Matiu 7:22 - EBƆRƐ BE KAWƆL

²² Kachɛ na kaŋ fo, basa damta beeŋ kaŋɛ ma le: ‘Enyɛnpe, Enyɛnpe, an daŋ bɔla fo ketre so nna n wu abɔrɛsheŋ ŋ kaŋɛ. An bɔla fo ketre so n ju mbuibi lubi basa to nseŋ wora emamachisheŋ damta!’

Matiu 7:22 ပူးပေါင်းရင်းမြစ်များ

Aizaaya 2:11

Enyɛnpe Ebɔrɛ na kaŋ ba, baaŋ bar esa kama nɛ e bee fɛ fanɛ e shi ga, ŋko ekama nɛ e bee maŋ mbe kumu so, kaseto. Enyɛnpe Ebɔrɛ na nawule e naaŋ nya kemaŋkura loŋ be kachɛ na.

Aizaaya 2:17

Kachɛ na kaŋ fo, baaŋ bar esa kama nɛ e bee maŋ mbe kumu so nɛ ekama nɛ e bee fɛ fanɛ e shi ga kaseto. Enyɛnpe Ebɔrɛ na nawule e naaŋ nya kemaŋkura.

Nɔmbɛs 24:4

nsaa nu kusɔ nɛ Ebɔrɛ bee kaŋɛ na. Ma anishi yil nna nɛ k wora ma lemm fanɛ edare na nɛ n nya bɔrɛdare ashi Enyɛnpe Ebɔrɛ kutɔ.

Nɔmbɛs 31:8

n ta Evi nɛ Rekɛm nɛ Zur nɛ Hur nɛ Reeba nɛ b daa la Midianebi be bewura na n ti so. B daŋ mɔ Biyɔɔ pibinyɛn Balaam gba kena na to nna.

Matiu 10:15

Mee kaŋɛ menyi kashenteŋto nna fanɛ demujiachɛ na, asheŋ beeŋ ba bɔ Sodɔmebi nɛ Gomɔraebi so a chɔ kananɛ a beeŋ baa du n sa loŋ be kade na to ebi.”

Matiu 24:36

Esa kikɛ maŋ nyi kachɛ nɛ saŋɛ nɛ meeŋ naŋ ba na, hale ebɔrɛso be emalaika na gba ŋko ma, Ebɔrɛ Pibinyɛn na gba maŋ nyi, Etuto na nawule e nyi.

Matiu 25:11

Kumo alɛ be kaman nɛ besuŋgurbi wulpoana na malɛ ba m ba kaa kaŋɛ le: ‘Enyɛnpe, Enyɛnpe, bugi anyi.’

Matiu 7:21

Mannɛ basa nɛ baa tre ma Enyɛnpe, Enyɛnpe na kikɛ e naaŋ luri ebɔrɛso be kuwura na to she bumo nɛ baa wora n Tuto nɛ e wɔ ebɔrɛso na be aparsheŋ na.

Luuk 10:12

Mee kaŋɛ menyi nna fanɛ demujiachɛ na, asheŋ beeŋ ba bɔ Sodɔmebi so a chɔ kananɛ a beeŋ ba du n sa loŋ be kade na to ebi.”

Baru lela nɛ Jɔn kute na 11:51

Kesheŋ ere e ka malga ere daa maŋ shi mo gbagba to, ama ŋkpal e ka daa la bɔrɛmatapo nimuso amo be kamoafɛ na so so nɛ e daa wu a kaŋɛ fanɛ Yesu e daa shin nɛ e wu n sa efuli na so ebi na.

1 Tɛsalɔnikaebi 5:4

Ama bekurgepoana, menyi alɛ maŋ wɔ tentembiri to, amoso, men sa maŋ shin nɛ kachɛ na e purgi menyi fanɛ eyu.

2 Tɛsalɔnikaebi 1:10

Kachɛ nɛ e beeŋ ba nya kemaŋkura nɛ bunyaŋ ashi mbe basa nɛ b yirda mo na kutɔ na, menyi alɛ gba beeŋ ti loŋ be basa na so ŋkpal men ka yirda kubɔya nɛ an daŋ bɔ n sa menyi na so.

2 Timoti 1:12

Kumo alɛ so nɛ mee ji le be awurfoŋ ere na. Ama kumo alɛ maŋ kɔ ma anishinyɔr, ŋkpal manɛ so, n nyi esa nɛ n yirda, ma alɛ maa ji kumo emɔrɔ fanɛ e beeŋ tiŋ ŋ keni kusɔ kama nɛ e ta m bɔɔ ma enɔ so hale n ya fo kachɛ na.

2 Timoti 1:18

Enyɛnpe e shin nɛ e nya kuwɔr ashi mo kutɔ kachɛ na. Fo alɛ gba nyi asɔ damta nɛ e wora n sa ma ashi Ɛfeses.

2 Timoti 4:8

Naniere bre ma kejinlar be kakɛ e ka a jo ma nɛ n sɔ. Kumo be kamɔnchɛ Enyɛnpe nɛ e maa ji demu a puni na beeŋ ta kumo ŋ kɛ ma. Mannɛ n nawule, ama e beeŋ ta kumo ŋ kɛ bekama nɛ b kɔ kasha a jo mbe kelar m ba na gba n ti so.