Matiu 9:2 - EBƆRƐ BE KAWƆL

² Ndoŋ nna nɛ basa ko sulɔ eyurwusowura ko mbe kekpata so m ba nɛ b ba sa mo. Yesu ka wu yirda nɛ basa nɛ b bar mo na kɔ nɛ e kaŋɛ eyurwusowura na: “Baa kɔ kagbene, m pibinyɛn. N ta fo alubi m paŋ fo.”

Matiu 9:2 ပူးပေါင်းရင်းမြစ်များ

Kaŋinichiŋgeliŋ 9:7

Baa ji a nuu kagbenefuliso! Kusɔ nɛ Ebɔrɛ yili dra kikɛ fanɛ fo baa wora nna na.

Aizaaya 44:22

Ma e fuge menyi be alubi fanɛ afu ka ber kuwɔlpa n ya lɛ na nna. Men bɛta m ba ma kutɔ. Ma e la esa nɛ e bee mɔlga menyi.”

Matiu 14:27

Epul na to nɛ Yesu malga bumo kutɔ ŋ kaŋɛ: “Men keta kagbene, ma nna. Men sa maa lɔ kufu.”

Matiu 4:24

Amoso mbe ketre daŋ sɔ Siriya kikɛ to nna nɛ basa bar mo belɔpo nɛ bumo be alɔ be nnaŋ to kikɛ, bumo nɛ b daa wɔ ebesa to nɛ bumo nɛ mbuibi lubiana daŋ tɔr so nɛ kegbuŋgbuŋwuraana nɛ eyurwusowuraana kikɛ nɛ e chɛ n chɛ bumo.

Matiu 6:12

nseŋ ta anyi be alubi m paŋ anyi fanɛ kananɛ anyi alɛ gba ta m paŋ bumo nɛ b wora n da anyi so na.

Matiu 8:10

Yesu ka nu mbe kamalga na nɛ k chinchiŋ mo ga nɛ e kilgi ŋ kaŋɛ basa nɛ b daŋ bɛ mo so na le: “Ma e kaŋɛ menyi na fanɛ Israɛl be efuli so ebi gba to m maŋ naŋ wu le be yirda kikɛ.

Matiu 8:16

Kaboŋ ka bee jija to nɛ basa bar bumo be basa nɛ mbuibi lubi tɔr so na be bedamta Yesu kutɔ nɛ e ta kamalga koŋwule n ju n ju mbuibi lubiana na bumo to nseŋ chɛ bekama nɛ b daa lɔ na kikɛ nyam.

Matiu 9:22

Ndoŋ nna nɛ Yesu kilgi n wu mo nseŋ kaŋɛ mo le: “M pibiche, baa kɔ kagbene, fo yirda e chɛ fo na.” Epul na malɛ to nɛ kache na nya alenfia.

Matiu 9:5

“Manɛ nna nɛ menyee fɛ le be nfɛra lubi? Ma ketiŋ ŋ kaŋɛ kanyɛn ere: ‘N ta fo alubi m paŋ fo’, e du ma so kpakpa ŋko ma ketiŋ ŋ kaŋɛ mo: ‘Koso n nite’, e du ma so kpakpa?

Matiu 9:6

To, meeŋ ŋini menyi fanɛ ma, Nyiŋgbasa Pibinyɛn kɔ ekpa durnya to nɛ n ta alubi m paŋ.” Kamalga ere be kaman nɛ e kaŋɛ eyurwusowura na: “Niŋi to n ta fo kekpata n yɔ epe.”

Maak 1:32

Epeŋi ka tɔr nɛ kaase fo nɛ basa bar bumo be belɔpo kikɛ nɛ bumo nɛ mbuibi lubi tɔr so na Yesu kutɔ.

Maak 10:49

Ndoŋ nna nɛ Yesu yili ŋ kaŋɛ: “Men tre mo.” Nɛ b tre tanponyɛn na ŋ kaŋɛ mo: “Koso a kɔ kagbene, e bee tre fo.”

Maak 5:34

Nɛ Yesu kaŋɛ mo: “M pibiche, fo yirda e chɛ fo. Baa yɔ nɛ kagbenewushi. Fo nya alenfia.”

Maak 6:50

Ŋkpal manɛ so, bumo kikɛ daŋ wu mo nna nɛ kufu pɛ bumo ga. Epul na to nɛ Yesu malga bumo kutɔ ŋ kaŋɛ: “Men keta kagbene, ma nna. Men sa maa lɔ kufu.”

Baru lela nɛ Jɔn kute na 16:33

Ŋ kaŋɛ menyi asheŋ ere nna, saŋɛ na so, menyeeŋ bɔla ma so n nya kagbenewushi. Menyeeŋ nya tɔrɔ durnya ere to, ama men baa kɔ kagbene, ma e pɔɔ durnya ere so.”

Baru lela nɛ Jɔn kute na 2:25

E daa maŋ naa sha dimɛdi kikɛ ka chɛ mo to ŋ ŋini mo kananɛ basa du, ŋkpal manɛ so, e daa nyi kusɔ nɛ k wɔ dimɛdi to.

Baru lela nɛ Jɔn kute na 21:5

Ndoŋ nna nɛ e tre bumo m bishi bumo: “Mbrantiɛ, men maŋ pɛ kɔrɔtɔ kama a?” Nɛ b kaŋɛ mo: “Ayai, anyi maŋ pɛ shɛŋ.”

Ashuŋ Shunso 14:9

Pɔɔl ka bee bɔ kubɔya na nɛ e wu kananɛ kanyɛn na kaŋ kusoe a nu kamalga na nɛ kananɛ e kɔ yirda a beeŋ tiŋ n nya kechɛ. Nɛ Pɔɔl keni mo diimbi nseŋ malga awɔrso ŋ kaŋɛ: “Niŋi to n teŋ to n yili fo aya so.”

Ashuŋ Shunso 19:12

B daa ta Pɔɔl be antikiana nɛ mbe kushuŋ to be asɔbuuso gba nna n ya kaa sa belɔpo nɛ a bee shin nɛ basa na be alɔ nɛ ayoyu lubiana malɛ gba bee lar bumo to.

Ashuŋ Shunso 23:11

Kumo be kamɔnchɛ be kanyɛso nɛ Enyɛnpe ba yili Pɔɔl kutɔ nseŋ kaŋɛ mo: “Baa kɔ kenyɛn. Kananɛ fo ji ma shɛda ashi Jerusalɛm to ere nɛ fee naŋ yɔ Rom malɛ n ya wora.”

Romebi 5:11

Mannɛ aloŋ gba nawule so nna, ŋkpal manɛ so, an bɔla an Nyɛnpe Yesu Kristo nɛ e shin nɛ anyi nɛ Ebɔrɛ naŋ nyalɛ na so n nya kagbenefuli ŋkpal Ebɔrɛ so n ti so.

Jeems 2:18

Nɛ menyi to be ekama kaŋɛ ma fanɛ esa ko wɔtɔ a kɔ yirda nɛ eko malɛ wɔtɔ a kɔ yirda be ashuŋ shunso, meeŋ kaŋɛ amodoŋwura fanɛ e ŋini ma kananɛ esa beeŋ wora ŋ kini yirda be ashuŋ shunso be kewora nsaa bɛ Ebɔrɛ so nɛ kashenteŋ. Kumo be kaman nɛ ma alɛ e bɔla ma ashuŋ shunso so ŋ ŋini mo kananɛ kashenteŋ be yirda du.