: “Men ya chulgi Ebɔrɛ be agbo nɛ k bɔlɔ ntishaŋ ashunu na to n wurge kasawule so.”

Kelaraŋŋini 16:8

Ndoŋ nna nɛ malaika nasopo na ta mbe katishaŋ nɛ agbo na n chulgi n wurge epeŋi so nɛ k nya eleŋ n chɔɔ basa fanɛ edɛ.

Kelaraŋŋini 6:17

Ŋkpal manɛ so, kachɛgboŋ nɛ k la bumo be agbo be kachɛ na fo nɛ wanɛ malɛ e naaŋ tiŋ n yili bumo be anishito?”