Matiu 8:25 - EBƆRƐ BE KAWƆL

²⁵ Ndoŋ nna nɛ bebɛsopo na ya tiŋi Yesu ŋ kaŋɛ mo: “Enyɛnpe, mɔlga anyi, anyee shin nɛ an mur nna na.”

Matiu 8:25 ပူးပေါင်းရင်းမြစ်များ

2 Kronikɛls 14:11

Ndoŋ nna nɛ ewura Asa kule Enyɛnpe mbe Ebɔrɛ na ŋ kaŋɛ le: “O Enyɛnpe Ebɔrɛ, fo nawule e naa tiŋ a chɛ benapo pɔshipo to nɛ baa tiŋ a kɔ a pɔɔ benapo lempo so. Amoso, an Nyɛnpe nɛ anyi be Ebɔrɛ, ba chɛ anyi to naniere, ŋkpal manɛ so, fo nɛ anyee fute a yige so. Fo ketre be eleŋ na malɛ to nɛ an ba nɛ an ba kɔ benapo damta ere na. Enyɛnpe, fo e la anyi be Ebɔrɛ. Esa kama malɛ maŋ wɔtɔ nɛ e beeŋ tiŋ m pɔɔ fo so.”

2 Kronikɛls 20:12

Fo e la anyi be Ebɔrɛ! Gberge bumo kusoe ŋkpal manɛ so anyi ere maŋ kɔ eleŋ nɛ an kɔ benapo damta nɛ baa ba nɛ b ba kɔ anyi kena ere. Anyi maŋ nyi kananɛ anyeeŋ wora ama anyee kule fo nna nɛ fo chɛ anyi to.”

Nshɛ 10:1

Enyɛnpe Ebɔrɛ, Manɛ nna nɛ k du fanɛ fo ka kplaŋ ma so loŋ? Manɛ nna nɛ fee ta fo kumu a ŋana ma so saŋɛ nɛ n wɔ tɔrɔ to?

Jona 1:6

Ndoŋ nna nɛ kuloŋgboŋ na be befarpo na be enimu yɔ Jona kutɔ n ya kaŋɛ mo le: “Fo ere dese a di nna a? Koso a shu a tre fo Ebɔrɛ. Ashere e beeŋ mɔlga anyi, nɛ an sa maŋ mur.”

Matiu 8:2

Ndoŋ nna nɛ botipo ko ba mo kutɔ m ba gbir mbe anishito nseŋ kaŋɛ mo le: “Enyɛnpe, nɛ k par fo, feeŋ tiŋ n shin nɛ n nyalɛ so.”

Matiu 8:24

Epul to nɛ afugboŋ ko ber m ba kepagboŋ na so nɛ atili kaa nchu na so a sha keluri ekuloŋ na to, ama saŋɛ na so nɛ Yesu bee di.

Matiu 9:18

Yesu ka daŋ kraa malga basa na kutɔ na nɛ Juwebi be enimu ko ba m ba gbir mbe anishito nseŋ kaŋɛ: “Naniere nɛ m pibichesobi baŋ wu, amoso, wora ania m ba ta fo enɔ n deŋi mo so nɛ e tiŋi luwu na to.”

Luuk 8:24

Ndoŋ nna nɛ b ya tiŋi Yesu ŋ kaŋɛ mo: “Enyɛnpe, Enyɛnpe, anyee shin nɛ an mur nna na!” Nɛ Yesu koso m ponte afu nɛ nchu nɛ atiliana nɛ a koso na so nɛ amo kikɛ yɔɔ nɛ kakpa na wora shruum.