Matiu 8:3 - EBƆRƐ BE KAWƆL

³ Ndoŋ nna nɛ Yesu teŋi mbe enɔ to m beta mo nseŋ kaŋɛ mo: “Mm, k par ma. Keboti lar mo to!” Epul na to nɛ keboti na lar mo to nɛ e nyalɛ so.

Matiu 8:3 ပူးပေါင်းရင်းမြစ်များ

Jɛnesis 1:3

Ndoŋ nna nɛ Ebɔrɛ kaŋɛ: “Shin nɛ kefulto e lar n fulto.” Epul na to nɛ kaboŋ fulto par.

2 Bewura 5:11

Ama Neeman daŋ nya agbo nna a munto a yɔ a kaŋɛ le: “N fɛ fanɛ e beeŋ lar m ba ŋ kutɔ nna m ba teŋi mbe enɔ n shoŋi ma nseŋ kule mo Nyɛnpe Ebɔrɛ na n sa ma nɛ n nya alenfia!

2 Bewura 5:14

B ka kaŋɛ loŋ na nɛ Neeman yɔ Jɔɔdan be lɔr na to n ya muni kumo to ale shunu nɛ mbe keboti na kikɛ yɔ fanɛ kananɛ anebi Elaisha kaŋɛ na gbagba chap. Nɛ mbe kayurwule nyalɛ so a du fanɛ kebibi be kayurwule.

Nshɛ 33:9

Mo e malga nɛ durnya fara. Mo e kaŋɛ nɛ kusɔ kama ba.

Ɛksodɔs 4:7

Ndoŋ nna nɛ Enyɛnpe Ebɔrɛ naŋ kaŋɛ mo: “Naŋ ta fo enɔ n wɔtɔ fo piŋi to.” Nɛ Mosis naŋ ta mbe enɔ n wɔtɔ mbe piŋi na to. E ka naŋ lara kumo nɛ k naŋ nyalɛ so ŋ ki mbe kayurwule gbagba.

Matiu 12:13

Kumo be kaman nɛ e kaŋɛ kanyɛn na: “Teŋi fo enɔ to.” E ka teŋi kumo to nɛ k nya eleŋ a du fanɛ enɔ nyɔsopo na.

Maak 1:41

Nɛ kuwɔr pɛ Yesu nɛ e teŋi enɔ m beta mo ŋ kaŋɛ: “Mm, k par ma. Keboti, lar mo to.”

Maak 4:39

Nɛ Yesu koso m ponte afu na so: “Lo dindiŋ!” nseŋ kaŋɛ kepa na: “Yɔɔ boeŋ!” Ndoŋ nna nɛ afu na lo dindiŋ, nɛ kakpa na kikɛ wora shruum.

Maak 5:41

Ndoŋ nna nɛ e pɛ mbe enɔ to ŋ kaŋɛ mo: “Talita kum.” Kumo e la fanɛ “Kebichebi, ma e kaŋɛ fo: Niŋi to.”

Maak 7:34

Kumo be kaman nɛ Yesu keni esoso n shu to ŋ kaŋɛ kanyɛn na be asoe: “Ɛfata!” Kumo e la fanɛ “Men bugi to!”

Maak 9:25

Yesu ka wu fanɛ jimaŋ na bee wora keshi mo so nɛ e fiɛ kiyoyu lubi na so ŋ kaŋɛ: “Kpawu nɛ neemu be kiyoyu lubi, lar kebinyɛnbi na to nsaa maŋ naŋ bɛta n yɔ mo to kikɛ.”

Luuk 4:27

Anebi Elaisha malɛ be jemanɛ na bebotipo damta e daa wɔ Israɛl be efuli so, ama Ebɔrɛ daa maŋ shin nɛ e chɛ bumo be ekama she Neeman nɛ e shi Siriya na.”

Luuk 5:13

Nɛ Yesu teŋi enɔ to m beta mo nseŋ kaŋɛ: “Mm, k par ma. Keboti lar mo to.” Epul na to nɛ keboti na lar kanyɛn na to.

Luuk 7:14

Kumo be kaman nɛ e yɔ n ya beta deka nɛ ebuni na daa wɔ to na nɛ basa nɛ b daŋ sulɔ ebuni na yili. Nɛ Yesu kaŋɛ: “Kabrantiɛbia, ma e kaŋɛ fo na: Niŋi to.”

Baru lela nɛ Jɔn kute na 11:43

Yesu ka malga le n loge nɛ e tre awɔrso ŋ kaŋɛ: “Lazɔrɔs, lar m ba!”

Baru lela nɛ Jɔn kute na 15:24

Nɛ fanɛ n daa maŋ wora emamachisheŋ nɛ esa kikɛ maŋ naŋ wora ere bumo to nna, b daa maaŋ tɔr alubi be ntaŋ, ama naniere b wu emamachisheŋ ere kikɛ, bumo alɛ kraa kishi ma nɛ n Tuto na kikɛ.

Baru lela nɛ Jɔn kute na 5:21

Ŋkpal manɛ so, kananɛ Etuto na bee tiŋi basa luwu to a sa bumo ŋkpa na, loŋ gbagba nna nɛ ma, Ebinyɛn na bee sa basa nɛ mee sha ŋkpa.