Matiu 8:32 - EBƆRƐ BE KAWƆL

³² Nɛ Yesu kaŋɛ bumo: “Men baa yɔ.” Ndoŋ nna nɛ b lar n ya luri epreku na to nɛ epreku na kikɛ shile m bɔla kebee na be kaseto n ya luri kepagboŋ na to m mur.

Matiu 8:32 ပူးပေါင်းရင်းမြစ်များ

1 Bewura 22:22

Nɛ Enyɛnpe Ebɔrɛ bishi mo le: ‘Ekpa mo so nɛ feeŋ bɔla n shin nɛ e yɔ?’ Nɛ kiyoyu na kaŋɛ: ‘Meeŋ ya shin nɛ Ahab be anebiana kikɛ e fule mo.’ ” Nɛ Enyɛnpe Ebɔrɛ na kaŋɛ: “Ya wora loŋ. Feeŋ pɔɔ so.”

Matiu 8:31

nɛ mbuibi lubiana na kule Yesu ŋ kaŋɛ: “Nɛ fee sha keju anyi basa ere to, fo shin nɛ an ya luri epreku ere to.”

Matiu 8:33

Eprekukpapoana na ka wu loŋ nɛ b shile n yɔ kade to n ya bɔ kumo be kubɔya n sa basa na nseŋ naŋ kaŋɛ bumo kusɔ nɛ k wora basa anyɔ nɛ mbuibi lubiana na daa wɔ bumo to na.

Maak 5:13

“Shin nɛ an ya luri epreku ere to.” Nɛ e sa bumo ekpa. Nɛ ayoyu lubi na lar kanyɛn na to n ya luri epreku na to. Epreku na kikɛ daŋ fo ŋgboŋ anyɔ n shile m bɔla kebeebi na be kaseto n ya luri kepagboŋ na to m mur.

Luuk 8:33

Nɛ b lar kanyɛn na to n ya luri epreku na to nɛ epreku na kikɛ shile m bɔla kebeebi na be kaseto n ya luri kepagboŋ na to m mur.

Ashuŋ Shunso 2:23

Ebɔrɛ gbagba be kasha nɛ kashennyi so nɛ e daŋ yili kumo saŋɛ na kikɛ fanɛ baaŋ ta Yesu m bɔɔ menyi enɔ. Menyi shin nɛ basa lubi gbir mo m mata kedibi largato so m mɔ.

Ashuŋ Shunso 4:28

Kusɔ nɛ fo daŋ nase fanɛ k wora na gbagba chap nɛ b daŋ shɛr n wora. Ŋkpal fo eleŋ nɛ fo kebaasha kumo be loŋ na so e shin nɛ fo daŋ yili kumo loŋ.

Kelaraŋŋini 20:7

Nfɛ kagboŋ na be kaman, baaŋ saŋɛ Setani ashi mbe kabuti to.