Matiu 9:23 - EBƆRƐ BE KAWƆL

²³ Kede be kaman nɛ Yesu yɔ Juwebi be enimu na pe n ya wu keeli na to be nlopifompoana na nɛ kebagato nɛ k daa wɔ basa na to na nseŋ ponte bumo so ŋ kaŋɛ:

Matiu 9:23 ပူးပေါင်းရင်းမြစ်များ

2 Kronikɛls 35:25

Ndoŋ nna nɛ anebi Jɛremaya wora ewura Josaya be keeli be kashɛ. Israɛl be benyɛn nɛ beche kra boŋ kashɛ na a nyiŋi ewura Josaya be luwu saŋkama. Loŋ be kashɛ na wɔ Israɛlebi be nli be nshɛ be kawɔl to.

Jɛremaya 16:6

Betirpo nɛ damawuraana kikɛ beeŋ wu kasawule ere so, nɛ esa kikɛ maaŋ shu bumo be nli ŋko m puli bumo gba kuraa. Menyi to be ekama maaŋ ku mbe eyur ŋko n she mbe emin a ŋini fanɛ mbe kagbene jija mo ŋkpal esa ko ka wu so.

Ezikɛl 24:17

Fo alɛ e sa maŋ shin nɛ esa e nu fo ka bee shuto gba. Sa maŋ kaŋ shɛŋi fo neemu fo kumu so ŋko n lara fo asɛbta nsaa na aya fuloŋ a ŋini fanɛ fee shu keeli nna. Fo alɛ e sa maŋ buu fo anishiakpa so ŋko n ji daŋkare be ajibi nɛ basa nɛ baa shu nli bee ji na.”

Matiu 11:17

‘Manɛ e ba nɛ an laŋ ŋkure kejafɔ to n sa menyi nɛ men kini kecha? Nɛ manɛ e ba nɛ an shu keeli to n sa menyi nɛ men kini kechɛ anyi to n shu?’

Luuk 7:32

B du fanɛ mbia ka tase kelɔnɛ so ntuŋ so nna nɛ katuŋ ko to ebi bishi kuko to ebi le ere: ‘Manɛ e ba nɛ an laŋ ŋkure kejafɔ to n sa menyi nɛ men kini kecha? Nɛ manɛ e ba nɛ an shu keeli to n sa menyi nɛ men kini kechɛ anyi to n shu?’

Ashuŋ Shunso 20:10

Ndoŋ nna nɛ Pɔɔl gbelge n ya teŋi mbe kumu to n dese mo so nseŋ ta mbe enɔana m mea mo nseŋ kaŋɛ: “Men sa maa fɔŋ so, e kɔ ŋkpa.”

Ashuŋ Shunso 9:39

Nɛ Pita bela ase n tu bumo n yɔ. E ka fo ndoŋ nɛ b keta mo n yɔ esoso be ebu na to nɛ bekulpocheana na kikɛ ba kulti mo a shu nsaa ta nle nɛ asɔbuuso nɛ Dɔɔkas daŋ lue saŋɛ nɛ e daa maŋ naŋ wu na a ŋini Pita.

Kelaraŋŋini 18:22

Esa maaŋ naŋ nu ejaŋjilaŋlampoana be asheŋ ŋko nshɛbompoana be asheŋ ŋko nlopifompoana be asheŋ ŋko mbelfompoana be asheŋ fo to kikɛ. Esa maaŋ naŋ wu basa nɛ baa shuŋ a ji yawu kama fo to. Esa malɛ maŋ naŋ nu kubo kikɛ be egbri fo to.