Matiu 7:7 - EBƆRƐ BE KAWƆL

⁷ Men kule nseŋ nya, men fin nseŋ wu, men ŋmɛa kabuna nɛ b bugi n sa menyi.

Matiu 7:7 ပူးပေါင်းရင်းမြစ်များ

Jɛnesis 26:32

Kumo be kamɔnchɛ na gbagba nɛ Aizek be nyɛrbi ba kaŋɛ mo ketirbu ko nɛ b kur be asheŋ. B yɛ: “An nya nchu.”

1 Bewura 3:5

Kamɔnchɛ be kanyɛso gbagba nɛ Enyɛnpe Ebɔrɛ lara mbe kumu ŋ ŋini ewura Sɔlɔmɔn edare to m bishi mo le: “Manɛ nɛ fee sha ŋ ka wora n sa fo?”

Nshɛ 10:17

Enyɛnpe Ebɔrɛ, fo e naa nu bumo nɛ baa ji awurfoŋ be kekule. Feeŋ nu bumo be nfubel nseŋ leŋ bumo to.

Nshɛ 10:4

Belubiworapo be shɛŋ maŋ wɔ Enyɛnpe Ebɔrɛ to. Bumo be kamoowu so, b maa fɛ Ebɔrɛ be asheŋ gba kuraa.

Nshɛ 119:12

O Enyɛnpe Ebɔrɛ, mee kpaŋ fo nna; ŋini ma fo mbraana na.

Nshɛ 27:8

N yili ma kagbene to nna fanɛ meeŋ fin fo; amoso nɛ m pere kenishi nɛ n wu fo na.

Nshɛ 34:4

Ŋ kule Enyɛnpe Ebɔrɛ na nɛ e nu ma kekule, nseŋ sɔ ma n yige ashi asɔ nɛ a bee da ma kufu na to.

Nshɛ 37:4

Shin nɛ fo kagbene e baa fuli fo ga; ŋkpal fo ka bee wora Enyɛnpe Ebɔrɛ na be aparsheŋ so. Mo alɛ beeŋ baa wora kusɔ nɛ fee sha a sa fo.

Nshɛ 50:15

Men shu n tre ma ashi men be etɔrɔ to nɛ n mɔlga menyi, nɛ men bunyaŋ ma.

Nshɛ 69:32

Betirpo beeŋ wu kumo be loŋ nɛ bumo be ŋgbene e fuli bumo. Saŋɛ na so basa nɛ baa bunyaŋ Enyɛnpe na beeŋ nya keleŋto.

Nshɛ 70:4

Enyɛnpe Ebɔrɛ, shin nɛ bumo nɛ baa bunyaŋ fo na be ŋgbene e fuli bumo nɛ b ji eyur. Shin nɛ bekama nɛ baa sha fo kumɔlga na e baa kaŋɛ saŋkama fanɛ Enyɛnpe na shibi.

Nshɛ 86:5

O Enyɛnpe Ebɔrɛ, fo la esa lela nɛ fee ta alubi a paŋ nna. Fo alɛ kɔ kasha damta n sa bumo nɛ baa shu a tre fo na nna.

Aŋasa 8:17

Mee sha bumo nɛ baa sha ma nna. Esa kama nɛ e bee fin ma kenishipereso beeŋ wu ma.

Sɔlɔmɔn 3:2

Nɛ ŋ koso n nite n kilgi to kade na kikɛ to; n nite kumo be abɔrbi kikɛ nɛ kumo be alɔnɛ kikɛ so n fin ma jipo, ama m maŋ wu mo.

Aizaaya 30:19

Men basa nɛ men wɔ Jerusalɛm to maaŋ naŋ shu kikɛ. Enyɛnpe Ebɔrɛ na la ewɔrwupo nna nɛ men shu n tre mo fanɛ e chɛ menyi to, e beeŋ nu n sa menyi.

Jɛremaya 33:3

Men kule ma nɛ n nu menyi be kekule nseŋ kaŋɛ menyi asheŋgboŋ nɛ menyi maŋ nyi nsaa maaŋ tiŋ m pin amo to na.

Eemɔs 5:4

Le nɛ Enyɛnpe Ebɔrɛ kra kaŋɛ Israɛl be basa: “Israɛlebi, men bɛta m ba ŋ kutɔ saŋɛ na so menyeeŋ nya ŋkpa.

Matiu 18:19

“Ma alɛ naa kaŋɛ menyi nna fanɛ nɛ menyi benyɔ durnya ere to baŋ wora kɔnɔkoŋwule ŋ kule Ebɔrɛ kusɔ kama, n Tuto nɛ e wɔ ebɔrɛso na beeŋ wora kumo n sa menyi.

Matiu 21:22

Nɛ men baŋ yirda, menyeeŋ nya kusɔ kama nɛ men kule ashi kabɔrɛkule to.”

Matiu 6:33

Amoso men ta Ebɔrɛ be kuwura na nɛ mbe alelasheŋ be kasha n juŋkpar men be kebaawɔtɔ to nɛ e shin nɛ men nya asɔ na kikɛ n ti so.

Matiu 7:11

To, nɛ menyi ere ka la basa lubi le nsaa nyi asɔ lela be kebaata a sa men be mbia, nɛ men Tuto Ebɔrɛ nɛ e wɔ ebɔrɛso na ai? Mo ere maaŋ shuli n sa bekama nɛ b kule mo asɔ lela a?

Matiu 7:8

Ŋkpal manɛ so, ekama nɛ e kule beeŋ nya, ekama nɛ e fin beeŋ wu nɛ ekama malɛ nɛ e ŋmɛa kabuna, baaŋ bugi n sa mo.

Maak 11:24

Amoso, mee kaŋɛ menyi nna fanɛ nɛ menyi kule Ebɔrɛ a bishi mo kusɔ kama, men yirda fanɛ men nya kumo nɛ men nya kumo.

Luuk 13:25

Saŋɛ nɛ kowurnyɛn baŋ koso n ti kabuna na, yili saŋɛ na so nɛ menyi alɛ beeŋ yili kabuna to a ŋmɛa kabuna na a kaŋɛ: ‘Enyɛnpe, bugi anyi.’ Ama e beeŋ kaŋɛ menyi: ‘M maŋ nyi kakpa nɛ menyi shi.’

Luuk 18:1

Nɛ Yesu bɔ bumo keŋasa ere a ŋini kananɛ a daga fanɛ b baa kule Ebɔrɛ saŋkama nsaa maa pɔ aba.

Baru lela nɛ Jɔn kute na 15:16

Mannɛ menyi e lara ma, ma e lara menyi nseŋ kaŋɛ menyi fanɛ men ya nya asɔrso nɛ a beeŋ baa wɔtɔ a yɔ. Saŋɛ na so, Etuto na beeŋ sa menyi kusɔ kama nɛ men ta ma ketre ŋ kule mo.

Baru lela nɛ Jɔn kute na 15:7

Nɛ men baa wɔ ma to nɛ ma mmalga gba wɔ menyi to, men kule kusɔ kama nɛ menyee sha nɛ men nya kumo.

Baru lela nɛ Jɔn kute na 4:10

Nɛ Yesu kaŋɛ mo: “Keni alako fo daa nyi Ebɔrɛ be kakɛ nna nseŋ daa nyi esa nɛ e bee kule fo nchu nuuso ere, fo daa beeŋ kule mo nɛ e sa fo nchu nɛ a bee sa ŋkpa.”

Romebi 2:7

Bumo nɛ alelasheŋ be kewora maa gben bumo nɛ baa fin kemaŋkura nɛ bunyaŋ nɛ kebaawɔtɔ nɛ k maŋ kɔ luwu na, e beeŋ sa bumo ŋkpa nɛ k maŋ kɔ ekar na.

Romebi 3:11

Esa kikɛ maŋ wɔtɔ a pin asheŋ to, ekama malɛ maŋ naa wɔtɔ a kɔ a fin Ebɔrɛ.

Hibruwebi 11:6

Nɛ esa malɛ baa maa kɔ yirda, e maaŋ tiŋ n wora Ebɔrɛ be aparsheŋ kikɛ, ŋkpal manɛ so, esa kama nɛ e ba Ebɔrɛ kutɔ, a daga fanɛ e fara n yirda fanɛ Ebɔrɛ wɔ ŋkpa to nsaa nɛfa bekama nɛ baa fin mo kenishipereso.

Jeems 5:15

Nɛ b baŋ kule Ebɔrɛ yirdaso, elɔpo na beeŋ nya eleŋ. Enyɛnpe beeŋ chɛ mo nɛ e niŋi to nɛ alubi kama malɛ nɛ e wora, Ebɔrɛ beeŋ ta m paŋ mo.

1 Jɔn 3:22

Anyi alɛ naa tiŋ a nya kusɔ kama nɛ anyee kule mo ŋkpal an ka bee bɛ mbe mmalga naseso so so nsaa wora asɔ nɛ a bee par mo na so.