Nahum 1:2 - EBƆRƐ BE KAWƆL

² Enyɛnpe Ebɔrɛ na kishi kechamana ga, nsaa beeŋ gberge mo doŋana kusoe. E beeŋ bishi bumo kuwule agbo so.

Nahum 1:2 ပူးပေါင်းရင်းမြစ်များ

Job be kawɔl 20:23

Jemanɛ nɛ b ji m bɔlɔ epunana na, nɛ Ebɔrɛ beeŋ shin nɛ mbe agbo nɛ k bee suse fanɛ edɛ na e ba bumo so.

Nshɛ 94:1

O Enyɛnpe Ebɔrɛ nɛ fee gberge basa nɛ b wora n jija kusoe; ŋini bumo esa nɛ e la fo nseŋ gberge bumo kusoe!

Ɛksodɔs 20:5

nsaa jɔŋɛ amo ase ŋko a shuŋ amo, ŋkpal manɛ so, ma e la Enyɛnpe Ebɔrɛ men be Ebɔrɛ na. Ma alɛ maa sha kechamana. Ma e naa kpal betuto nɛ benio be alubi so e gberge bumo be mbia kusoe hale n ya fo bumo be kenanafofo nɛ kenana gbiramuli na.

Ɛksodɔs 34:14

Men sa maŋ kaŋ shuŋ kegbir kama, ŋkpal manɛ so, ma e la Enyɛnpe Ebɔrɛ, nɛ ma nɛ shɛŋ shɛŋ maa ji kechamana na.

Ɛksodɔs 34:7

Ma e naa ŋini benananyɛn ŋgboŋto ŋgboŋto kasha nsaa ta basa be edalubi nɛ kumukpakpaso nɛ alubi a paŋ bumo na. Ama ma alɛ maa kplaŋ alubiworapoana be kewora n jija so a maa gberge bumo kusoe. Ma e naa kpal betuto nɛ benio be alubi so e gberge bumo be mbia kusoe hale n ya fo bumo be kenanafofo nɛ kenana gbiramuli na.”

Aizaaya 42:13

Enyɛnpe Ebɔrɛ na bee lar nna n ya kaa kɔ fanɛ enapo na; e bela ase nna nseŋ wora shiriya a jo kena. E beeŋ boŋ to awɔrso ŋ kaŋɛ kena be asheŋ, e beeŋ kɔ m pɔɔ mo doŋana so.

Aizaaya 51:17

Jerusalɛm to ebi, men koso! Kasogberge nɛ Enyɛnpe Ebɔrɛ na nya agbo n shin nɛ k ba menyi so na shi ga. Kasogberge na shin nna nɛ menyee nite a lente fanɛ basa nɛ b boo nsa na.

Aizaaya 51:20

Menyi be basa bee bɛlɛ nna a tɔr ashi kegbembi be kukɔlɔbi kama to. B ki fanɛ echibir nɛ bekpampo sho ajigbelɛ m pɛ nna. Bumo alɛ pin kananɛ Enyɛnpe menyi be Ebɔrɛ be agbo du kashenteŋto.

Aizaaya 66:15

Keni, Enyɛnpe Ebɔrɛ na kɔ edɛ nna a ba. E beeŋ ta mbe gbaŋɛturko nɛ k bee kpa edɛ na m bɔla kawuliwuli so m ba. E nya agbo nna ga a ba nɛ e ba ta edɛ ŋ gberge mo doŋana kusoe.

Jɛremaya 25:15

Ade be kaman nɛ Enyɛnpe, Israɛl be Ebɔrɛ na naŋ kaŋɛ ma le ashi bɔrɛdare to: “Kawiebi nɛ ma agbo bɔlɔ kumo nde. Sɔ kumo n yɔ efuliana nɛ meeŋ shuŋi fo amo so na so n ya shin nɛ b nuu kumo to.

Jɛremaya 28:8

dra dra pɔɛŋ nɛ b kurge anyi na nɛ anebiana na bee kaŋɛ fanɛ kena nɛ jɛrbi nɛ alɔ beeŋ ba efuli damtaana nɛ kuwurjiana nɛ e kɔ eleŋ ga na so.

Jɛremaya 3:5

Fo maaŋ nya agbo n wɔtɔ anyi mbaanaayɔ.’ Kusɔ nɛ menyi, Israɛl be basa, kaŋɛ ma nna na; ama menyi alɛ bee wora alubi nɛ menyee sha nna.”

Jɛremaya 36:7

Ashere baaŋ kule Enyɛnpe Ebɔrɛ na ketampaŋ nseŋ lar bumo be asheŋ lubi to, ŋkpal manɛ so, Enyɛnpe Ebɔrɛ na nya agbo ga nna n wɔtɔ bumo.

Jɛremaya 4:4

Men ta menyi be ŋgbene kikɛ m bɛ ma, Enyɛnpe Ebɔrɛ na nɛ menyi be kɔnɔkoŋwule be ŋkre na so. Nɛ menyi Juda nɛ Jerusalɛm be basa maŋ wora loŋ, ma kanya agbo beeŋ suse so fanɛ edɛ ŋkpal asheŋ lubi nɛ men wora so, nɛ esa kama maaŋ tiŋ n duŋ kumo.”

Jɛremaya 50:15

Men kɔ bumo kaba kama so. Naniere Babilɔn shuli kapɔshi. Edoŋ na bure kumo be egbalana nɛ ebu jeŋgreŋana na n lɛ nɛ mee wora bumo kusɔ nɛ b ta n wora ndegboŋana ko na a bishi bumo kɔnɔ.

Nfabel 4:11

Enyɛnpe Ebɔrɛ ka daŋ nya agbo ga so, e daŋ shin nɛ Jerusalɛm be kadegboŋ na ji edɛ nna m mur cheche.

Ezikɛl 36:6

Amoso malga ŋ kaŋɛ Israɛl be efuli so be abeegboŋ nɛ abeebi nɛ eboŋana nɛ ataŋɛ kusɔ nɛ ma, Enyɛnpetale Ebɔrɛ na bee kaŋɛ kukɔrkɔ nɛ agbo so ŋkpal kananɛ efuliana na tege nseŋ wora bumo yeryerbi so.

Ezikɛl 38:18

Kusɔ nɛ k beeŋ wora kachɛ nɛ Gɔg beeŋ ba kɔ Israɛlebi kena na beeŋ shin nɛ ma kagbene e kaa ga,

Ezikɛl 38:19

nɛ n nya agbo n shin nɛ kasawule e gbuŋgbuŋ eleŋ so ashi Israɛl be efuli so.

Ezikɛl 39:25

Ade ere malɛ kikɛ be kaman, nɛ Enyɛnpetale Ebɔrɛ na naŋ kaŋɛ le: “Ama naniere bre meeŋ wu Jeekɔb be kaman to ebi nɛ b la Israɛl be basa na kuwɔr nseŋ shin nɛ b naŋ dii dama. Ma alɛ beeŋ kuŋ ma ketre cheembi na.

Ezikɛl 5:13

Menyeeŋ ji awurfoŋ ga pɔɛŋ nɛ ma agbo e wushi. Ndoŋ nɛ menyeeŋ pin fanɛ kenishipereso nɛ ma, Enyɛnpe Ebɔrɛ na, daa malga menyi be asheŋ lubi be asheŋ na.

Ezikɛl 6:12

Alɔ beeŋ mɔ bumo nɛ b wɔ kufɔ kufɔ nɛ bumo nɛ b taga to malɛ e wu kena to nɛ bumo nɛ baaŋ nya bumo be amu n ji efute malɛ e wu ŋkpal akoŋ so. Kananɛ ma agbogboŋ beeŋ gbelge bumo so nna na.

Ezikɛl 8:18

Ŋkpal loŋ so, meeŋ gberge bumo kusoe agbo so. M maaŋ wu bumo kuwɔr ŋko n yige bumo nɛ b ta bumo be amu n ya ji. Hale nɛ b shu n tre ma gba m maaŋ nu nseŋ chɛ bumo to.”

Jowɛl 2:18

Enyɛnpe Ebɔrɛ be kasawule be asheŋ tir mo ga nna, nɛ e wu mbe basa kuwɔr nseŋ nu bumo be kabɔrɛkule

Levitikɔs 26:28

kumo ere meeŋ nya agbo n wɔtɔ menyi nseŋ shin nɛ menyi be kasogberge e ti so ale shunu so a chɔ adra na.

Maika 5:15

Meeŋ nya agbo ga m bishi efuliana nɛ amo be basa kini kewora ma kasonu na kuwule.”

Maika 7:18

O Enyɛnpetale Ebɔrɛ, Ebɔrɛ kikɛ maŋ naa wɔtɔ a du fanɛ fo. Fo e naa ta fo basa be alubi a paŋ bumo. Fo alɛ be agbo maa wɔtɔ a yɔ. Kuwɔrwu e naa fuli fo kagbene.

Zakareya 1:14

Nɛ malaika na malɛ kaŋɛ ma fanɛ m ber kusɔ nɛ Enyɛnpetale Ebɔrɛ na kaŋɛ na be kubomboŋ. E yɛ: “Mee sha Jerusalɛm nɛ k la ma kadegboŋ cheembi na alegaiso,

Zakareya 8:2

E yɛ: “Ŋ ka bee sha Jerusalɛm nɛ kumo to be basa alegaiso so, bumo doŋana be asheŋ bee nu ma agbo nna.

Nɔmbɛs 25:11

“Ŋkpal kusɔ nɛ Finihas wora ere so, ma agbo maŋ naa wɔ Israɛlebi so. E maŋ shuli fanɛ esa kikɛ e shuŋ kegbir n ti ma Enyɛnpe Ebɔrɛ na so. Kumo so nɛ m maŋ kaa agbo m mur Israɛlebi kikɛ na.

Romebi 12:19

Beshapo, men sa maa wora a tal basa nɛ baa wora menyi to, men shin nɛ Ebɔrɛ be agbo e baa shuŋ loŋ be kushuŋ a sa menyi fanɛ kananɛ abɔrɛsibɛ na bee kaŋɛ fanɛ Enyɛnpe bee kaŋɛ le na: “Keka esa be kulubi kukɔ la ma asheŋ nna. Ma, Enyɛnpe na e naaŋ ka esa be kulubi kukɔ nɛ kumo be ekpa so.”

Romebi 13:4

Ŋkpal manɛ so, e la Ebɔrɛ be kenya nna ŋkpal fo kelela so. Ama nɛ fo baa wora alubi bre, baa lɔ kufu, ŋkpal manɛ so, enimu na maa keta mbe tokobi na jiga nna. E la Ebɔrɛ be kenya nna nɛ e baa keni asheŋ nɛ amo be ekpa so a sa basa a gberge alubiworapoana kusoe.

Ditɛronɔmi 4:24

ŋkpal manɛ so, Enyɛnpe, menyi be Ebɔrɛ na beeŋ tiŋ a du fanɛ edɛ nɛ k bee ji a mur. E la Ebɔrɛ nɛ e maa sha kechamana nna.

Ditɛronɔmi 7:10

Ama e maa chɛr kegberge bumo nɛ b kishi mo na kusoe.

Hibruwebi 10:30

Ŋkpal manɛ so, an kikɛ nyi esa nɛ e daŋ kaŋɛ le na fanɛ: “Keka esa be kulubi la ma asheŋ nna. Ma, Enyɛnpe na e naaŋ ka esa be kulubi nɛ kumo be ekpa so.” Anyi alɛ nseŋ naa nyi esa nɛ e kaŋɛ le na gba: “Enyɛnpe beeŋ gberge mbe basa kusoe.”

Joshuwa 24:19

Ndoŋ nna nɛ Joshuwa kaŋɛ basa na le: “Ashere menyi maaŋ tiŋ n shuŋ Enyɛnpe Ebɔrɛ na. E la Ebɔrɛ cheembi nna. Mo alɛ maaŋ ta menyi be alubi m paŋ menyi, ŋkpal manɛ so, e maa sha kechamana be asheŋ.

2 Pita 2:9

Amoso, men baa nyi fanɛ Enyɛnpe na nyi kananɛ e bee lara bɔrɛshapoana ashi bumo be kechɔŋkeniana to nseŋ naa nyi kananɛ e beeŋ baa kɔ bɔrɛkinipoana nɛ e kɔ a wɔ kasogberge to a jo demujiachɛ na,