Nahum 1:5 - EBƆRƐ BE KAWƆL

⁵ Abeegboŋ bee gbuŋgbuŋ to Enyɛnpe Ebɔrɛ na be anishito nna, nɛ abeebi bee ŋalga mbe anishito. E baŋ lar a ba kasawule kikɛ bee gbuŋgbuŋ nna nɛ durnya nɛ kumo be basa kikɛ e baa chicha.

Nahum 1:5 ပူးပေါင်းရင်းမြစ်များ

2 Samuɛl 22:8

Ndoŋ nna nɛ kasawule chicha nseŋ gbuŋgbuŋ to. Nɛ awɔlpa malɛ gba fara a filito nsaa gbuŋgbuŋ to, ŋkpal Ebɔrɛ ka nya agbo so!

Job be kawɔl 26:11

Mo e naa ponte to nɛ awɔlpa be eshabɔrɛ bee gbuŋgbuŋ to na.

Job be kawɔl 9:5

Nɛ Ebɔrɛ baŋ nya agbo, e beeŋ tiŋ m pulgi abee nseŋ melgi amo m buu, nɛ k purgi basa.

Nshɛ 104:32

Fo baŋ to kenishi ŋ keni kasawule, k bee gbuŋgbuŋ nna. Fo alɛ baŋ beta abee, e bee kaa edishi nna.

Nshɛ 114:4

Nɛ kewora fanɛ abeegboŋ nɛ abeebi ka bee tɛto a kulti fanɛ mbolpɔbi na.

Nshɛ 114:6

Bishi abeegboŋ nɛ abeebi na, fanɛ, manɛ nna nɛ a bee tɛto a kulti fanɛ mbolpɔbi?

Nshɛ 18:7

Nɛ kasawule gbuŋgbuŋ to m baŋɛ, nɛ abeegboŋ be kaseto gbuŋgbuŋ. A gbuŋgbuŋ nna ŋkpal Ebɔrɛ ka nya agbo so.

Nshɛ 18:8

Edishi shi mbe kamuna to nna a lar; nɛ edɛ nɛ a bee chɔɔ a mɔ malɛ shi mbe kɔnɔ to a lar, fanɛ ajanwulɛ nɛ a bee suse na.

Nshɛ 46:6

Nɛ efuli pɔtɛana bee baga to, nɛ kuwurjiana bee tɔr, nɛ Ebɔrɛ ponte nɛ kasawule ŋalga gba,

Nshɛ 68:8

nɛ kasawule gbuŋgbuŋ nɛ bɔrɛ chulgi. Fo nawule e la Ebɔrɛ, nsaa tase kebee nɛ baa tre Sainai na so a ji kuwura.

Nshɛ 98:7

Shin nɛ teku nɛ kumo to be asɔ keniso kikɛ, nɛ kasawule nɛ kumo so be basa kikɛ e baa wora awɔr a kpaŋ Enyɛnpe Ebɔrɛ na.

Ɛksodɔs 19:18

Kumo be kachɛ na, Sainai be kebeegboŋ na so kikɛ daŋ baa la edishi nna, ŋkpal manɛ so, Enyɛnpe Ebɔrɛ daŋ bɔla edɛ to nna m ba kumo so. Nɛ kumo be edishi na daŋ yɔ awɔlto fanɛ edishi nɛ a shi edɛ nɛ baa chɔɔ nɛ a shi ga na nɛ kebeegboŋ na kikɛ gbuŋgbuŋ to eleŋso.

Aizaaya 24:1

Enyɛnpe Ebɔrɛ na bee sha kejija durnya kikɛ nna nɛ k dese fuloŋ fanɛ kiyitokpaŋ na. E beeŋ melgi durnya na m buu nseŋ pesaŋ kumo be basa to.

Aizaaya 24:20

Kumo be kaman nɛ durnya na e baa lente fanɛ esa nɛ e boo nsa na, ŋko afugboŋ kaa bee ber kubuu so na. Durnya be alubi pɔɔ kumo so. Amoso k beeŋ mur nsaa maaŋ naaŋ tiŋ ŋ koso kikɛ.

Aizaaya 5:25

Enyɛnpe Ebɔrɛ na nya agbo ga nna n wɔtɔ mbe basa nsaa shin nɛ e gberge bumo kusoe kenishipereso. Abee beeŋ gbuŋgbuŋ nɛ basa e wu n dese agbembiana so fanɛ epi na. Ama amo nɛ amo kikɛ Enyɛnpe Ebɔrɛ na be agbo kraa maaŋ wushi. E kraa beeŋ baa sha kegberge menyi kusoe n ti so.

Jɛremaya 10:10

Ama fo, Enyɛnpe Ebɔrɛ na, e la Ebɔrɛ kashenteŋto. Fo e naa sa ŋkpa nsaa wɔ ŋkpa to na; fo alɛ e la ewura nɛ e wɔtɔ mbaanaayɔ na. Fo baŋ nya agbo, durnya kikɛ bee gbuŋgbuŋ to nna, nɛ efuliana bee mur.

Jɛremaya 4:24

Kumo be kaman nɛ ŋ keni n wu abeegboŋ ka bee gbuŋgbuŋ to, nɛ abeebi malɛ bee laŋte a yɔ a ba.

Ezikɛl 38:20

Saŋɛ na so nɛ kufu e pɛ ekɔrɔtɔ nɛ mbuibi, nɛ asɔbɔya wurbi nɛ agboŋi kikɛ nɛ dimɛdi kama nɛ a wɔ durnya to so nɛ b baa chicha. Abeegboŋ nɛ abeebi kikɛ beeŋ bu n tɔr nɛ egbal kama e bure n tɔr kasawule.

Jowɛl 2:10

B baa ba, kasawule bee gbuŋgbuŋ nna nɛ awɔlpa bee wora fanɛ a ka bee chicha na, nɛ epeŋi nɛ kufɔl kikɛ malɛ e biri to tuum nɛ achɛkpabi e fuli to ŋ gben.

Eemɔs 9:5

Enyɛnpetale Ewurgboŋ baaŋ beta kasawule ere, k bee ŋalga nna, nɛ bekama nɛ b wɔ kumo so kikɛ, e baa shu nli. E bee shin nna nɛ kasawule bee dii a gbelge fanɛ kananɛ lɔrgboŋ nɛ baa tre Nail na bee dii a gbelge na ashi Ijipt be efuli so na.

Maika 1:4

Abeegboŋ na beeŋ ŋalga ashi mbe aya to fanɛ ŋku bumbuŋ ka luri edɛ to ŋ ŋalga a shile a yɔ abee na be afito fanɛ nchu ka shi kebee so a chulgi a wurge kasawule so na.

Habakuk 3:10

Abeegboŋana na ka wu fo nɛ a gbuŋgbuŋ to; nɛ bɔrɛchu shi awɔlpa so n wurge to. Ndoŋ nna nɛ echɛtabo baga to, nɛ amo to be nchu bɔlɔ n dii kepla.

Zakareya 4:7

Kusɔ kama nɛ k du fanɛ kebee a kagle fo to beeŋ foe fo anishito. Feeŋ lɔŋɛ bɔrɛlambu na m pɔr. Kachɛ nɛ feeŋ ta lalaloge be berkishi m mɔ kapɔr na so na, basa na kikɛ beeŋ boŋ to awɔrso ŋ kaŋɛ le: “Ebɔrɛ e nɛfa kumo! Ebɔrɛ e nɛfa kumo!”

Malakai 4:1

Enyɛnpetale na yɛ: “Kachako bee ba nɛ basa nɛ b kpeŋ nɛ belubiworapoana kikɛ e chɔɔ fanɛ atuweklaŋ. Kumo be kachɛ na baaŋ chɔɔ m mur cheche nɛ bumo be kusɔ kama maaŋ ka.

Matiu 27:51

Ndoŋ nna nɛ bɔrɛlambu na to be patisa na yili kumo be esoso n chaŋɛ to m ba kaseto. Nɛ kasawule gbuŋgbuŋ to nɛ afalta baŋɛ m baŋɛ to.

Matiu 28:2

Epul na to nɛ kasawule gbuŋgbuŋ to nɛ Enyɛnpe be malaika ko shi ebɔrɛso m ba gbelti kejembu na n lɛ nseŋ chena kumo so.

Kelaraŋŋini 20:11

Ndoŋ nna nɛ n naŋ wu kuwurputigboŋ fuful ko nɛ esa nɛ e daa tase kumo so. Nɛ kasawule nɛ awɔlpa foe mbe anishito a maŋ naa kɔ kakpa ndoŋ.

Kelaraŋŋini 6:14

Ndoŋ nna nɛ awɔlpa na fara a foe ma anishito fanɛ b ka bee bɔɔ kelaŋ to na, nɛ kebee kikɛ nɛ kepla kikɛ tia ashi amo be eyilikpaana.

Demujipoana 5:5

Abee gbuŋgbuŋ to ashi Enyɛnpe, Israɛl be Ebɔrɛ na be anishito.