Matiu 7:21 - EBƆRƐ BE KAWƆL

²¹ Mannɛ basa nɛ baa tre ma Enyɛnpe, Enyɛnpe na kikɛ e naaŋ luri ebɔrɛso be kuwura na to she bumo nɛ baa wora n Tuto nɛ e wɔ ebɔrɛso na be aparsheŋ na.

Matiu 7:21 ပူးပေါင်းရင်းမြစ်များ

Matiu 12:50

Ŋkpal manɛ so, ekama nɛ e bee wora n Tuto nɛ e wɔ ebɔrɛso na be aparsheŋ e la n sipo nɛ n sipoche nɛ n nio.”

Matiu 16:17

Nɛ Yesu kaŋɛ mo: “Mbo, Jɔn pibinyɛn Saimɔn, ŋkpal manɛ so, le be kashenteŋ be kamalga ere maŋ shi nyiŋgbasa ko kutɔ nna m ba fo to. N Tuto nɛ e wɔ ebɔrɛso na gbagba kutɔ nɛ k shi.

Matiu 18:10

Nɛ Yesu kaŋɛ bumo: “Men baa da so n sa maa fɛl mbibi ere be ekama, ŋkpal manɛ so, ma e kaŋɛ menyi na fanɛ bumo be emalaika wɔ ebɔrɛso nna a wu n Tuto Ebɔrɛ nɛ e wɔ ebɔrɛso na.

Matiu 18:19

“Ma alɛ naa kaŋɛ menyi nna fanɛ nɛ menyi benyɔ durnya ere to baŋ wora kɔnɔkoŋwule ŋ kule Ebɔrɛ kusɔ kama, n Tuto nɛ e wɔ ebɔrɛso na beeŋ wora kumo n sa menyi.

Matiu 18:3

nseŋ kaŋɛ bumo: “Ma e kaŋɛ menyi kashenteŋto na fanɛ nɛ men baŋ maŋ chɛrga a du fanɛ mbibi, men maaŋ luri ebɔrɛso be kuwura na to kikɛ.

Matiu 18:35

Nɛ Yesu kaŋɛ: “To, kananɛ n Tuto nɛ e wɔ ebɔrɛso na beeŋ wora menyi be ekama nna na ama amodoŋwura baa ta asheŋ nɛ mo braana bee wora mo nna a paŋ bumo kashenteŋto.”

Matiu 19:24

Ŋ kraa kaŋɛ menyi nna na fanɛ damawura be keluri ebɔrɛso be kuwura na to du kpakpa a chɔ b ka beeŋ ta kemamprɔŋ n wɔtɔ kebasibi be kemaŋ to.”

Matiu 25:10

B ka wɔ ekpa to a yɔ nɛ b ya tɔ keresin na nɛ kejafɔ mo kul na malɛ ba. Ndoŋ nna nɛ bumo nɛ b daŋ wora shiriya na tu kejafɔ mo kul na n luri nɛ b ya ji kejafɔ to be kejigboŋ na. Kumo be kaman nɛ b ti ebu na be kabuna.

Matiu 25:21

Nɛ mo nyɛnpe kaŋɛ mo le: ‘Mbo, kenya lela nɛ meeŋ tiŋ n yirda. Fo ka baŋ ta gbrɛbi ere n shuŋ le ere nɛ m pin fanɛ meeŋ tiŋ n yirda fo. Amoso, naniere meeŋ ta asɔ damta m bɔɔ fo enɔ. Ba tu ma, fo nyɛnpe a nu ma kuwura to be ebel.’

Matiu 26:39

Ndoŋ nna nɛ e yɔ anishito gbrɛbi n ya gbir n kur kumu n yuu nseŋ kule Ebɔrɛ ŋ kaŋɛ le: “N Tuto, nɛ ekpa wɔtɔ, fo ta awurfoŋ ere ashi ma so, ama mannɛ ma keparso, shin nɛ k baa la feya.”

Matiu 26:42

E ka malga n loge nɛ e naŋ bɛta kela nyɔsopo n ya kule Ebɔrɛ le: “N Tuto, nɛ ekpa maŋ wɔtɔ fanɛ n lar le be awurfoŋ ere to ama m baŋ luri kumo to nna, fo shin nɛ fo aparsheŋ e wora.”

Maak 3:35

Ŋkpal manɛ so, ekama nɛ e bee wora Ebɔrɛ be aparsheŋ e la n sipo nɛ n sipoche nɛ n nio.”

Maak 9:47

Nɛ fo kenishi malɛ bee shin nɛ fee luri alubi to, fo chule kumo n lɛ, ŋkpal manɛ so, fo ka ta kenishi koŋwule n luri Ebɔrɛ be kuwura na to e bɔ fo so a chɔ fo ka kɔ anishi anyɔ nɛ b ta fo n lɛ Setani be edɛ to.

Luuk 11:28

Nɛ Yesu kaŋɛ: “Ayai, bumo nɛ baaŋ nu ebel e la bumo nɛ baa nu abɔrɛsheŋ na nsaa wora amo.”

Luuk 13:25

Saŋɛ nɛ kowurnyɛn baŋ koso n ti kabuna na, yili saŋɛ na so nɛ menyi alɛ beeŋ yili kabuna to a ŋmɛa kabuna na a kaŋɛ: ‘Enyɛnpe, bugi anyi.’ Ama e beeŋ kaŋɛ menyi: ‘M maŋ nyi kakpa nɛ menyi shi.’

Luuk 18:25

Damawura be keluri Ebɔrɛ be kuwura na to du kpakpa a chɔ b ka beeŋ ta kemamprɔŋ n wɔtɔ kebasibi be kemaŋ to.”

Luuk 6:46

Manɛ e ba nɛ menyee tre ma Enyɛnpe, Enyɛnpe, nsaa maa wora kusɔ nɛ mee kaŋɛ menyi?

Baru lela nɛ Jɔn kute na 14:7

Nɛ e naŋ kaŋɛ bumo le: “Nɛ men daa nyi ma nna, menyi daa beeŋ baa nyi n Tuto na gba. Baŋ yili kabre a yɔ menyi alɛ tea nyi mo hale n teŋ wu mo gba.”

Baru lela nɛ Jɔn kute na 15:23

Esa kama nɛ e kishi ma, kishi n Tuto gba nna.

Baru lela nɛ Jɔn kute na 3:5

Nɛ Yesu kaŋɛ mo: “Kashenteŋ nɛ mee kaŋɛ fo na fanɛ nɛ b baa maŋ bɔla nchu nɛ Kiyoyu na so ŋ kurge esa, e maaŋ tiŋ n luri Ebɔrɛ be kuwura na to.

Baru lela nɛ Jɔn kute na 5:17

Nɛ Yesu kaŋɛ bumo: “Saŋkikɛ n Tuto bee shuŋ nna, amoso, a daga fanɛ ma alɛ gba e baa shuŋ loŋ.”

Baru lela nɛ Jɔn kute na 6:40

Ŋkpal manɛ so, n Tuto be aparsheŋ e la fanɛ esa kama nɛ e wu ma, Nyiŋgbasa Pibinyɛn na nseŋ yirda, amodoŋwura beeŋ nya ŋkpa nɛ k maŋ kɔ ekar na nɛ n tiŋi mo ashi luwu to lalaloge be kachɛ na.”

Baru lela nɛ Jɔn kute na 7:17

Esa kama nɛ e bee sha kewora Ebɔrɛ be aparsheŋ beeŋ pin fanɛ asɔ nɛ mee ŋini ere shi Ebɔrɛ kutɔ nna ŋko ŋ gbagba be eleŋ nɛ ŋ kɔ a ŋini amo.

Ashuŋ Shunso 14:22

Kumo be kaman nɛ b bɛta n yɔ Listra nɛ Ikoniam nɛ Pisidia be Antiɔk a wushi beyirdapoana na be ŋgbene nseŋ naa leŋ bumo to fanɛ b baa kɔ yirda nɛ kashenteŋto kpakpa. Le nɛ b daŋ naa kaŋɛ bumo: “An kikɛ beeŋ luri etɔrɔ damta to pɔɛŋ nseŋ luri Ebɔrɛ be kuwura na to.”

Romebi 12:2

Men sa maa ta menyi be ŋgbene a wɔtɔ durnya ere to ebi be asheŋ to, men shin nɛ Ebɔrɛ e chɛrga menyi be ŋgbene n sa menyi nɛ men nya nfɛra popɔr. Saŋɛ na so nɛ menyeeŋ tiŋ m pin kusɔ nɛ Ebɔrɛ bee sha, kumo e la fanɛ alelasheŋ, mbe aparsheŋ nɛ asɔ nɛ a daga.

Romebi 2:13

Ŋkpal manɛ so, mannɛ basa nɛ baa nu mbra na nɛ Ebɔrɛ bee nase kumo fanɛ b la belelapo mbe anishito, bumo nɛ baa wora kusɔ nɛ mbra na bee kaŋɛ na nɛ Ebɔrɛ beeŋ ba nase kumo fanɛ b la belelapo.

Ɛfesesebi 6:6

Saŋkikɛ men baa nu a sa bumo, mannɛ fanɛ nɛ b wu menyi nɛ men nya ketre bumo kutɔ so, ama men baa ta men be ŋgbene kikɛ a wora asɔ nɛ a bee par Ebɔrɛ nɛ men baa du fanɛ Kristo be anya.

Kɔlɔsiebi 4:12

Epafras nɛ e la Yesu Kristo be eshumpo nsaa la menyi yiri koŋwule na bee chɔrɔ menyi. Saŋkama e bee bugi mbe kagbene to nna a kule Ebɔrɛ a sa menyi nɛ men baa kɔ men be yirda na to kpakpa nɛ men be abɔrɛsheŋ be kenyi e baa wora keshi a ti so nsaa nyi kusɔ kama nɛ Ebɔrɛ bee sha a maa kɔ yalayala.

1 Tɛsalɔnikaebi 4:3

Ebɔrɛ be kusɔ nɛ e bee sha nde: E bee sha men ka bee gelge abojuasheŋ nna nɛnɛ a du cheembi.

1 Tɛsalɔnikaebi 5:18

Men baa chɔrɔ Ebɔrɛ kebaawɔtɔ kama nɛ men wɔtɔ to, ŋkpal manɛ so, kusɔ nɛ e bee sha nɛ men baa wora Yesu Kristo to nna na.

Taites 1:16

B yɛ b nyi Ebɔrɛ, bumo alɛ nsaa kini mo ashi bumo be kebaawɔtɔ nɛ asheŋ woraso to. Bumo be alubisheŋ nɛ bumo be amuleŋ maŋ kɔ ebarkasa, b maŋ walɛ kelela be kusɔ kama be kewora.

Hibruwebi 13:21

Kagbenewushi be Ebɔrɛ na e shin nɛ kusɔ lela kama nɛ k walɛ keta n shuŋ mbe kushuŋ na e bɔla menyi to. Ma alɛ naa kule mo fanɛ e bɔla Kristo so n wora kusɔ nɛ k bee par mo ashi anyi to. Kemaŋkura e baa la Yesu Kristo na peya mbaanaayɔ. Amɛn.

Hibruwebi 4:6

Bumo nɛ b daŋ fara n nu baru lela na daa maŋ luri kewushi na to ŋkpal b ka daa maŋ kɔ kasonu so, ama basa ko kraa wɔtɔ nɛ b nya kewushi na to n luri.

Jeems 1:22

Ama men baa la benupo nɛ baa nu a wora nsaa maa nu kamalga na jiga a fule men be amu.

1 Pita 2:15

Ŋkpal manɛ so, kusɔ nɛ k bee par Ebɔrɛ e la fanɛ men baa wora kelela, nɛ loŋ e tiŋ n shin nɛ bumo nɛ b maŋ nyi nsaa malga kawuliso be mmalga na e lo bumo be nnɔ.

1 Pita 4:2

Nɛ loŋ malɛ baŋ wora, loŋ be esa na maŋ naa kɔ mbe durnya ere to be kebaawɔtɔ a wɔ edimɛdi be ayɛlgasɔ lubiana to, ama Ebɔrɛ be aparsheŋ to nɛ e kɔ mbe kebaawɔtɔ a wɔ.

Kelaraŋŋini 2:27

nɛ amodoŋwura na e ta kagbene kpakpaso n ji kuwura bumo so n wora bumo fanɛ kananɛ esa bee kaa buri kaba to na. Eleŋ na beeŋ baa du fanɛ kananɛ ŋ gbagba nya eleŋ ashi n Tuto kutɔ na.

Kelaraŋŋini 22:14

Kagbenefuli la bekama nɛ b fɔr bumo be epiŋi nɛ a lar so nseŋ nya ekpa nɛ b ji ŋkpa be kedibi na be asɔrso nseŋ naŋ nya m bɔla mbuna to na n luri kadegboŋ na to na peya nna.

Kelaraŋŋini 3:5

Ekama nɛ e kɔ m pɔɔ so beeŋ buu asɔ fuful fanɛ bumo. M maaŋ kpra mbe ketre ashi ŋkpa be kawɔl na to kikɛ, ama meeŋ ji mbe shɛda n sa n Tuto nɛ mbe emalaika.