Matiu 9:22 - EBƆRƐ BE KAWƆL

²² Ndoŋ nna nɛ Yesu kilgi n wu mo nseŋ kaŋɛ mo le: “M pibiche, baa kɔ kagbene, fo yirda e chɛ fo na.” Epul na malɛ to nɛ kache na nya alenfia.

Matiu 9:22 ပူးပေါင်းရင်းမြစ်များ

Matiu 15:28

Ŋkpal e ka kaŋɛ loŋ na so nɛ Yesu kaŋɛ mo: “Fo la eche nɛ fo kɔ yirda nna paa. Feeŋ nya kusɔ nɛ fee sha ere.” Epul na to nɛ kache na pibi na nya alenfia.

Matiu 17:18

B ka bar mo mo kutɔ nɛ e fiɛ kiyoyu lubi na so nɛ k lar kebia na to nɛ e nya eleŋ epul na to.

Matiu 8:13

Ade kikɛ be kaman nɛ Yesu kaŋɛ Romebi be benapo be enimu na le: “Baa yɔ epe, kusɔ nɛ fo yirda ere beeŋ wora loŋ n sa fo.” Epul na malɛ to nɛ kenya na nya alenfia.

Matiu 9:2

Ndoŋ nna nɛ basa ko sulɔ eyurwusowura ko mbe kekpata so m ba nɛ b ba sa mo. Yesu ka wu yirda nɛ basa nɛ b bar mo na kɔ nɛ e kaŋɛ eyurwusowura na: “Baa kɔ kagbene, m pibinyɛn. N ta fo alubi m paŋ fo.”

Matiu 9:29

Nɛ Yesu beta bumo be anishiana nseŋ kaŋɛ: “To, kanaŋkamaso nɛ men yirda, menyeeŋ nya kumo be loŋ be kechɛto.”

Maak 10:52

Nɛ Yesu kaŋɛ mo: “Baa yɔ, fo yirda e chɛ fo.” Epul na to nɛ e nya mbe anishi a wu nseŋ bɛ Yesu so ekpa na to.

Maak 5:34

Nɛ Yesu kaŋɛ mo: “M pibiche, fo yirda e chɛ fo. Baa yɔ nɛ kagbenewushi. Fo nya alenfia.”

Luuk 17:19

Nɛ Yesu kaŋɛ emo nɛ e bɛta m ba na le: “Niŋi to ŋ koso m pɛ fo ekpa a yɔ. Fo yirda e chɛ fo.”

Luuk 18:42

Kumo be kaman nɛ Yesu kaŋɛ mo le: “Naŋ nya fo anishi a wu. Fo yirda e chɛ fo.”

Luuk 7:50

Nɛ Yesu kaŋɛ kache na: “Baa yɔ nɛ kagbenewushi, fo yirda e mɔlga fo.”

Luuk 8:48

Nɛ Yesu kaŋɛ mo: “M pibiche, fo yirda e chɛ fo. Baa yɔ nɛ kagbenewushi.”

Baru lela nɛ Jɔn kute na 4:53

Ndoŋ nna nɛ etuto na nyiŋi fanɛ kumo be saŋɛ na so gbagba nɛ Yesu kaŋɛ le na: “Fo pibi na maaŋ wu.” Ndoŋ nna nɛ mo nɛ mbe kowu to ebi kikɛ yirda Yesu.

Ashuŋ Shunso 14:9

Pɔɔl ka bee bɔ kubɔya na nɛ e wu kananɛ kanyɛn na kaŋ kusoe a nu kamalga na nɛ kananɛ e kɔ yirda a beeŋ tiŋ n nya kechɛ. Nɛ Pɔɔl keni mo diimbi nseŋ malga awɔrso ŋ kaŋɛ: “Niŋi to n teŋ to n yili fo aya so.”

Ashuŋ Shunso 16:18

E daŋ malga loŋ nchɛ damta nɛ kachako Pɔɔl be kagbene jija mo ga nɛ e gben ŋ kilgi ŋ kaŋɛ kiyoyu lubi na: “Yesu Kristo be ketre to nɛ mee kaŋɛ fo na: Lar kebichebi ere to!” Epul na gbagba to nɛ kiyoyu lubi na lar kebichebi na to.

Hibruwebi 4:2

Ŋkpal manɛ so, kananɛ baru lela na daŋ ba anyi to nɛ an nu kumo na gbagba na nɛ bumo alɛ gba daŋ nya kumo. Ama kumo alɛ daa maŋ wora bumo shɛŋ, ŋkpal manɛ so, b ka daŋ nu kumo na, b daa maŋ ta yirda n sɔ kumo.