Matiu 8:29 - EBƆRƐ BE KAWƆL

²⁹ B ka baŋ wu Yesu epul na to nɛ b boŋ to ŋ kaŋɛ: “Ebɔrɛ Pibinyɛn, manɛ nɛ fee fin anyi to? Fo ba nna nɛ fo ba tɔrɔ anyi pɔɛŋ nɛ kachɛ na gbagba e fo a?”

Matiu 8:29 ပူးပေါင်းရင်းမြစ်များ

2 Samuɛl 16:10

Nɛ ewura na kaŋɛ Abishai nɛ mo da Jɔab: “Nnɛ nɛ k nya menyi! Nɛ fanɛ Enyɛnpe Ebɔrɛ na e kaŋɛ mo fanɛ e sho ma kɔnɔ, wanɛ malɛ e wɔtɔ nɛ e tiŋ m bishi kusɔ nɛ k ba nɛ e wora loŋ?”

2 Samuɛl 19:22

Ama Deevid daŋ kaŋɛ Abishai nɛ mo da Jɔab nna le: “Menyi e naa ŋini ma kusɔ nɛ meeŋ wora a? Ŋko asheŋ nɛ menyee sha nɛ men fin n sa ma a? Naniere bre, ma e la Israɛl kikɛ be ewura, ma alɛ maa sha fanɛ b mɔ Israɛl be esa kikɛ kabre.”

1 Bewura 17:18

Ndoŋ nna nɛ ekulpoche na kaŋɛ anebi Elaija le: “Ebɔrɛ be esa, manɛ nna nɛ fo wora ma le? Fo ba nfe nna nɛ fo ba kaŋɛ Ebɔrɛ alubi nɛ n wora saŋɛ na so ma kebia beeŋ wu a?”

2 Bewura 3:13

Nɛ Elaisha kaŋɛ Israɛl be ewura na le: “Manɛ nɛ ma nɛ fo kɔ nɛ mee chɛ fo to? Yɔ n ya bishi efuli pɔtɛana so be agbir nɛ fo tuto nɛ fo nio bee yɔ amo kutɔ n ya ka sɔ nfɛra na.” Nɛ ewura Joram kaŋɛ: “M-m, Enyɛnpe Ebɔrɛ na e bar anyi bewura asa ere nɛ anyi be benapo nfe nɛ Mowab be ewura e kɔ m pɔɔ anyi so.”

2 Kronikɛls 35:21

nɛ ewura Neeko ta le be kubɔya ere n sa ewura Josaya. E yɛ: “Juda be ewura, fo kɔnɔ maŋ ti kena nɛ mee kɔ ere so. Mannɛ fo nɛ m ba nɛ m ba kɔ, ndoŋana nɛ m ba nɛ m ba kɔ nɛ Ebɔrɛ kaŋɛ ma fanɛ n wora loŋ manaŋ. Ebɔrɛ wɔ ma kaman, amoso sa maŋ kuŋ ma akpa, nɛ mannɛ aloŋ e beeŋ mur fo.”

Jowɛl 3:4

Tayaebi nɛ Sidɔnebi, nɛ menyi kama nɛ men wɔ Filisti be nsawule so na kikɛ; manɛ nɛ menyee sha kewora ma ere? Menyee sha kewora ma n tal to nna ŋko? To, nɛ k la loŋ bre, meeŋ juŋkpar n wora menyi pɔɛŋ nɛ men nya ekpa n wora ma n tal to.

Matiu 4:3

Ndoŋ nna nɛ echɔŋkenipo na ba mo kutɔ m ba kaŋɛ mo le: “Nɛ fo baa la Ebɔrɛ Pibinyɛn gbagba nna, fo shin nɛ ajembu ere e ki ebodobodo.”

Matiu 8:30

Jemanɛ na so nɛ epreku damta ko daŋ taga to ndoŋ a ji

Maak 1:24

“Nazarɛt be Yesu, manɛ nɛ fee fin anyi kutɔ? Fo ba nna nɛ fo ba mur anyi a? N nyi fo! Fo e la Ebɔrɛ be Esa cheembi na.”

Maak 3:11

Saŋkama nɛ ayoyu lubi nɛ b wɔ basa to na baŋ wu Yesu, b daa shin nɛ basa na bee lar nna a tɔr mbe anishito a boŋ to a kaŋɛ: “Fo e la Ebɔrɛ Pibinyɛn na.”

Maak 5:7

“Yesu, Ebɔrɛ Enyɛnpetale Pibinyɛn, manɛ nɛ fee fin ma to? Ebɔrɛ so, mee kule fo nna, sa maŋ tɔrɔ ma.”

Luuk 4:34

“Hei, Nazarɛt be Yesu manɛ nɛ fee fin anyi kutɔ? Fo ba nna nɛ fo ba mur anyi a? N nyi fo. Fo e la Ebɔrɛ be Esa cheembi na!”

Luuk 4:41

Mbuibi lubiana gba daŋ lar basa damta to m boŋ to ŋ kaŋɛ: “Fo e la Ebɔrɛ Pibinyɛn na.” Ama Yesu daŋ fiɛ bumo so a maŋ shuli nɛ mbuibi lubi na kaŋɛ shɛŋ, ŋkpal manɛ so, b nyi e ka la Kristo na.

Luuk 8:28

E ka wu Yesu nɛ e boŋ to eleŋso nseŋ ba gbir mbe anishito nseŋ malga awɔrso m bishi: “Yesu, Ebɔrɛ Enyɛnpetale Pibinyɛn, manɛ nɛ fee fin ma to? Mee kule fo nna, sa maŋ tɔrɔ ma.”

Baru lela nɛ Jɔn kute na 2:4

Nɛ Yesu kaŋɛ: “Kache manɛ, fee sha keŋini ma asheŋ be kewora nna a? Ma saŋɛ maŋ naŋ fo.”

Ashuŋ Shunso 16:17

Ndoŋ nna nɛ e bɛ anyi nɛ Pɔɔl so a ponte a kaŋɛ: “Basa ere la Enyɛnpetale Ebɔrɛ be anya nna. Baa kaŋɛ menyi kananɛ menyeeŋ tiŋ n nya kumɔlga nna.”

Jeems 2:19

Fo yirda fanɛ Ebɔrɛ koŋwule e wɔtɔ. To, fo wora nɛnɛ, ama baa nyi fanɛ mbuibi lubi gba bee shuli fanɛ Ebɔrɛ koŋwule e wɔtɔ nɛ kumo alɛ bee keta bumo kufu nɛ baa chicha.

2 Pita 2:4

Ŋkpal manɛ so, nɛ Ebɔrɛ maŋ yige emalaika mo nɛ b daŋ wora alubi na gba nseŋ daŋ yɛra bumo kemaŋ nɛ baa tre abis to na nɛ b ya kaa kɔ bumo to tentembiri to mina a jo demujiachɛ na,

Juud 1:6

Men baa nyiŋi emalaika mo nɛ b daa maŋ shuli a wɔ kakpa nɛ Ebɔrɛ daa sha fanɛ b baa wɔ na be asheŋ. B daŋ shile ndoŋ nna ŋkpal k ka daa maŋ bɔlɔ bumo kenishi so. Naniere b ta ŋgbɛlɛbi mo nɛ esa maaŋ tiŋ n tuge kikɛ nna ŋ kre bumo n wɔtɔ tentembiri be kakpa a jo kachɛgboŋ mo nɛ Ebɔrɛ beeŋ ji bumo demu na.

Demujipoana 11:12

Kumo be kaman nɛ Jɛfta shuŋi mbɔ Ammɔn be ewura kutɔ nɛ b ya bishi mo le: “Manɛ nɛ an wora fo nɛ fo kre kena m ba nɛ fo ba kɔ anyi?”