Matiu 9:35 - EBƆRƐ BE KAWƆL

³⁵ Kumo be kaman nɛ Yesu yɔ ndegboŋana nɛ ndewurbiana na kikɛ to n ya kaa ŋini basa abɔrɛsheŋ ashi bumo be nshɛrbuana to nsaa bɔ Ebɔrɛ be kuwura na to be baru lela na a sa basa nseŋ naa chɛ basa be alɔ nɛ ebesa be yiri kikɛ.

Matiu 9:35 ပူးပေါင်းရင်းမြစ်များ

Matiu 10:1

Nɛ Yesu tre mbe bebɛsopo kuduanyɔ na m ba shɛr nseŋ sa bumo eleŋ nɛ b baa tiŋ a ju mbuibi lubi basa to nsaa tiŋ a chɛ kulɔ nɛ eyur to be ebesa be yiri kikɛ.

Matiu 11:1

Yesu ka kaŋɛ mbe bebɛsopo kuduanyɔ na asɔ nɛ a daga fanɛ b wora na kikɛ n loge nɛ e lar ndoŋ n yɔ nɛ e ya ŋini abɔrɛsheŋ nseŋ bɔ kubɔya na n sa nde nɛ a taga to ndoŋ na to ebi.

Matiu 11:5

Mee shin nɛ betanpo bee wu nɛ ebobi bee nite nɛ bebotipo bee nyalɛ so nɛ ekpawu bee nu nɛ bubuni bee tiŋi luwu to nɛ bebɔlpo malɛ bee nya a nu baru lela na be asheŋ.

Maak 1:14

B ka ti Jɔn ebu na be kaman nɛ Yesu yɔ Galili be kasawule so n ya malga Ebɔrɛ be baru lela na. E yɛ:

Maak 6:56

Kaplɛkama malɛ nɛ Yesu daŋ yɔ, ndewurbi to ŋko ndegboŋ to ŋko ndɔana to, basa daa ta bumo be belɔpo nna a lar kowu a kule mo fanɛ e baŋ wora ania n shin nɛ belɔpo na e nya mbe kusɔbuuso be kɔnɔ so gba m beta. Bekama malɛ kikɛ nɛ b beta kumo nya alenfia.

Maak 6:6

Nɛ Yesu kulti ndoŋ be ndewurbi na kikɛ to n ya kaa ŋini basa abɔrɛsheŋ.

Luuk 13:22

Ade be kaman nɛ Yesu pɛ Jerusalɛm be ekpa m bɔla ndegboŋana nɛ ndewurbiana to a ŋini basa abɔrɛsheŋ a yɔ.

Ashuŋ Shunso 10:38

Men nyi Nazarɛt be Yesu na be asheŋ nɛ kananɛ Ebɔrɛ lara mo nseŋ shin nɛ Kiyoyu Cheeŋ na nɛ eleŋ ba mo so. E daŋ yɔ kaplɛkama n ya wora kelela nseŋ chɛ basa damta nɛ b daa wɔ Setani be enɔ to na, ŋkpal manɛ so, Ebɔrɛ daa wɔ mo to.

Ashuŋ Shunso 2:22

Israɛlebi, men nu nfe, Ebɔrɛ ŋini menyi fanɛ Nazarɛt be Yesu na shi mo kutɔ nna, ŋkpal e ka bɔla Yesu na so n wora emamachisheŋ nɛ Ebɔrɛ be etɔɔnɛsheŋ nɛ asheŋ ŋiniso damta menyi be anishito nfe so. Menyi gbagba baa nyi amo be asheŋ.