Nahum 1:4 - EBƆRƐ BE KAWƆL

⁴ Mo e naa ponte teku nɛ elɔr so nɛ amo be nchu bee feeto nɛ a bee wɔlto. Mo koŋwule na e naa ponte nɛ Bashan be afitiri bumbuŋ bee bolo, nɛ Kamɛl be kebeegboŋ so be ndibi bee pere kpaw nɛ Lebanɔn be ndibi be atoto lela kikɛ bee terge.

Nahum 1:4 ပူးပေါင်းရင်းမြစ်များ

Jɛnesis 8:1

Saŋɛ nɛ kuloŋgboŋ na daa deŋ nchu na so na Ebɔrɛ daa maŋ teŋ Nowa nɛ asɔbɔya nɛ b wɔ kuloŋgboŋ na to na so kikɛ. E daŋ shin nna nɛ afu fara a chela kasawule so nɛ nchu na fara a gberge.

2 Samuɛl 22:16

Enyɛnpe Ebɔrɛ na ka ponte n fiɛ mo doŋana so agboso na nɛ teku feeto ŋ ka kasawule, nɛ kumo be gbaltɔlase dii efuli.

Job be kawɔl 38:11

Kumo be kaman nɛ ŋ kaŋɛ kumo le: “Kakpa nɛ feeŋ tiŋ m ba fo nna na sa maŋ kaŋ choŋ so ndoŋ. Kakpa nɛ fo atili lempo na daga e fo nna na.”

Nshɛ 104:7

Ama nɛ fo baŋ ponte, nchuana kikɛ bee shile nna

Nshɛ 106:9

E daŋ kaŋɛ teku peper na nna fanɛ k ku to, nɛ k ku to. Ndoŋ nna nɛ e juŋkpar bumo kasawule wɔlso so m bɔla kumo to n choŋ.

Nshɛ 114:3

K daŋ wora fanɛ Teku Peper na ka wu Ebɔrɛ nna nseŋ ku to, nɛ Jɔɔdan be Lɔr na malɛ wu mo nseŋ shir n yili.

Nshɛ 114:5

Bishi teku na kusɔ nɛ k ba nɛ k sa ekpa, ŋko Jɔɔdan be Lɔr na manɛ nna nɛ k maŋ naŋ tiŋ nɛ k shile?

Nshɛ 18:16

Nɛ Enyɛnpe Ebɔrɛ na shi esoso n to m pɛ ma to, ŋ gberge ma n chule ashi nchu chiŋgeliŋ na to.

Nshɛ 74:15

Fo e daŋ shin nɛ kasawule pante n lar nchu ŋ ki fanɛ kebuye nɛ mbombi. Nseŋ shin nɛ elɔr nɛ a daa shile bre wɔlto na.

Aizaaya 33:9

Nsawule kikɛ wɔl a dese jiga. Lebanɔn be kupo na wɔl ŋ gbaŋgbaŋ afantaŋ nɛ Sharɔn be ketaŋɛ lela na ki fanɛ keshishɛrsawule. Ndibi nɛ a wɔ Bashan nɛ kebee nɛ baa tre Kamɛl na so gbaŋgbaŋ amo be afantaŋ.

Aizaaya 42:15

Meeŋ mur abeebi nɛ abeegboŋ nseŋ shin nɛ ndibi nɛ afitiri e wɔl. Meeŋ shin nɛ elɔr nɛ mbombi e wɔl to nɛ apa e feeto.

Aizaaya 44:27

Jemanɛ kikɛ nɛ mee sha fanɛ eteku nɛ mbombi kikɛ e wɔl to, mee malga kenishipereso nna nɛ a bee wɔl to.

Aizaaya 51:10

Fo e shin nɛ teku peper chiŋgeliŋ na baŋɛ to, nseŋ shin nɛ ekpa dese nchu na to n sa basa nɛ fo mɔlga na nɛ b bɔla to n dii.

Ezikɛl 30:12

Kumo be kaman nɛ n shin nɛ lɔrgboŋ nɛ baa tre Nail na e wɔlto nseŋ naŋ shin nɛ basa lubi e ba ji Ijipt be efuli so eleŋ. Befɔ beeŋ ba jija kasawule na nɛ k maaŋ naa kɔ tɔnɔ. Ma Enyɛnpe Ebɔrɛ na e kaŋɛ.”

Ezikɛl 38:20

Saŋɛ na so nɛ kufu e pɛ ekɔrɔtɔ nɛ mbuibi, nɛ asɔbɔya wurbi nɛ agboŋi kikɛ nɛ dimɛdi kama nɛ a wɔ durnya to so nɛ b baa chicha. Abeegboŋ nɛ abeebi kikɛ beeŋ bu n tɔr nɛ egbal kama e bure n tɔr kasawule.

Eemɔs 1:2

E yɛ: “Enyɛnpe Ebɔrɛ baŋ yili Zayɔn be kebeegboŋ na so ashi Jerusalɛm m ponte, fanɛ bɔrɛ ka gbri na, asɔbɔya be ejikpa be mboŋ kikɛ bee wɔl nna, nɛ afitiri nɛ a wɔ kebeegboŋ nɛ baa tre Kamɛl na so na kikɛ e kilgi m pere le kpaw.”

Eemɔs 5:8

Enyɛnpe Ebɔrɛ e to achɛkpabi, Mo e to achɛkpabi be yiri yiri nɛ baa tre Pleeds nɛ Ɔriɔn na kikɛ. Mo e naa shin nɛ kanyɛ bee kilgi kapa, nɛ kapa malɛ bee kilgi kanyɛ. Mo e shin nɛ teku be nchuana bee ki bɔrɛ a ba kasawule so. Mbe ketre e la Enyɛnpe Ebɔrɛ na.

Matiu 8:26

Nɛ e bishi bumo: “Manɛ nna nɛ kufu pɛ menyi loŋ? Men be yirda du fimbi pasaa!” Kamalga ere be kaman nɛ e koso m ponte afuana na nɛ kepa na so nɛ kakpa kikɛ wora shruum.

Joshuwa 3:16

epul to nɛ lɔr na ku to nɛ nchu nɛ a shil a ba na bɛta kaman n ya fo kade nɛ baa tre Adam nɛ k wɔ Zaretan be efuli so na. Ndoŋ nna nɛ lɔr na be nchu nɛ a shil a yɔ na malɛ shile n ya luri Teku nɛ baa tre Araba na to, (kumo e la Nfɔl be Teku na). Kumo be kaman nɛ basa na dii lɔr na n yɔ kumo be kaba nɛ Jɛriko wɔ na.