Nahum 1:10 - EBƆRƐ BE KAWƆL

¹⁰ Baaŋ baa du fanɛ besanuupo nɛ b nuu nsa ga nɛ a pɔɔ bumo so nna; ŋko ajinjɛ nɛ atuweklaŋ nɛ a mel abar to nɛ edɛ chɔɔ amo m mur na nna.

Nahum 1:10 ပူးပေါင်းရင်းမြစ်များ

2 Samuɛl 13:28

B ka bee ji na nɛ Absalɔm kaŋɛ mbe nyɛrbi le: “Men shin nɛ men be lakal e ba wɔ Amnɔn so a keni saŋɛ so nɛ e beeŋ boo, a wora chilchil be asheŋ na. Loŋ be saŋɛ na nɛ men mɔ mo. Men sa maaŋ kaa lɔ kufu, ŋkpal manɛ so, meeŋ sɔ kumo be turju kikɛ n deŋi ma kumu so!”

Nshɛ 118:12

B daŋ ba mel ma so fanɛ emushoŋ nna, ama Enyɛnpe Ebɔrɛ na be ketre to, b daŋ chɔɔ m mur nna fanɛ edɛ ka tɔr afitiri wɔlso so na.

Nshɛ 68:2

Shin nɛ b pesaŋ to fanɛ edishi. Shin nɛ b ŋalga fo anishito fanɛ kananɛ kemushoŋmar bee ŋalga edɛ to na.

Ɛksodɔs 15:7

Fo kemaŋkura nɛ eleŋgboŋ wɔ kumo to na nɛ fo ta m pɔɔ bumo nɛ b kishi fo na so. Fo agbogboŋ nɛ k bee ji fanɛ edɛ be kuwuloŋ na a chɔɔ bumo burburbi fanɛ atuweklaŋ na m mur.

Ɛksodɔs 5:12

Ndoŋ nna nɛ Israɛlebi pesaŋ to n sɔ Ijipt be kasawule so kikɛ a keni a fin afitiri nɛ baa ta a wɔtɔ eshii to a kuya ebirkesi na.

Aizaaya 27:4

Kumo be kaman, m maŋ naŋ nya agbo n wɔtɔ ndibi sɔrso be kudɔ na. Nɛ fanɛ ewi be yiri yiri kɔr kumo to gba, meeŋ tia amo kikɛ n chɔɔ m mur cheche.

Aizaaya 47:14

Basa nɛ b yirda achɛkpabi baa du fanɛ atuweklaŋ nɛ abee ji edɛ nsaa maaŋ tiŋ m mɔlga amo be amu nna. Esa kama maaŋ tiŋ n ta atuweklaŋ m puga edɛ n daŋɛ ajibi. Atuweklaŋ maaŋ tiŋ n wɔl esa edɛ awo to n chɛr.

Aizaaya 5:24

Kananɛ atuweklaŋ nɛ afitiri bee wɔl nsaa ji edɛ na nɛ menyi alɛ gba beeŋ ji edɛ nɛ menyi be nliŋi e bɛ nɛ menyi be atoto malɛ e wɔl nɛ afu e gbaŋgbaŋ amo n lɛ! Ŋkpal manɛ so, men kini kesɔ Enyɛnpetale Israɛl be Ebɔrɛ cheembi na be keŋini na.

Aizaaya 56:12

Kusɔ nɛ basa nɛ baa boo nsa bee kaŋɛ e la fanɛ men shin nɛ an ya nuu nsa m boo kananɛ anyee sha. Echefo peya e baa chɔ kabre peya!”

Aizaaya 9:18

Basa na be kumu kpakpaso bee salga to fanɛ edɛ nɛ k bee chɔɔ kiyi a ji afitiri wɔlso a mur na nna. K du fanɛ edɛ ka ji kupo n loge nɛ edishi bee kaa na nna.

Jɛremaya 51:39

Akoŋ ka kɔ bumo ere bre, meeŋ wora kejigboŋ n sa bumo. Baaŋ ji bumo be amu nseŋ boo; kumo be kaman nɛ b dese n di, nsaa maaŋ naŋ koso kikɛ!

Jɛremaya 51:57

Ma, Enyɛnpetale Ebɔrɛ nɛ n la Ewura kashenteŋto na, bee nase kɔnɔ fanɛ meeŋ shin nɛ Babilɔn be benimuana nɛ benyiashempo nɛ bejuŋkparpo nɛ benapo kikɛ e boo, nseŋ dese n di a maaŋ naaŋ tiŋ ŋ koso kikɛ.

Maika 7:4

Bumo to be basa nɛ bumo be kebaawɔtɔ niŋi nɛ baa ji kashenteŋ gba maŋ bɔ. B du fanɛ ewidibi nna. To, kachɛ fo nɛ Ebɔrɛ e gberge edimɛdi kusoe, fanɛ kananɛ e bɔla anebiana na so ŋ kpele bumo kusoe na. Naniere bumo be nfɛra wulto nna.

Nahum 3:11

Ninɛve, fo alɛ gba beeŋ nuu nsa m boo m baŋ so nseŋ shile fo doŋana so n ya ŋana m mɔlga fo kumu.

Malakai 4:1

Enyɛnpetale na yɛ: “Kachako bee ba nɛ basa nɛ b kpeŋ nɛ belubiworapoana kikɛ e chɔɔ fanɛ atuweklaŋ. Kumo be kachɛ na baaŋ chɔɔ m mur cheche nɛ bumo be kusɔ kama maaŋ ka.

1 Samuɛl 25:36

Abigɛl ka bɛta n yɔ nɛ mo kul Nabaal wɔ laŋ to a wora kejigboŋ fanɛ ewura ka wora kejigboŋ na. E daŋ boo nna le chil; ŋkpal loŋ so, Abigɛl daa maŋ kaŋɛ mo shɛŋ hale nɛ kare ya chɛ kachipurso.