Matiu 8:20 - EBƆRƐ BE KAWƆL

²⁰ Nɛ Yesu kaŋɛ mo: “Ejiŋkaamu kɔ abeelaŋ a di to nɛ mbuibi malɛ kɔ asha, ama ma, Nyiŋgbasa Pibinyɛn maŋ kɔ kakpa nɛ meeŋ dese n wushi.”

Matiu 8:20 ပူးပေါင်းရင်းမြစ်များ

Nshɛ 104:12

Mbuibi malɛ beeŋ tɔ bumo be asha ndibi nɛ a yil m mata eboŋana na be ayabi to nsaa jɔŋɛ amo so a shu.

Nshɛ 104:17

Ndibi na so nɛ mbuibi bee tɔ bumo be asha; nɛ etɔkɔrkɔ malɛ gba bee tɔ bumo be asha ashi ndibi tenteŋ nɛ baa tre fir na so.

Nshɛ 109:22

N la etirpo nɛ etentaŋasepo nɛ ebesa damta bɔlɔ ma kagbene to nna.

Nshɛ 40:17

N la etirpo nɛ etentaŋasepo nna; m maaŋ tiŋ n wora shɛŋ. Ama ma asheŋ tir fo, Enyɛnpe Ebɔrɛ na. Fo e la ma emɔlgapo, amoso jande, nya manaŋ m ba mɔlga ma.

Nshɛ 69:29

B maa keta ma nɛnɛ nɛ ebesa kɔ ma. Ebɔrɛ kuŋ ma nseŋ mɔlga ma.

Nshɛ 84:3

Enyɛnpetale Ebɔrɛ nɛ fo la ma Ewura nɛ ma Ebɔrɛ. Etitibi nɛ abɔrɛpɔpɔbi kikɛ tɔ bumo be asha nna m mata fo bɔrɛsure nsaa to a bure ndoŋ.

Danɛl 7:13

Bɔrɛdare na to nɛ n wu kusɔ ko fanɛ Nyigbasa pibinyɛn na. Awɔlpa daŋ kulti mo nna nɛ e gbelge m ba maŋ ma so n yɔ esa nɛ e maŋ kɔ sososo nɛ lalaloge na kutɔ.

Matiu 12:32

Esa kama nɛ e malga ŋ gbiti ma, Nyiŋgbasa Pibinyɛn beeŋ tiŋ n nya kumo be keyigempaŋ, ama ekama nɛ e malga ŋ gbiti Kiyoyu Cheeŋ na maaŋ nya kumo be keyigempaŋ kikɛ, jemanɛ ere so ŋko jemanɛ nɛ k bee ba na.”

Matiu 12:40

Kananɛ Jona daŋ baŋ ji nchɛ asa nɛ nnyɛ asa kɔrɔtɔgboŋ na be epun to na, loŋ gbagba na nɛ ma, Nyiŋgbasa Pibinyɛn na beeŋ ji nchɛ asa nɛ nnyɛ asa kasawule to.

Matiu 12:8

Ma, Nyiŋgbasa Pibinyɛn e la kewushiachɛ na be Enyɛnpe.”

Matiu 13:37

Nɛ Yesu kaŋɛ bumo: “Esa nɛ e duu asɔ duuso lela na e la ma, Nyiŋgbasa Pibinyɛn.

Matiu 16:13

Nɛ Yesu yɔ kasawule nɛ k taga to Sizariya Filipai be kade to na to. Ndoŋ nɛ e bishi mbe bebɛsopo le: “Esa mo nɛ basa bee tre ma, Nyiŋgbasa Pibinyɛn?”

Matiu 16:27

Ma, Nyiŋgbasa Pibinyɛn beeŋ keta ma emalaika na nɛ n Tuto be kemaŋkura m ba nseŋ ba yili ekama be ashuŋ nɛ e wora so ŋ ka mo kukɔ.

Matiu 17:9

Ndoŋ nna nɛ bumo kikɛ fara a gbelge kebee na so nɛ Yesu ji bumo asoe to ŋ kaŋɛ: “Men sa maŋ kaŋɛ esa kikɛ kusɔ nɛ men wu na be asheŋ hale nɛ ma, Nyiŋgbasa Pibinyɛn e ya tiŋi luwu to.”

Matiu 19:28

Nɛ Yesu kaŋɛ bumo: “Ma e kaŋɛ menyi kashenteŋto na fanɛ durnya popɔr na to jemanɛ nɛ ma, Nyiŋgbasa Pibinyɛn beeŋ chena ma kemaŋkura be kuwurputi na so na, menyi nɛ men bɛ ma so na malɛ gba beeŋ chena nwurputi kuduanyɔ so a ji Israɛlebi be nnaŋ kuduanyɔ na demu.

Maak 8:38

Esa kama nɛ e kpal anishinyɔr so a maaŋ tiŋ ŋ kaŋɛ kabre be bɔrɛkinipoana ere nɛ alubiworapoana ere ma nɛ ma mmalga be asheŋ, e baa nyi fanɛ saŋɛ nɛ ma, Nyiŋgbasa Pibinyɛn beeŋ keta n Tuto be kemaŋkura nɛ emalaika cheembi na m ba na, anishinyɔr beeŋ pɛ ma alɛ gba ŋkpal amodoŋwura so.”

Luuk 12:8

Ma e kaŋɛ menyi na fanɛ ekama nɛ e bugi to ŋ kaŋɛ basa to fanɛ ma e wɔ mo, ma, Nyiŋgbasa Pibinyɛn gba beeŋ wora loŋ n sa mo ashi Ebɔrɛ be emalaika be anishito.

Luuk 18:8

Ma e kaŋɛ menyi na fanɛ e beeŋ keni bumo be asheŋ na to amo be ekpa so manaŋ n sa bumo. Ama nɛ fanɛ ma, Nyiŋgbasa Pibinyɛn na kaŋ ba durnya to, meeŋ nya basa nɛ b kɔ yirda na a?”

Luuk 2:12

Kusɔ nɛ k beeŋ ŋini menyi kumo nde: Menyeeŋ wu b ka ta ewajɛ m mea kebia na n nase asɔbɔya be deka jiso to, asɔbɔya be edikpa to.”

Luuk 2:16

Ndoŋ nna nɛ b nya manaŋ n ya wu Mɛɛri nɛ Josɛf nɛ kebia na dese asɔbɔya be deka jiso to asɔbɔya be edikpa.

Luuk 2:7

Asɔbɔya be edikpa to nɛ b daa wɔ, ŋkpal manɛ so, ebu kikɛ daa maŋ naa wɔ befɔ be kowu na to. Ndoŋ nɛ e kurge mbe wurkoŋ, ebinyɛn n ta ewajɛ m mea mo nseŋ ta mo n nase asɔbɔya na be deka jiso to.

Luuk 21:36

Amoso, men baa da so saŋkama a kule Ebɔrɛ eleŋ nɛ menyeeŋ tiŋ n ta n luri asheŋ nɛ a beeŋ wora ere kikɛ to n lar nseŋ tiŋ m ba yili ma, Nyiŋgbasa Pibinyɛn be anishito.”

Luuk 8:3

Beche na be eko e daa la Joana, Kuza nɛ e daa keni Hɛrɔd be kowu so be eche na nɛ Suzana, n ta beche damta ko nɛ b daa ta bumo gbagba be asɔ a chɛ Yesu nɛ mbe bebɛsopo to na.

Luuk 9:58

Nɛ Yesu kaŋɛ mo: “Ejiŋkaamu kɔ abeelaŋ a di to nɛ mbuibi malɛ kɔ asha, ama ma, Nyiŋgbasa Pibinyɛn maŋ kɔ kakpa nɛ meeŋ dese n wushi.”

Baru lela nɛ Jɔn kute na 1:51

Kumo be kaman nɛ e kaŋɛ bumo kikɛ: “Kashenteŋ nɛ mee kaŋɛ menyi na fanɛ menyeeŋ wu ebɔrɛso ka bugi nɛ Ebɔrɛ be emalaika bee dii a gbelge a ba ma, Nyiŋgbasa Pibinyɛn so.”

Baru lela nɛ Jɔn kute na 12:34

Ndoŋ nna nɛ jimaŋ na kaŋɛ mo le: “Anyee nu ashi anyi be mbra na to fanɛ Mesaya na beeŋ ba kaa wɔ ŋkpa to mbaanaayɔ nɛ a ji nuso nna nɛ fee kaŋɛ: ‘Baaŋ maŋ Nyiŋgbasa Pibinyɛn na so’? Wanɛ nɛ fee tre Nyiŋgbasa Pibinyɛn na?”

Baru lela nɛ Jɔn kute na 13:31

Judas ka lar nɛ Yesu kaŋɛ le: “Naniere bre ma, Nyiŋgbasa Pibinyɛn nya kemaŋkura nɛ Ebɔrɛ malɛ gba nya kemaŋkura ashi ma to.

Baru lela nɛ Jɔn kute na 3:13

Esa kama maŋ naŋ yɔ ebɔrɛso she emo nɛ e shi ndoŋ m ba na nawule, mo e la ma, Nyiŋgbasa Pibinyɛn na.

Baru lela nɛ Jɔn kute na 3:14

Kananɛ anebi Mosis daŋ kre danyaŋ be kabulpi nɛ k du fanɛ kuwɔ ashi kiyi to m mata kedibi nseŋ maŋ kumo so n yili na, loŋ gbagba na nɛ a daga fanɛ b maŋ Nyiŋgbasa Pibinyɛn na gba so.

Baru lela nɛ Jɔn kute na 6:27

Men sa maa kɔ a fin ajibi nɛ a bee jija ere, men baa kɔ a fin ajibi nɛ a bee sa ŋkpa nɛ k maŋ kɔ ekar na. Ma, Nyiŋgbasa Pibinyɛn e naa sa loŋ be ajibi na, ŋkpal manɛ so, Ebɔrɛ Etuto na e ŋini fanɛ mbe kenyi wɔ ma so.”

Baru lela nɛ Jɔn kute na 6:53

Nɛ Yesu kaŋɛ bumo: “Ma e kaŋɛ menyi kashenteŋto na fanɛ nɛ men baa maŋ we Nyiŋgbasa Pibinyɛn na be eyur na nseŋ nuu mbe ŋklaŋ na, men maaŋ nya ŋkpa.

Baru lela nɛ Jɔn kute na 6:62

To, nɛ men daŋ wu ma, Nyiŋgbasa Pibinyɛn ka bɛta a yɔ ebɔrɛso, kakpa nɛ n daa wɔ na ai?

Ashuŋ Shunso 7:56

Nɛ e kaŋɛ basa na: “Men keni, n wu ebɔrɛso ka bugi nɛ Nyiŋgbasa Pibinyɛn yil Ebɔrɛ be jisoso.”

2 Kɔrintebi 8:9

Ŋkpal manɛ so, men nyi Kristo, Enyɛnpe Yesu be kuwɔr be kakɛ na be asheŋ, fanɛ e ka la damawura, ama menyi so nɛ e ki etirpo, saŋɛ na so menyeeŋ bɔla mbe ketir so ŋ ki damawuraana.